https://arm.sputniknews.ru/20210919/vareliqi-60-mln-dvolaranvoc-gvortsarqvov-hh-biznes-subjektnery-durs-kmghven-shukajic-davtjan-33423264.html
Վառելիքի 60 մլն դոլարանոց գործարքով ՀՀ բիզնես սուբյեկտները դուրս կմղվեն շուկայից. Դավթյան
Վառելիքի 60 մլն դոլարանոց գործարքով ՀՀ բիզնես սուբյեկտները դուրս կմղվեն շուկայից. Դավթյան
Sputnik Արմենիա
Էներգետիկ անվտանգության ինստիտուտի տնօրեն Վահե Դավթյանը Sputnik Արմենիայի եթերում անդրադարձել է 60 միլիոն դոլարանոց ներդրումային ծրագրին և այն տեղեկությանը, որ... 19.09.2021, Sputnik Արմենիա
2021-09-19T11:40+0400
2021-09-19T11:40+0400
2021-09-19T11:56+0400
հայաստան
վրաստանի հանրապետություն
ադրբեջան
ներդրում
բենզին
ռադիո
ռադիո
https://cdn.am.sputniknews.ru/img/07e5/09/12/33408268_0:0:1600:901_1920x0_80_0_0_047637f871318a0728bc6e6ef835e4bf.jpg
«Վառելիքի 60 մլն դոլարանոց գործարքով ՀՀ բիզնես սուբյեկտները դուրս կմղվեն շուկայից». Դավթյան
Sputnik Արմենիա
«Վառելիքի 60 մլն դոլարանոց գործարքով ՀՀ բիզնես սուբյեկտները դուրս կմղվեն շուկայից». Դավթյան
Կուլուարային մակարդակում կարող են լինել տարբեր գործընթացներ, և Դավիթ Յակոբաշվիլին իսկապես կարող է կապ ունենալ ադրբեջանական «Socar» ընկերության հետ, բայց չպետք է մոռանալ, որ 2014 թվականին վրացական «Perocas Energy Group»–ի արժեթղթերի 49 տոկոսը նույն Յակոբաշվիլին վաճառեց ռուսական պետական "Ռոսնևտ" ընկերությանը, որն էլ այսօր առանցքային շահառուներից է։Sputnik Արմենիայի հետ զրույցում, անդրադառնալով խոսակցություններին, թե 60 միլիոն դոլարանոց ներդրումային ծրագիր հետևում կանգնած է ադրբեջանցիների հետ սերտ կապեր ունեցող Դավիդ Յակոբաշվիլին ասաց էներգետիկ փորձագետ Վահե Դավթյանը։«Հաշվի առնելով այդ հանգամանքը` կարծում եմ, որ «Perocas Energy Group»–ի հնարավոր մուտքը հայաստանյան շուկա պետք է դիտարկել ավելի շատ «Ռոսնևտի» քաղաքականության դիվերսիֆիկացման համատեսքտում։ Երբ 2014 թվականին կնքվեց հայտնի գործարքը, վրացական ընդդիմությունը շատ ծանր տարավ այդ հանգամանքը` խնդիրը տեղափոխելով Վրաստանի ինքնիշխանության դաշտ։ Մյուս կողմից արձագանքներ եղան նաև ադրբեջանական կողմից»,– հիշեցրեց փորձագետը։«Ռուսական «Ռոսնևտի» ծրագրերի մեջ է մտնում Վրաստանի տարածքում նավթամթերային լոգիստիկ կենտրոնի հիմնումը, որտեղից իրականացվելու է վաճառք դեպի Ադրբեջան ու Հայաստան, հետևաբար մոտ ապագայում կլսենք որոշակի հայտարարություններ "Ռոսնևտ Արմենիա" ընկերության կողմից, որը հավանաբար մեզ մոտ կգնա որոշակի ռեստրուկտուրիզացիայի։ Պատահական չէ, որ ռուսական ընկերությունն իր գործունեությունն Անդրկովկասում ցանկանում է ծավալել նաև վրացական ընկերության միջոցով, որպեսզի կյանքի կոչի նավթամթերքի արտահանման դիվերսիֆիկացիան»",– ասաց նա։Նրա կարծիքով` ինչպես նախկինում, այնպես էլ այսօր վրացական «Perocas Energy Group» ընկերությունը տրանսպորտային լոգիստիկ հարցում, նավթամթերքի երկաթուղային փոխադրումների ոլորտում կշարունակի իր ակտիվ գործունեությունը։ Իսկ ինչ վերաբերում է Հայաստանի շահերին, ապա այն ներդրումները, որոնք խոստանում է մեր կառավարությունը, դժվար թե կարող է որակական արդյունքների բերել, որովհետև այստեղ ընդամենը խոսքը հայաստանյան բիզնես սուբյեկտների դուրսմղման մասին է` շնորհիվ նոր սուբյեկտի ձևավորման։ՌԴ-ն ու Բելառուսը նավթի, նավթամթերքների ու էլեկտրաէներգիայի միասնական շուկա կստեղծենԴավթյանի համոզմամբ` Հայաստանում արդեն իսկ կա բենզալցակայանների կայացած ցանց, որը կարելի է արդիականացնել` առավելապես աշխատելով ներքին տնտեսվարողների հետ, իսկ օտարերկրյա ներդրումները պետք է ուղղել դեպի այլ ռազմավարական ոլորտներ։Հիշեցնենք, որ ՀՀ կառավարության օգոստոսի 27-ի նիստից հետո լրագրողների հետ ճեպազրույցում էկոնոմիկայի նախարար Վահան Քերոբյանը հայտարարեց, որ մոտ 60 միլիոն դոլարանոց ներդրումային ծրագիր կա, որով նախատեսվում է նոր որակի ու ստանդարտների բենզալցակայանների ցանցի ստեղծում Հայաստանում։Մամուլում շրջանառվող տեղեկատվության համաձայն` ծրագրի հետևում կանգնած է Վրաստանի քաղաքացի, հայտնի մագնատ, միջազգային սկանդալների մեջ հայտնված Դավիդ Յակոբաշվիլին, ով ղեկավարում է վրացական «Perocas Energy Group» ընկերությունը։Նույն տեղեկատվության համաձայն` Յակոբավիլու գործընկերը վառելիքի շուկայում ադրբեջանական «Socar»–ն է` Ալիևների կլանին պատկանող նավթային ընկերությունը, այսինքն` ի դեմս Յակոբաշվիլու Հայաստանի վառելիքի շուկա է ուզում անուղղակիորեն մտնել «Socar»–ը` դրանից բխող քաղաքական, աշխարհաքաղաքական ու անվտանգային հետևանքներով։
https://arm.sputniknews.ru/20210902/tankacel-en-bernapoxadrumnery-benziny-tmpph-28864357.html
վրաստանի հանրապետություն
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, վրաստանի հանրապետություն, ադրբեջան, ներդրում, բենզին, ռադիո
հայաստան, վրաստանի հանրապետություն, ադրբեջան, ներդրում, բենզին, ռադիո
Վառելիքի 60 մլն դոլարանոց գործարքով ՀՀ բիզնես սուբյեկտները դուրս կմղվեն շուկայից. Դավթյան
11:40 19.09.2021 (Թարմացված է: 11:56 19.09.2021) Էներգետիկ անվտանգության ինստիտուտի տնօրեն Վահե Դավթյանը Sputnik Արմենիայի եթերում անդրադարձել է 60 միլիոն դոլարանոց ներդրումային ծրագրին և այն տեղեկությանը, որ ծրագրի հետևում կանգնած է ադրբեջանցիների հետ սերտ կապեր ունեցող մագնատ Դավիդ Յակոբաշվիլին։
Կուլուարային մակարդակում կարող են լինել տարբեր գործընթացներ, և Դավիթ Յակոբաշվիլին իսկապես կարող է կապ ունենալ ադրբեջանական «Socar» ընկերության հետ, բայց չպետք է մոռանալ, որ 2014 թվականին վրացական «Perocas Energy Group»–ի արժեթղթերի 49 տոկոսը նույն Յակոբաշվիլին վաճառեց ռուսական պետական "Ռոսնևտ" ընկերությանը, որն էլ այսօր առանցքային շահառուներից է։
Sputnik Արմենիայի հետ զրույցում, անդրադառնալով խոսակցություններին, թե 60 միլիոն դոլարանոց ներդրումային ծրագիր հետևում կանգնած է ադրբեջանցիների հետ սերտ կապեր ունեցող Դավիդ Յակոբաշվիլին ասաց էներգետիկ փորձագետ Վահե Դավթյանը։
