https://arm.sputniknews.ru/20210901/charchyan-kalanq-azatel-pashtpan-28857216.html

Չարչյանին կալանքից ազատելու հարցով հրատապ նիստի միջնորդություն է ներկայացվել. պաշտպան

Չարչյանին կալանքից ազատելու հարցով հրատապ նիստի միջնորդություն է ներկայացվել. պաշտպան

Sputnik Արմենիա

Արմեն Չարչյանը շաքարային դիաբետ ունի և օրական 92 միավոր ինսուլին է ստանում։ Ըստ նրա պաշտպանի` համաձայն կառավարության 825Ն որոշման` հիվանդության այդ տեսակն... 01.09.2021, Sputnik Արմենիա

2021-09-01T18:44+0400

2021-09-01T18:44+0400

2021-09-01T18:56+0400

հասարակություն

հայաստան

արմեն չարչյան

հիվանդ

կալանք

պաշտպան

https://cdn.am.sputniknews.ru/img/07e5/08/06/28586299_0:0:1600:901_1920x0_80_0_0_2f3d239139f33550353d5b084415adc2.jpg

ԵՐԵՎԱՆ, 1 սեպտեմբերի – Sputnik. ԱԺ «Հայաստան» խմբակցության պատգամավոր, «Իզմիրլյան» ԲԿ նախկին տնօրեն Արմեն Չարչյանի խափանման միջոցի փոփոխման հարցի քննարկման համար պաշտպանները միջնորդություն են ներկայացրել դատարան։ Sputnik Արմենիայի հետ զրույցում տեղեկությունը հայտնեց Չարչյանի պաշտպան Էրիկ Ալեքսանյանը։Նա հիշեցրեց, որ օգոստոսի 24-ին Չարչյանը քրեակատարողական հիմնարկից տեղափոխվել է «Նորք-Մարաշ» ԲԿ, և հենց նույն օրը սուր ինֆարկտ է տարել։ Փաստաբանը նշեց, որ բացի այդ, Չարչյանը շաքարային դիաբետ ունի ն օրական 92 միավոր ինսուլին է ստանում։ Համաձայն կառավարության 825Ն որոշման` այդ հիվանդության տեսակն անհամատեղելի է կալանքի հետ։Ալեքսանյանը հայտնեց նաև, որ հրատապ նիստ հրավիրելու միջնորդությանը կցել են նաև Չարչյանի էպիկրիզները։ Թե երբ կլինի միջնորդության քննությունը` դեռ հայտնի չէ, սակայն պաշտպանը հույս ունի, որ շուտափույթ ժամկետներում կքննեն այն։ Հարցն այն է, որ, ըստ Ալեքսանյանի, օրենքով հրատապ նիստ հրավիրելու ժամկետներ նախատեսված չեն։Հավելենք, որ օգոստոսի 30-ին Չարչյանի ինքնազգացողությունը վատացել էր, նրան քրեակատարողական հիմնարկից տեղափոխել էին հիվանդանոց։Չարչյանի մոտ ախտորոշվել է զարկերակային հիպերտոնիա III աստիճանի (կրիզային ընթացք), սրտային անբավարարություն, ծանր շաքարային դիաբետ` ինսուլինից կախում ունեցող, ինչպես նաև խրոնիկ երիկամային անբավարարություն։ Բացի այդ, նա օգոստոսի 24-ին սրտամկանի սուր ինֆարկտ է տարել։Հիշեցնենք, որ հունիսի 18-ին համացանցում հայտնվել էր ձայնագրություն, որտեղ լսվում էր, թե ինչպես է Չարչյանը աշխատակիցներին հորդորում ընտրությանը մասնակցել։ Նույն օրը Չարչյանը ձերբակալվել է։ Հունիսի 21-ին Կենտրոնական ընտրական հանձնաժողովը թույլ է տվել քրեական հետապնդում սկսել Չարչյանի նկատմամբ։ Ապա Չարչյանը կալանավորվել էր։ Չարչյանը ազատ էր արձակվել հուլիսի 21-ին՝ 15 մլն դրամ գրավի դիմաց։«Գնահատում եմ նրա վաստակը». Սարգսյանն ընդունել է Չարչյանի կալանքի հարցով մտահոգ բժիշկներինԶուգահեռաբար «Իզմիրլյան» բժշկական կենտրոնի բաժնետերերը դադարեցրել են նրա գործունեությունը տնօրենի պաշտոնում:

https://arm.sputniknews.ru/20210831/charchyani-aroxjakan-vichak-vat-e-1-shabat-araj-srtamkani-sur-infarkt-e-tarel-pastaban-28844280.html

2021

Լուրեր

am_HY

հասարակություն , հայաստան, արմեն չարչյան, հիվանդ, կալանք, պաշտպան