https://arm.sputniknews.ru/20210911/petakan-pashtonyanery-yevs-chen-karox-mutq-gortsel-ashxatavayr-ete-chpahpanen-kanony-avanesyan-28969170.html

Պետական պաշտոնյաները ևս չեն կարող մուտք գործել աշխատավայր, եթե չպահպանեն կանոնը. Ավանեսյան

Պետական պաշտոնյաները ևս չեն կարող մուտք գործել աշխատավայր, եթե չպահպանեն կանոնը. Ավանեսյան

Sputnik Արմենիա

ՀՀ առողջապահության նախարարը պատասխանել է օգտատերերին հուզող հարցերին, որոնցից մեկը վերաբերում է նոր կանոնին։ 11.09.2021, Sputnik Արմենիա

2021-09-11T09:49+0400

2021-09-11T09:49+0400

2021-09-11T09:53+0400

հասարակություն

հայաստան

անահիտ ավանեսյան

պշռ թեստ

կորոնավիրուս

կորոնավիրուսը հայաստանում և արցախում

https://cdn.am.sputniknews.ru/img/07e5/06/0c/27900714_0:64:1600:964_1920x0_80_0_0_66b2dbac06e33f4c35a863c866300f7f.jpg

ԵՐԵՎԱՆ, 11 սեպտեմբերի – Sputnik. ՀՀ առողջապահության նախարար Անահիտ Ավանեսյանը Facebook–ի իր էջում պատասխանել է կորոնավիրուսի դեմ պատվաստմանը վերաբերող և ամենահաճախ կրկնվող հարցերին։Ավելի վաղ հայտնել էինք, որ ս.թ. հոկտեմբերի 1-ից ՀՀ աշխատողները պարտավոր են գործատուին ներկայացնել կա՛մ COVID-19-ի դեմ պատվաստման սերտիֆիկատ, կա՛մ յուրաքանչյուր 14 օրը մեկ` COVID-19-ի ախտորոշման ՊՇՌ հետազոտության բացասական արդյունքը հավաստող առավելագույնը 72–ժամյա վաղեմությամբ փաստաթուղթ։ Նախարարի այս որոշումը բուռն քննարկման թեմա է դարձել հանրության շրջանում։Օգտատերերը նախարարին հարցրել են` նոր կանոնը հավասարապես տարածվո՞ւմ է բոլորի վրա, այդ թվում` պաշտոնյաների։Երկրորդ հարցը հետևյալն է` եթե պատվաստումները 100% չեն երաշխավորում, որ չենք վարակվի, ինչու պետք է պատվաստվել։«Որևէ պատվաստանյութ, դեղամիջոց, բժշկական միջամտություն չի կարող 100% արդյունք երաշխավորել, այնուամենայնիվ մենք դիմում ենք բժիշկների, բուժվում ենք, հետազոտվում ենք, դեղեր ենք խմում, որոնք ի դեպ ևս ունեն կողմնակի ազդեցություններ, որովհետև այդ ամենը չանելու ռիսկը անգամներ մեծացնում է վատ ելքի հավանականությունը։ Պատվաստանյութերը վերը թվարկված միջամտություններից նվազ վտանգավորն են և բավական արդյունավետ պաշտպանում են մեզ վարակվելուց, իսկ վարակման դեպքում հիվանդությունը ծայրահեղ ծանր տանելուց և մահանալուց»,– պատասխանել է նախարարը։Օգտատերերը հետաքրքրվել են նաև` արդյո՞ք պատվաստանյութերը բավարար հետազոտված են և համապատասխանում են բոլոր դեղամիջոցներին ներկայացվող որակի պահանջներին«Այո պատվաստանյութերը մոտ երկու դար օգտագործվում են մարդկության կողմից և օգնել են հաղթահարել տասնյակ հիվանդություններ։ Ինչքան ինձ հայտնի է այս երկու դարերի ընթացքում մարդկության թիվը, ոչ թե նվազել է այլ շեշտակի ավելացել նաև պատվաստանյութերի շնորհիվ։ Քովիդի դեմ պատվաստանյութերը, որոնք մասնագիտական կառույցների կողմից հավանության են արժանացել անցել են անհրաժեշտ բոլոր հետազոտությունները՝ նախակլինիկական և կլինիկական փորձարկումների բոլոր փուլերը, և դա փաստված է դեղեր գրանցող պետական մարմինների կողմից։ Ուստի եթե դուք, որևէ դեղ եք ընդունում այն որակի ստուգման նույն փուլերն է անցել ինչ պատվաստանյութը և եթե չեք վստահում մեկին պետք է հրաժարվեք ընդհանրապես բոլոր դեղերից»,– նշել է Ավանեսյանը։Ո՞ւմ վրա է տարածվելու հոկտեմբերի 1-ից պատվաստվելու կամ ՊՇՌ թեստի պահանջը. ԱՆ պարզաբանումըԻսկ ինչ վերաբերում է պատվաստումների պարտադրմանը, ապա նախարարը վստահեցրել է, որ որևէ անձի չի պարտադրվում պատվաստվել, չնայած նման կարգավորում ևս կա մեր օրենքներով և հնարավոր է կիրառել պահպանելով օրենքով սահմանված պայմանները։«Մենք ստեղծում ենք տարբեր ֆիլտրեր, որ զսպենք վարակի տարածումը և կանխենք հիվանդանալու պարագայում ծանր ընթացքը, մահը։ Դիմակները, ձեռքերի ախտահանումը, թեստավորումները, պատվաստումները, սոցիալական հեռավորության պահպանումը ուղղված են դրան։ Մենք ուզում ենք հավաստվել, որ անձը չի վարակի իր աշխատակիցներին կամ քաղաքացիներին»,– եզրափակել է նա։Հիշեցնենք` վերջին տվյալներով` Հայաստանում կորոնավիրուսով վարակվածների թիվը հասել է 247 666–ի, վարակի զոհ դարձածների ընդհանուր թիվը 4979 է։

https://arm.sputniknews.ru/20210910/petutyun-pshr-test-28965771.html

2021

Լուրեր

am_HY

հասարակություն , հայաստան, անահիտ ավանեսյան, պշռ թեստ, կորոնավիրուս, կորոնավիրուսը հայաստանում և արցախում