https://arm.sputniknews.ru/20210917/khndirner-kan-vorvovhetev-qaghaqakan-gvortsichnern-azniv-chen-nakhagahy-mtqeri-gagatnazhvoghvovum-33383869.html
Խնդիրներ կան, որովհետև քաղաքական գործիչներն ազնիվ չեն. նախագահը` «Մտքերի գագաթնաժողովում»
Խնդիրներ կան, որովհետև քաղաքական գործիչներն ազնիվ չեն. նախագահը` «Մտքերի գագաթնաժողովում»
Sputnik Արմենիա
"Մտքերի գագաթնաժողովի" գլխավոր բանախոս ՀՀ նախագահը խոսել է 44–օրյա պատերազմի մասին։ 17.09.2021, Sputnik Արմենիա
2021-09-17T18:33+0400
2021-09-17T18:33+0400
2021-10-24T12:27+0400
արցախ
հայաստան
արմեն սարգսյան
ֆրանսիա
պատերազմ
մտքերի գագաթնաժողով
https://cdn.am.sputniknews.ru/img/07e5/09/11/33383866_0:103:1500:947_1920x0_80_0_0_7d6d8ac8503eda0c5daf687aac817ad7.jpg
ԵՐԵՎԱՆ, 17 սեպտեմբերի – Sputnik. Աշխատանքային այցով Ֆրանսիայում գտնվող ՀՀ նախագահ Արմեն Սարգսյանը Շամոնիում այսօր մասնակցել է ամենամյա "Մտքերի գագաթնաժողովի" (Summit of Minds) բացմանը և հանդես եկել որպես գլխավոր բանախոս։ Տեղեկությունը հայտնում են նախագահի մամուլի ծառայությունից։Նախագահ Սարգսյանն իր խոսքում մասնավորապես անդրադարձել է Արցախի դեմ Ադրբեջանի սանձազերծած 44-օրյա պատերազմին և հայկական բանակի զինվորների խիզախությանը: "44 օր տևած պատերազմը միայն Ադրբեջանի դեմ չէր, քանի որ այդ երկիրը Թուրքիայի բացահայտ աջակցությամբ էր պատերազմում՝ նրա անօդաչու սարքերով, տեխնիկայով և այլն",- իր խոսքում ասել է նախագահ Սարգսյանը:Նա նշել է, որ երբ պատերազմի ընթացքում և դրանից հետո զոհվածների պարգևատրման հրամանագրերի ստորագրումն արդեն իսկ ծանր էր, քանի որ յուրաքանչյուրի հետևում հերթական խզված երիտասարդ կյանքն էր ու այն ամենի նկարագրությունը, ինչ տեղի էր ունեցել այդ երիտասարդների հետ: "Նրանք մոտ 20 տարեկան էին և հերոսաբար պաշտպանել են իրենց հայրենիքը՝ կռվելով իրենց "Գողիաթի" դեմ":Շարունակելով համարձակության ու խիզախության թեման՝ նախագահ Սարգսյանը նշել է, որ ճշմարտությունն ընդունելն ու ասելը ևս խիզախություն է պահանջում. "Ամբողջ աշխարհում շատ խնդիրներ ունենք, որովհետևքաղաքական գործիչները, կազմակերպությունները, անհատները, գործարարները, մշակութային գործիչներն ազնիվ չեն: Մեր կյանքում՝ և՛ անձնական, և՛ քաղաքական, տեսնում ենք, որ շատերը ձևացնում են՝ ազնիվ լինելու և չստելու փոխարեն: Վախը հաղթահարելու և քաջ լինելու համար պետք է չստել, առաջին հերթին՝ չխաբել ինքդ քեզ: Փոխարենը՝ պետք է առերեսվել իրողության հետ և գործել":Սարգսյանը Հայաստանի հնարավորությունները ներկայացրել է հայտնի ընկերությունների ղեկավարներինԱրմեն Սարգսյանը քննարկման մասնակիցներին հրավիրել է մասնակցելու այս տարվա հոկտեմբերի 23-24-ը Հայաստանում՝ Դիլիջանում նախատեսված՝ "Մտքերի հայկական երրորդ գագաթնաժողովին":Նշենք, որ Շամոնիի գագաթնաժողովը յուրօրինակ հարթակ է նոր գաղափարների, նոր նախագծերի փոխանակման համար:Այս անգամ տարբեր երկրների շուրջ 100 ներկայացուցիչ բազմակողմ քննարկում են ծավալել ժամանակակից աշխարհի մարտահրավերների ու խնդիրների, այս համատեքստում՝ համարձակության ու խիզախության մասին՝ իրենց տարբեր դրսևորումներով:
https://arm.sputniknews.ru/20210915/mtqeri-hajkakan-gagatnazhvoghvovy-rdum-anckacnelu-harcn-en-qnnarkel-sargsjany-ev-shvidkvojy-33279429.html
ֆրանսիա
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e5/09/11/33383866_32:0:1356:993_1920x0_80_0_0_c6e0c5c12dfb5d7f45f10774aa6256c1.jpgSputnik Արմենիա