«Հաշվի առնելով այդ հանգամանքը` կարծում եմ, որ «Perocas Energy Group»–ի հնարավոր մուտքը հայաստանյան շուկա պետք է դիտարկել ավելի շատ «Ռոսնևտի» քաղաքականության դիվերսիֆիկացման համատեսքտում։ Երբ 2014 թվականին կնքվեց հայտնի գործարքը, վրացական ընդդիմությունը շատ ծանր տարավ այդ հանգամանքը` խնդիրը տեղափոխելով Վրաստանի ինքնիշխանության դաշտ։ Մյուս կողմից արձագանքներ եղան նաև ադրբեջանական կողմից»,– հիշեցրեց փորձագետը։
Դավթյանի փոխանցմամբ` դեռ այն ժամանակ ադրբեջանական «Socar»–ն ակտիվորեն փորձում էր ամրապնդվել վառելիքի վրացական շուկայում` ձևավորելով բենզալցակայանների հսկայական ցանց, և այդ գործընթացը շարունակվում է մինչ օրս, ուստի ադրբեջանցիները դեռ այն ժամանակ «Ռոսնևտին» դիտարկում էին որպես շատ լուրջ մրցակցի։
«Ռուսական «Ռոսնևտի» ծրագրերի մեջ է մտնում Վրաստանի տարածքում նավթամթերային լոգիստիկ կենտրոնի հիմնումը, որտեղից իրականացվելու է վաճառք դեպի Ադրբեջան ու Հայաստան, հետևաբար մոտ ապագայում կլսենք որոշակի հայտարարություններ "Ռոսնևտ Արմենիա" ընկերության կողմից, որը հավանաբար մեզ մոտ կգնա որոշակի ռեստրուկտուրիզացիայի։ Պատահական չէ, որ ռուսական ընկերությունն իր գործունեությունն Անդրկովկասում ցանկանում է ծավալել նաև վրացական ընկերության միջոցով, որպեսզի կյանքի կոչի նավթամթերքի արտահանման դիվերսիֆիկացիան»",– ասաց նա։
Նրա կարծիքով` ինչպես նախկինում, այնպես էլ այսօր վրացական «Perocas Energy Group» ընկերությունը տրանսպորտային լոգիստիկ հարցում, նավթամթերքի երկաթուղային փոխադրումների ոլորտում կշարունակի իր ակտիվ գործունեությունը։ Իսկ ինչ վերաբերում է Հայաստանի շահերին, ապա այն ներդրումները, որոնք խոստանում է մեր կառավարությունը, դժվար թե կարող է որակական արդյունքների բերել, որովհետև այստեղ ընդամենը խոսքը հայաստանյան բիզնես սուբյեկտների դուրսմղման մասին է` շնորհիվ նոր սուբյեկտի ձևավորման։
Դավթյանի համոզմամբ` Հայաստանում արդեն իսկ կա բենզալցակայանների կայացած ցանց, որը կարելի է արդիականացնել` առավելապես աշխատելով ներքին տնտեսվարողների հետ, իսկ օտարերկրյա ներդրումները պետք է ուղղել դեպի այլ ռազմավարական ոլորտներ։
Հիշեցնենք, որ ՀՀ կառավարության օգոստոսի 27-ի նիստից հետո լրագրողների հետ ճեպազրույցում էկոնոմիկայի նախարար Վահան Քերոբյանը հայտարարեց, որ մոտ 60 միլիոն դոլարանոց ներդրումային ծրագիր կա, որով նախատեսվում է նոր որակի ու ստանդարտների բենզալցակայանների ցանցի ստեղծում Հայաստանում։
Մամուլում շրջանառվող տեղեկատվության համաձայն` ծրագրի հետևում կանգնած է Վրաստանի քաղաքացի, հայտնի մագնատ, միջազգային սկանդալների մեջ հայտնված Դավիդ Յակոբաշվիլին, ով ղեկավարում է վրացական «Perocas Energy Group» ընկերությունը։
Նույն տեղեկատվության համաձայն` Յակոբավիլու գործընկերը վառելիքի շուկայում ադրբեջանական «Socar»–ն է` Ալիևների կլանին պատկանող նավթային ընկերությունը, այսինքն` ի դեմս Յակոբաշվիլու Հայաստանի վառելիքի շուկա է ուզում անուղղակիորեն մտնել «Socar»–ը` դրանից բխող քաղաքական, աշխարհաքաղաքական ու անվտանգային հետևանքներով։
