Sputnik Արմենիայի ֆոտոշարքը ներկայացնում է, թե ինչպես են «Էրեբունի» օդանավակայանում դիմավորում Բաքվից վերադարձած 2 հայ ռազմագերիներին։ 07.09.2021, Sputnik Արմենիա
Հայրենիք վերադարձած հայ 2 ռազմագերիներին «Էրեբունի» օդանավակայանում դիմավորեցին Արցախում ռուսական խաղաղապահ զորակազմի հրամանատար, գեներալ լեյտենանտ Ռուստամ Մուրադովը, որն ավարտում է իր առաքելությունը, նաև նրա հավանական փոխարինող՝ գեներալ-մայոր Միխայիլ Կոսոբոկովը։Sputnik Արմենիայի նկարահանող խումբը օդանավակայանում էր և հաջողվել է արձանագրել հայ գերիների վերադարձի բացառիկ դրվագները։Զինծառայողներ Արթուր Նալբանդյանի և Արամայիս Տոռոզյանի մասին տեղեկություններ չկային հուլիսի 14-ից հետո։ Այդ օրը տեղեկություն տարածվեց, որ Սյունիքի մարզի Սև լճի տարածքում 2 հայ զինվորականներ են անհետացել։ Տեղեկությունը ավելի ուշ հաստատեց նաև ՀՀ պաշտպանության նախարարությունը։Արթուր Նալբանդյանի և Արամայիս Տոռոզյանի ողջ լինելու մասին տեղեկությունները հայտնի դարձան միայն այսօր՝ նրանց վերադարձի օրը։Նշենք, որ 2 հայ գերիների փոխարեն Երևանը Բաքվին է փոխանցել Արցախում պահվող կալանավորված ադրբեջանցի զինծառայող Ջամիլ Բաբաևին, որը օգոստոսի 25–ին ապօրինի հատել էր սահմանն ու մտել Արցախի Մարտակերտի շրջանի տներից մեկը։Հիշեցնենք, որ ռազմագերիների վերջին խումբը Հայաստան էր վերադարձել հուլիսի 3-ին։ Դրանից հետո գործընթացը կանգ էր առել։ Արցախյան 44–օրյա պատերազմի ավարտից հետո Հայաստան վերադարձած գերիների ընդհանուր թիվը դարձավ 105։Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։
Sputnik Արմենիայի ֆոտոշարքը ներկայացնում է, թե ինչպես են «Էրեբունի» օդանավակայանում դիմավորում Բաքվից վերադարձած 2 հայ ռազմագերիներին։
Հայրենիք վերադարձած հայ 2 ռազմագերիներին «Էրեբունի» օդանավակայանում դիմավորեցին Արցախում ռուսական խաղաղապահ զորակազմի հրամանատար, գեներալ լեյտենանտ Ռուստամ Մուրադովը, որն ավարտում է իր առաքելությունը, նաև նրա հավանական փոխարինող՝ գեներալ-մայոր Միխայիլ Կոսոբոկովը։
Sputnik Արմենիայի նկարահանող խումբը օդանավակայանում էր և հաջողվել է արձանագրել հայ գերիների վերադարձի բացառիկ դրվագները։
Զինծառայողներ Արթուր Նալբանդյանի և Արամայիս Տոռոզյանի մասին տեղեկություններ չկային հուլիսի 14-ից հետո։ Այդ օրը տեղեկություն տարածվեց, որ Սյունիքի մարզի Սև լճի տարածքում 2 հայ զինվորականներ են անհետացել։ Տեղեկությունը ավելի ուշ հաստատեց նաև ՀՀ պաշտպանության նախարարությունը։
Հուլիսի 16-ին Sputnik Արմենիայի աղբյուրները հայտնել էին, որ զինծառայողն ու վարորդը հայտնվել են ադրբեջանական կողմում։ Սակայն ադրբեջանական կողմը պաշտոնապես չէր հաստատում այս լուրը։
Արթուր Նալբանդյանի և Արամայիս Տոռոզյանի ողջ լինելու մասին տեղեկությունները հայտնի դարձան միայն այսօր՝ նրանց վերադարձի օրը։
Նշենք, որ 2 հայ գերիների փոխարեն Երևանը Բաքվին է փոխանցել Արցախում պահվող կալանավորված ադրբեջանցի զինծառայող Ջամիլ Բաբաևին, որը օգոստոսի 25–ին ապօրինի հատել էր սահմանն ու մտել Արցախի Մարտակերտի շրջանի տներից մեկը։
Հիշեցնենք, որ ռազմագերիների վերջին խումբը Հայաստան էր վերադարձել հուլիսի 3-ին։ Դրանից հետո գործընթացը կանգ էր առել։ Արցախյան 44–օրյա պատերազմի ավարտից հետո Հայաստան վերադարձած գերիների ընդհանուր թիվը դարձավ 105։ Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։
