Գյումրիում ընտրապայքարը թեժ է լինելու. քաղաքապետի աթոռի համար կպայքարի 10 քաղաքական ուժ
19:51 12.09.2021 (Թարմացված է: 17:33 08.02.2022)
© Sputnik / Armenuhi Mkhoyan
Բաժանորդագրվել
Գյումրիում ՏԻՄ ընտրություններին մասնակցել ցանկացողներից ամենաերիտասարդը 20, իսկ ամենատարեցը 80 տարեկան է:
ԵՐԵՎԱՆ, 12 սեպտեմբերի - Sputnik, Արմենուհի Մխոյան. Այսօր ժամը 18:00-ին ավարտվեց հոկտեմբերի 17-ին Գյումրիում կայանալիք ՏԻՄ ընտրություններին մասնակցելու առաջադրումների գործընթացը: Ընտրություններին մասնակցնելու հայտ է ներկայացրել 10 քաղաքական ուժ, որից 3-ը՝ դաշինք:
«Բալասանյան դաշինք» կուսակցությունը ներկայացրել է ավագանու 42 հոգանոց ցուցակ, որը գլխավորում է Վարդգես Սամսոնյանը։
«Գյումրին կռնա՜» նորաստեղծ դաշինքի ցուցակում 20 մարդ կա, այն գլխավորում է Վարդան Սրտաշյանը։ «Զարթոնք» ազգային քրիստոնեական կուսակցությունը ներկայացրել է 41 թեկնածու՝ Վարդևան Հակոբյանի գլխավորությամբ։
Члены местной избирательной комиссии №31 проверяют документы кандидатов
© Sputnik / Armenuhi Mkhoyan
Թիվ 31 ՏԸՀ
Կոմունիստական կուսակցության 20 հոգանոց ցանկը գլխավորում է Կոնստանտին Ղավազյանը։ «Արժանապատիվ ուղի» կուսակցության ցուցակում 22-ն են, գլխավորում է Հովհաննես Մարգարյանը։ «Հայրաքաղաք» դաշինքը ներկայացրել է 28 թեկնածու։ Ցանկի առաջին տեղում Լևոն Բարսեղյանն է։
«Քաղաքացիական պայմանագիր» կուսակցության ցուցակում 40-ն են, այն գլխավորում է Հովհաննես Հարությունյանը։
Հայաստանի Հանրապետական կուսակցության 33 թեկնածուներից բաղկացած ցուցակը գլխավորում է Արտյոմ Ղուկասյանը։
Հայաստանի Հանրապետական կուսակցության 33 թեկնածուներից բաղկացած ցուցակը գլխավորում է Արտյոմ Ղուկասյանը։
Члены местной избирательной комиссии №31 проверяют документы кандидатов
© Sputnik / Armenuhi Mkhoyan
«Թասիբով» դաշինքի առաջին հորիզոնականում Կարապետ Պողոսյանն է։ Ցանկում կա 22 թեկնածու։ «Ապրելու երկիր» կուսակցությունը 22 թեկնածու ունի՝ Կարեն Մալխասյանի գլխավորությամբ:
Թիվ 31 ՏԸՀ նախագահ Տիգրան Ղազարյանը Sputnik Արմենիային տեղեկացրեց, որ քաղաքական ուժերը հիմնականում փաստաթղթերը ճիշտ են ներկայացրել:
Председатель местной избирательной комиссии №31 Тигран Казарян
© Sputnik / Armenuhi Mkhoyan
«Որոշների մոտ առկա էին որոշակի տեխնիկական թերություններ՝ տառասխալի խնդիր, կամ անձագրային բաժնից տեղեկանքերը վերցրել էին մի փաստաթղթով, իսկ հանձնաժողովին ներկայացվել էր անձը հաստատող մյուս փաստաթղթով: Եղավ նաև կնիքի բացակայության հետ կապված խնդիր, դրանք բոլոր հարթվել են: Կարելի է ասել՝ բոլորի մոտ 99 տոկոսանոց ցուցակ է եղել, իսկ 1 տոկոսն էլ շտկվել է»,-նշեց պատասխանատուն:
Документы в местной избирательной комиссии №31 в Гюмри
© Sputnik / Armenuhi Mkhoyan
Ի դեպ, բոլոր քաղաքական ուժերը պահպանել էին գենդերային պահանջը՝ ամեն 3-րդ թեկնածուն կին է, իսկ Կոմունիստական կուսակցության ցուցակում նրանց թիվը հավասար է: Նշենք նաև, որ թեկնածուներից ամենաերիտասարդը 20, իսկ ամենատարեցը 80 տարեկան է:
Вход в офис местной избирательной комиссии №31 в Гюмри
© Sputnik / Armenuhi Mkhoyan
Հավելենք, որ կուսակցությունների, կուսակցությունների դաշինքների ընտրական ցուցակների գրանցումը կատարվելու է սեպտեմբերի 12-ից մինչև սեպտեմբերի 17-ը:
Հիշեցնենք, որ հոկտեմբերի 17-ին Շիրակի մարզի Գյումրի, Սյունիքի մարզի Գորիս, Մեղրի, Տաթև, Տեղ և Տավուշի մարզի Դիլիջան համայնքներում տեղի կունենան համամասնական ընտրակարգով անցկացվող համայնքների ավագանիների հերթական ընտրությունները:
