https://arm.sputniknews.ru/20210916/tntesakan-atshi-voraky-chapazanc-catsr-e-atom-margarjan-33343840.html
Տնտեսական աճի որակը չափազանց ցածր է. Ատոմ Մարգարյան
Տնտեսական աճի որակը չափազանց ցածր է. Ատոմ Մարգարյան
Sputnik Արմենիա
Տնտեսագետ Ատոմ Մարգարյանը Sputnik Արմենիայի եթերում նշել է, որ 2021 թվականին ակնկալվող 5.4 տոկոսանոց տնտեսական աճով ուրախանալն անհեթեթություն է։ 16.09.2021, Sputnik Արմենիա
2021-09-16T22:14+0400
2021-09-16T22:14+0400
2021-09-17T14:24+0400
տնտեսություն
հայաստան
գնաճ
ատոմ մարգարյան
ռադիո
https://cdn.am.sputniknews.ru/img/07e5/09/10/33337450_0:0:640:361_1920x0_80_0_0_488361bb63dcd7f36fb90d7dab35f666.jpg
«Տնտեսական աճի որակը չափազանց ցածր է». Ատոմ Մարգարյան
Sputnik Արմենիա
«Տնտեսական աճի որակը չափազանց ցածր է». Ատոմ Մարգարյան
2020 թ-ի 7.5 տոկոսանոց տնտեսական անկման ֆոնին, 2021-ին նախատեսվող 5.4 տոկոսանոց աճը կարող էր և շատ ավելին լինել, եթե չլիներ այն ծայրահեղ ռիսկային միջավայրը, որում հայտնվել է Հայաստանը։ Sputnik Արմենիայի հետ զրույցում նման կարծիք հայտնեց տնտեսագետ Ատոմ Մարգարյանը։Անվտանգային չլուծված հարցերը, լոգիստիկ խնդիրները, կորոնավիրուսի ճնշման տակ կորոնաթեստային սպառնալիքները լրջագույն սահմանափակումներ են ստեղծել ներդրումների, նաև՝ ընդհանուր տնտեսական ակտիվության համար։Հայաստանը կարող է դառնալ թուրքական տնտեսության կցորդ. տնտեսագետը` պտտվող լուրերի մասին«Այս ֆոնին այդպիսի կանխատեսումները, այն էլ արդեն տարվա վերջին եռամսյակի շեմին, մեծ բան չէ, բայց ամբողջ հարցը նրանում է, թե ինչպիսի կառուցվածք ունի այդ աճը և եկամուտների ինչպիսի բաշխվածություն է ենթադրում հասարակության մեջ»,- ասաց նա։Մարգարյանի խոսքով`միայն այն, որ աճի ակնկալիքները Կենտրոնական բանկը կապում է մասնավոր սպառման և պետական ծախսերի հետ, ևս արտացոլում են ներկա իրողությունները։ Ինչ խոսք, ընթացիկ տարում տրանսֆերտներն աճել են, հատկապես` ԱՄՆ-ից, սակայն զգալի գնաճի պարագայում աշխատավարձերը չեն բարձրացել։ Աղքատության մակարդակը խորացել է, ծայրահեղ չքավոր խավի տեսակարար կշիռը` աճել։Տնտեսագետն արձանագրում է, որ տնտեսական աճի ակնկալիքները մատնանշելիս կառավարությունը պետք է հաշվի առնի, որ ծախսերն ավելացել են նաև ի հաշիվ արտաքին պարտքի աննախադեպ աճի։«Մեծ հաշվով այդ աճի որակը չափազանց ցածր է թե՛ կառուցվածքային, թե՛ բովանդակային, թե՛ սոցիալական, թե՛ հատկապես ներառականության տեսակետից։ Այնպես որ, իրողությունները տխուր են, և այս թվերով ուրախանալն անհեթեթություն է»,- նշեց Մարգարյանը։Խոտի գինը բարձրանում է, տավարի մսի գինը` իջնում. ինչ է սպասում գյուղացուն ու տնտեսությանըՆշենք, որ ՀՀ ԿԲ նախագահ Մարտին Գալստյանը երեկ` սեպտեմբերի 14-ին հրավիրած մամուլի ասուլիսի ժամանակ հայտնեց, որ Կենտրոնական բանկը վերանայել է տնտեսական աճի կանխատեսումը` նախկին 4.5 տոկոսի փոխարեն կանխատեսելով 5.4 տոկոս, ինչը հիմնականում պայմանավորված է ծառայությունների ու գյուղատնտեսության ոլորտի աճով։ Ծառայությունների աճը 6.1 տոկոսից հասել է 8.1 տոկոսի, գյուղատնտեսությունը` 2.3–ից 4.2։
https://arm.sputniknews.ru/20210831/evrasiakan-bankn-uzume-darnal-hayastani-tntesutyan-xoshoraguyn-varkatuneric-meky-28838328.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տնտեսություն, հայաստան, գնաճ, ատոմ մարգարյան
տնտեսություն, հայաստան, գնաճ, ատոմ մարգարյան
Տնտեսական աճի որակը չափազանց ցածր է. Ատոմ Մարգարյան
22:14 16.09.2021 (Թարմացված է: 14:24 17.09.2021) Տնտեսագետ Ատոմ Մարգարյանը Sputnik Արմենիայի եթերում նշել է, որ 2021 թվականին ակնկալվող 5.4 տոկոսանոց տնտեսական աճով ուրախանալն անհեթեթություն է։
2020 թ-ի 7.5 տոկոսանոց տնտեսական անկման ֆոնին, 2021-ին նախատեսվող 5.4 տոկոսանոց աճը կարող էր և շատ ավելին լինել, եթե չլիներ այն ծայրահեղ ռիսկային միջավայրը, որում հայտնվել է Հայաստանը։
Sputnik Արմենիայի հետ զրույցում նման կարծիք հայտնեց տնտեսագետ Ատոմ Մարգարյանը։
Անվտանգային չլուծված հարցերը, լոգիստիկ խնդիրները, կորոնավիրուսի ճնշման տակ կորոնաթեստային սպառնալիքները լրջագույն սահմանափակումներ են ստեղծել ներդրումների, նաև՝ ընդհանուր տնտեսական ակտիվության համար։
«Այս ֆոնին այդպիսի կանխատեսումները, այն էլ արդեն տարվա վերջին եռամսյակի շեմին, մեծ բան չէ, բայց ամբողջ հարցը նրանում է, թե ինչպիսի կառուցվածք ունի այդ աճը և եկամուտների ինչպիսի բաշխվածություն է ենթադրում հասարակության մեջ»,- ասաց նա։
Մարգարյանի խոսքով`միայն այն, որ աճի ակնկալիքները Կենտրոնական բանկը կապում է մասնավոր սպառման և պետական ծախսերի հետ, ևս արտացոլում են ներկա իրողությունները։ Ինչ խոսք, ընթացիկ տարում տրանսֆերտներն աճել են, հատկապես` ԱՄՆ-ից, սակայն զգալի գնաճի պարագայում աշխատավարձերը չեն բարձրացել։ Աղքատության մակարդակը խորացել է, ծայրահեղ չքավոր խավի տեսակարար կշիռը` աճել։
Տնտեսագետն արձանագրում է, որ տնտեսական աճի ակնկալիքները մատնանշելիս կառավարությունը պետք է հաշվի առնի, որ ծախսերն ավելացել են նաև ի հաշիվ արտաքին պարտքի աննախադեպ աճի։
«Մեծ հաշվով այդ աճի որակը չափազանց ցածր է թե՛ կառուցվածքային, թե՛ բովանդակային, թե՛ սոցիալական, թե՛ հատկապես ներառականության տեսակետից։ Այնպես որ, իրողությունները տխուր են, և այս թվերով ուրախանալն անհեթեթություն է»,- նշեց Մարգարյանը։
Նշենք, որ ՀՀ ԿԲ նախագահ Մարտին Գալստյանը երեկ` սեպտեմբերի 14-ին հրավիրած մամուլի ասուլիսի ժամանակ հայտնեց, որ Կենտրոնական բանկը վերանայել է տնտեսական աճի կանխատեսումը` նախկին 4.5 տոկոսի փոխարեն կանխատեսելով 5.4 տոկոս, ինչը հիմնականում պայմանավորված է ծառայությունների ու գյուղատնտեսության ոլորտի աճով։ Ծառայությունների աճը 6.1 տոկոսից հասել է 8.1 տոկոսի, գյուղատնտեսությունը` 2.3–ից 4.2։