media@sputniknews.com
+74956456601
MIA „Rossiya Segodnya“
արցախ, հայաստան, արմեն սարգսյան, ֆրանսիա, պատերազմ, մտքերի գագաթնաժողով
արցախ, հայաստան, արմեն սարգսյան, ֆրանսիա, պատերազմ, մտքերի գագաթնաժողով
Խնդիրներ կան, որովհետև քաղաքական գործիչներն ազնիվ չեն. նախագահը` «Մտքերի գագաթնաժողովում»
18:33 17.09.2021 (Թարմացված է: 12:27 24.10.2021) "Մտքերի գագաթնաժողովի" գլխավոր բանախոս ՀՀ նախագահը խոսել է 44–օրյա պատերազմի մասին։
ԵՐԵՎԱՆ, 17 սեպտեմբերի – Sputnik. Աշխատանքային այցով Ֆրանսիայում գտնվող ՀՀ նախագահ Արմեն Սարգսյանը Շամոնիում այսօր մասնակցել է ամենամյա "Մտքերի գագաթնաժողովի" (Summit of Minds) բացմանը և հանդես եկել որպես գլխավոր բանախոս։ Տեղեկությունը
հայտնում են նախագահի մամուլի ծառայությունից։
Նախագահ Սարգսյանն իր խոսքում մասնավորապես անդրադարձել է Արցախի դեմ Ադրբեջանի սանձազերծած 44-օրյա պատերազմին և հայկական բանակի զինվորների խիզախությանը: "44 օր տևած պատերազմը միայն Ադրբեջանի դեմ չէր, քանի որ այդ երկիրը Թուրքիայի բացահայտ աջակցությամբ էր պատերազմում՝ նրա անօդաչու սարքերով, տեխնիկայով և այլն",- իր խոսքում ասել է նախագահ Սարգսյանը:
![Президент Армен Саркисян принял специального представителя Президента РФ по международному культурному сотрудничеству и экс-министра культуры РФ Михаила Швыдкого (15 сентября 2021). Еревaн Президент Армен Саркисян принял специального представителя Президента РФ по международному культурному сотрудничеству и экс-министра культуры РФ Михаила Швыдкого (15 сентября 2021). Еревaн - Sputnik Արմենիա, 1920, 15.09.2021](https://cdn.am.sputniknews.ru/img/07e5/09/0f/33279034_0:197:1500:797_1920x0_80_0_0_969f973123c56af8da54a868c8df9dd7.jpg)
15 սեպտեմբերի 2021, 11:29
Նա նշել է, որ երբ պատերազմի ընթացքում և դրանից հետո զոհվածների պարգևատրման հրամանագրերի ստորագրումն արդեն իսկ ծանր էր, քանի որ յուրաքանչյուրի հետևում հերթական խզված երիտասարդ կյանքն էր ու այն ամենի նկարագրությունը, ինչ տեղի էր ունեցել այդ երիտասարդների հետ: "Նրանք մոտ 20 տարեկան էին և հերոսաբար պաշտպանել են իրենց հայրենիքը՝ կռվելով իրենց "Գողիաթի" դեմ":
Շարունակելով համարձակության ու խիզախության թեման՝ նախագահ Սարգսյանը նշել է, որ ճշմարտությունն ընդունելն ու ասելը ևս խիզախություն է պահանջում. "Ամբողջ աշխարհում շատ խնդիրներ ունենք, որովհետևքաղաքական գործիչները, կազմակերպությունները, անհատները, գործարարները, մշակութային գործիչներն ազնիվ չեն: Մեր կյանքում՝ և՛ անձնական, և՛ քաղաքական, տեսնում ենք, որ շատերը ձևացնում են՝ ազնիվ լինելու և չստելու փոխարեն: Վախը հաղթահարելու և քաջ լինելու համար պետք է չստել, առաջին հերթին՝ չխաբել ինքդ քեզ: Փոխարենը՝ պետք է առերեսվել իրողության հետ և գործել":
Արմեն Սարգսյանը քննարկման մասնակիցներին հրավիրել է մասնակցելու այս տարվա հոկտեմբերի 23-24-ը Հայաստանում՝
Դիլիջանում նախատեսված՝ "Մտքերի հայկական երրորդ գագաթնաժողովին":
Նշենք, որ Շամոնիի գագաթնաժողովը յուրօրինակ հարթակ է նոր գաղափարների, նոր նախագծերի փոխանակման համար:
Այս անգամ տարբեր երկրների շուրջ 100 ներկայացուցիչ բազմակողմ քննարկում են ծավալել ժամանակակից աշխարհի մարտահրավերների ու խնդիրների, այս համատեքստում՝ համարձակության ու խիզախության մասին՝ իրենց տարբեր դրսևորումներով: