Ադրբեջանի գործողությունները կրում են ակնհայտ սադրիչ բնույթ. Գրիգորյանի ելույթը ՀԱՊԿ–ում
13:49 15.09.2021 (Թարմացված է: 13:55 15.09.2021)
© Photo : ՀՀ Անվտանգության խորհուրդ / Security Council of Armenia Секретарь Совета безопасности Армен Григорян во время совместного заседания министров иностранных дел, министров обороны и секретарей Совета безопасности ОДКБ (15 сентября 2021). Душанбе
![Секретарь Совета безопасности Армен Григорян во время совместного заседания министров иностранных дел, министров обороны и секретарей Совета безопасности ОДКБ (15 сентября 2021). Душанбе Секретарь Совета безопасности Армен Григорян во время совместного заседания министров иностранных дел, министров обороны и секретарей Совета безопасности ОДКБ (15 сентября 2021). Душанбе - Sputnik Արմենիա, 1920, 15.09.2021](https://cdn.am.sputniknews.ru/img/07e5/09/0f/33284921_0:84:1601:984_1920x0_80_0_0_70550b6c12ccb654a6d5149f25ed9928.jpg)
© Photo : ՀՀ Անվտանգության խորհուրդ / Security Council of Armenia
Բաժանորդագրվել
Գրիգորյանը խոսել է ՀԱՊԿ անդամ երկրի` Հայաստանի սահմանամերձ հատվածներ Ադրբեջանի ներխուժումից և ընդգծել, որ ՀԱՊԿ անդամ պետությունների միասնական դիրքորոշումն այս հարցում սթափեցնող ազդեցություն կունենա:
ԵՐԵՎԱՆ, 15 սեպտեմբերի – Sputnik. ԱԽ քարտուղար Արմեն Գրիգորյանը Տաջիկստանի մայրաքաղաք Դուշանբեում անցկացվող ՀԱՊԿ արտաքին գործերի նախարարների, պաշտպանության նախարարների և ԱԽ քարտուղարների համատեղ նիստին ներկայացրել է Կովկասյան տարածաշրջանում ներկա իրողությունները՝ առանձնահատուկ ուշադրություն հրավիրելով Արցախյան հիմնախնդրում վերջին զարգացումների վրա:
Ինչպես հայտնում են ԱԽՔ մամուլի ծառայությունից, Գրիգորյանն իր ելույթում անդրադարձել է նաև Հավաքական Անվտանգության պայմանագրի կազմակերպությունում Հայաստանի սպասվելիք նախագահությանը և այդ շրջանակներում Հայաստանի առաջնահերթություններին, ՀԱՊԿ շրջանակներում կարևորություն ներկայացնող մի շարք հարցերի:
«Ադրբեջանը շարունակում է դրսևորել ապակառուցողական մոտեցում և ի թիվս այլ բաների, մինչ օրս հրաժարվում է վերադարձնել հայ ռազմագերիներին, պատանդներին և պահվող այլ անձանց՝ անտեսելով իր իսկ ստանձնած պարտավորությունները»,–ասել է Գրիգորյանը:
Անդրադառնալով Ադրբեջանի կողմից վարվող քաղաքականությանը` ԱԽ քարտուղարը ընդգծել է, որ այդ քաղաքականությունը կրում է ակնհայտ սադրիչ բնույթ, մասնավորապես մատնանշելով սույն թվականի մայիսի 12-ին ադրբեջանական զինված ուժերի կողմից ՀԱՊԿ անդամ երկիր հանդիսացող Հայաստանի սահմանամերձ հատվածներ ներխուժելը՝ հույս հայտնելով, որ պետության սուվերեն տարածքի նկատմամբ ցանկացած ոտնձգության դատապարտումը և ՀԱՊԿ անդամ պետությունների միասնական դիրքորոշումն այս հարցում սթափեցնող ազդեցություն կունենա:
«Չնայած այս բարդություններին` Արցախյան հիմնախնդիրը սպասում է իր քաղաքական լուծմանը և այս համատեքստում կարևոր է Մինսկի խմբի համանախագահության ֆորմատով խաղաղ գործընթացի վերսկսումը»,–ասել է Գրիգորյանը`հույս հայտնելով, որ ՀԱՊԿ անդամ պետությունները ևս կաջակցեն համանախագահների ջանքերին:
Անդրադառնալով Հավաքական Անվտանգության պայմանագրի կազմակերպությունում Հայաստանի սպասվելիք նախագահության ընթացքում ՀՀ-ի առաջնահերթություններին՝ Արմեն Գրիգորյանը հայտնել է, որ Հայաստանը կարևորում է ՀԱՊԿ անդամ պետությունների կողմից միջազգային և տարածաշրջանային կարևորություն ներկայացնող օրակարգերի շուրջ համաձայնեցված մոտեցումների ձևավորման նպատակով աշխատանքների շարունականությունը, որոնք հաշվի կառնեն անդամ պետությունների շահերը:
© Photo : ՀՀ Անվտանգության խորհուրդ / Security Council of Armenia ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստը
![ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստը ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստը - Sputnik Արմենիա, 1920, 15.09.2021](https://cdn.am.sputniknews.ru/img/07e5/09/0f/33284918_0:0:1600:1067_1920x0_80_0_0_31b7b689f6a59b87d8dbeae3d943ccca.jpg)
ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստը
© Photo : ՀՀ Անվտանգության խորհուրդ / Security Council of Armenia
Այդ թվում քարտուղարը կարևորել է ՀԱՊԿ կողմից ճգնաժամային կառավարման մեխանիզմների արդիականացումը և վերջիններիս կանխարգելիչ պոտենցիալի հզորացումը:
Ինչպես արդեն հայտնել ենք, սեպտեմբերի 14-17-ը Տաջիկստանի Հանրապետության մայրաքաղաք Դուշանբեում կանցկացվի Հավաքական անվտանգության պայմանագրի կազմակերպության արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստ։