https://arm.sputniknews.ru/20210831/adrbejan-koch-geri-veradardz-ararat-mirzoyan-28841720.html

Ադրբեջանին կոչ ենք անում վերադարձնել բոլոր գերիներին առանց նախապայմանների. Լավրով

Ադրբեջանին կոչ ենք անում վերադարձնել բոլոր գերիներին առանց նախապայմանների. Լավրով

Sputnik Արմենիա

Ռուսաստանի արտգործնախարարը նշեց, որ Ադրբեջանի կողմից գերիների վերադարձը հումանիտար կարևոր քայլ կլիներ։ 31.08.2021, Sputnik Արմենիա

2021-08-31T16:47+0400

2021-08-31T16:47+0400

2021-08-31T17:19+0400

հայաստան

աշխարհ

ռուսաստան

արցախ

գերի

սերգեյ լավրով

արարատ միրզոյան

հհ արտաքին գործերի նախարարություն. ագն

https://cdn.am.sputniknews.ru/img/07e5/07/04/28165276_0:89:1600:989_1920x0_80_0_0_8297919e2d0b1f2e04ea2eafb742a18f.jpg

ԵՐԵՎԱՆ, 31 օգոստոսի - Sputnik. 2020-ի նոյեմբերի 9-ի հայտարարության մեջ եղել է դրույթ, որ պետք է վերադարձնեն այդ պահին եղած գերիներին։ ՀՀ ԱԳ նախարար Արարատ Միրզոյանի հետ համատեղ ճեպազրույցում այս մասին ասաց ՌԴ արտգործնախարար Սերգեյ Լավրովը` պատասխանելով գերիների մասին հարցին։Ամեն դեպքում, ըստ Լավրովի, վերջնական որոշումը ՌԴ–ից կախված չէ։ՀՀ ԱԳ նախարար Արարատ Միրզոյանն էլ հավելեց, որ Հայաստանը գերիների վերադարձման իր պարտավորությունը վաղուց արդեն կատարել է։«Հայկական կողմը վերադարձրել է ադրբեջանցի բոլոր ռազմագերիներին` բոլորը բոլորի դիմաց սկզբունքով։ Մենք կարծում ենք, որ Ադրբեջանը ևս պարտավոր է վերադարձնել բոլոր հայ գերիներին ու այլ ազատազրկված անձանց` ոչ միայն հանուն եռակողմ հայտարարությամբ իր ստանձնած պարտավորությունների կատարման, այլև փոխադարձ վստահության մթնոլորտ ստեղծելու նպատակով։ Միայն այդ մթնոլորտի ձևավորման դեպքում է հնարավոր անցում կատարել կարգավորման հետագա հարցերի քննարկմանը»,– ասաց Միրզոյանը։ՀՀ ԱԳ նախարարը վերահաստատեց նաև, որ Հայաստանը խնդրի կարգավորումը դիտարկում է բացառապես խաղաղ կարգավորման համատեքստում, և այդ նպատակով պատրաստ է շարունակել հետագա շփումներն ու հանդիպումները։Մեզ խաբված ենք զգում. գերիների հարազատները բողոքի ակցիա են անում կառավարության շենքի առջևԼավրովը հիշեցրեց, որ Հայաստանն ականապատ տարածքների քարտեզներն էր փոխանցել Ադրբեջանին և լավ կլինի, որ սրան պատասխան քայլ էլ լինի Ադրբեջանի կողմից։ՌԴ ԱԳ նախարարը շեշտեց` երկու երկրներն էլ պետք է հռետորաբանությունը փոխեն, ինչը պայմաններ կստեղծի ԼՂ հարցի խաղաղ կարգավորման համար։«Մենք կարծում ենք, որ առաջին հերթին պետք է տարածաշրջանում անվտանգությունն ապահովել և սկսել վերականգնել վստահությունը։ Այստեղ մեծ դեր է խաղում եռակողմ աշխատանքային խումբը, որտեղ ներգրավված են Հայաստանի, ՌԴ–ի և Ադրբեջանի փոխվարչապետները»,–ասաց նա։Լավրովի խոսքով` այս առումով կարևոր է նաև ապաշրջափակման խնդիրը լուծել։ Սրանք, ըստ նրա, կարևոր քայլեր են, որոնք թույլ կտան երկու երկրներին ավելի կառուցողական մոտեցում ցուցաբերել ստեղծված իրավիճակում։Նշենք, որ արցախյան 44–օրյա պատերազմի ավարտից հետո Հայաստան վերադարձած գերիների ընդհանուր թիվը 103-ն է։ Ի դեպ, երբ Հայաստան վերադարձած գերիների թիվը 88 էր, վարչապետի պաշտոնակատար Նիկոլ Փաշինյանը հայտարարել էր, որ Ադրբեջանում պահվող հայ գերիների ճշտված թիվը 60 է, չճշտվածը՝ 110։Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։Արման Թաթոյանը գերիների հարցը քննարկել է Կարմիր խաչի պատվիրակության ղեկավարի հետ

https://arm.sputniknews.ru/20210830/gerin-karoxe-tsanrocner-stanal-tnic-jnevyan-konvencia-28807047.html

https://arm.sputniknews.ru/20210819/tox-asen-erexad-zohvele-kam-geri-bayc-lur-tan-anhet-koratsneri-tsnoxnery-aats-28714096.html

2021

Լուրեր

am_HY

հայաստան, աշխարհ, ռուսաստան, արցախ, գերի, սերգեյ լավրով, արարատ միրզոյան, հհ արտաքին գործերի նախարարություն. ագն