https://arm.sputniknews.ru/20210908/xarabaxyan-hakamartutyunum-ats-neri-vjrorosh-dery-mif-e-28932112.html
Ղարաբաղյան հակամարտությունում ԱԹՍ–ների վճռորոշ դերը միֆ է. ուսումնասիրություն
Ղարաբաղյան հակամարտությունում ԱԹՍ–ների վճռորոշ դերը միֆ է. ուսումնասիրություն
Sputnik Արմենիա
Գրքի հեղինակները կարծում են, որ կարճ պատերազմը չպետք է դիտարկել որպես ցամաքային համակարգերի նկատմամբ ԱԹՍ–ների վերջնական գերակայության ազդանշան։ 08.09.2021, Sputnik Արմենիա
2021-09-08T16:00+0400
2021-09-08T16:00+0400
2021-09-08T15:54+0400
քաղաքականություն
հայաստան
https://cdn.am.sputniknews.ru/img/07e4/09/1b/24611516_0:0:1600:900_1920x0_80_0_0_6fecdb5c11cd88dcd6039c326b0398d8.jpg
ԵՐԵՎԱՆ, 8 սեպտեմբերի – Sputnik. Հայտարարությունները, թե 2020 թվականի աշնանը Լեռնային Ղարաբաղում տեղի ունեցած մարտական գործողությունների ժամանակ անօդաչուները վճռորոշ դեր են ունեցել Ադրբեջանի հաղթանակի հարցում, միֆ է։ ՌԻԱ Նովոստին տեղեկացնում է, որ այս մասին ասվում է Ռազմավարությունների և տեխնոլոգիաների վերլուծության կենտրոնի հրապարակած «Փոթորիկ Կովկասում» ուսումնասիրության մեջ։«Միայն ԱԹՍ–ներն այն ցանկալի արդյունքը չտվեցին, որին ձգտում էր Ադրբեջանը։ Ավելի շուտ կոնկրետ պլանի շրջանակում տեխնոլոգիաների մարտավարական ճիշտ կիրառումը Բաքվին թույլ տվեց հասնել իր որոշ նպատակներին», – նշվում է ուսումնասիրության մեջ։Ռազմավարությունների և տեխնոլոգիաների վերլուծության կենտրոնը կարծում է, որ կարճ պատերազմը չպետք է դիտարկել որպես ցամաքային համակարգերի և մասնավորապես զրահատեխնիկայի նկատմամբ ԱԹՍ–ների վերջնական գերակայության ազդանշան։Փաստաթղթում ասվում է նաև, որ հայկական կողմը Ադրբեջանին թույլ տվեց հաջողությամբ կիրառել անօդաչուները ՀՕՊ–ի անկազմակերպ ու հնացած համակարգի, քողարկումը անտեսելու, տարակենտրոնացման և սեփական դիրքերի ոչ պատշաճ զինման հաշվին։Գրքի հեղինակների կարծիքով` ադրբեջանցիները կարողացան հաջողված ռազմավարական հարձակողական գործողություն իրականացնել, որի ընթացքում լայնորեն կիրառվեցին ցամաքային ուժերը, այդ թվում` տանկեր, այլ զրահատեխնիկա, տարբեր հրետանի, հրթիռային համակարգեր և հետևակային զորամիավորումներ։ Ակտիվորեն կիրառվեց նաև օդաչուավոր ավիացիան։Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:Նշենք, որ 44-օրյա պատերազմի ժամանակ Ադրբեջանի ԶՈւ–ն գործի էր դրել թուրքական և իսրայելական արտադրության անօդաչուները։
https://arm.sputniknews.ru/20210903/hayastan-ats-28868832.html
https://arm.sputniknews.ru/20210830/rus-xaxaxapahnern-arcaxum-varjanq-en-irakanacrel-atsi-havanakan-hardzakman-hamar-28827752.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
քաղաքականություն, հայաստան
քաղաքականություն, հայաստան
Ղարաբաղյան հակամարտությունում ԱԹՍ–ների վճռորոշ դերը միֆ է. ուսումնասիրություն
Գրքի հեղինակները կարծում են, որ կարճ պատերազմը չպետք է դիտարկել որպես ցամաքային համակարգերի նկատմամբ ԱԹՍ–ների վերջնական գերակայության ազդանշան։
ԵՐԵՎԱՆ, 8 սեպտեմբերի – Sputnik. Հայտարարությունները, թե 2020 թվականի աշնանը Լեռնային Ղարաբաղում տեղի ունեցած մարտական գործողությունների ժամանակ անօդաչուները վճռորոշ դեր են ունեցել Ադրբեջանի հաղթանակի հարցում, միֆ է։
ՌԻԱ Նովոստին տեղեկացնում է, որ այս մասին ասվում է Ռազմավարությունների և տեխնոլոգիաների վերլուծության կենտրոնի հրապարակած «Փոթորիկ Կովկասում» ուսումնասիրության մեջ։
«Միայն ԱԹՍ–ներն այն ցանկալի արդյունքը չտվեցին, որին ձգտում էր Ադրբեջանը։ Ավելի շուտ կոնկրետ պլանի շրջանակում տեխնոլոգիաների մարտավարական ճիշտ կիրառումը Բաքվին թույլ տվեց հասնել իր որոշ նպատակներին», – նշվում է ուսումնասիրության մեջ։
Ռազմավարությունների և տեխնոլոգիաների վերլուծության կենտրոնը կարծում է, որ կարճ պատերազմը չպետք է դիտարկել որպես ցամաքային համակարգերի և մասնավորապես զրահատեխնիկայի նկատմամբ ԱԹՍ–ների վերջնական գերակայության ազդանշան։
Փաստաթղթում ասվում է նաև, որ հայկական կողմը Ադրբեջանին թույլ տվեց հաջողությամբ կիրառել անօդաչուները ՀՕՊ–ի անկազմակերպ ու հնացած համակարգի, քողարկումը անտեսելու, տարակենտրոնացման և սեփական դիրքերի ոչ պատշաճ զինման հաշվին։
Գրքի հեղինակների կարծիքով` ադրբեջանցիները կարողացան հաջողված ռազմավարական հարձակողական գործողություն իրականացնել, որի ընթացքում լայնորեն կիրառվեցին ցամաքային ուժերը, այդ թվում` տանկեր, այլ զրահատեխնիկա, տարբեր հրետանի, հրթիռային համակարգեր և հետևակային զորամիավորումներ։ Ակտիվորեն կիրառվեց նաև օդաչուավոր ավիացիան։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։
2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ
հայտարարություն ընդունեցին ռազմական գործողությունների դադարեցման վերաբերյալ։
Եռակողմ
հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Նշենք, որ 44-օրյա պատերազմի ժամանակ Ադրբեջանի ԶՈւ–ն գործի էր դրել թուրքական և իսրայելական արտադրության անօդաչուները։
