Ռուսաստանում աշխատանքային միգրանտները սկսել են ավելի լավ վաստակել, վկայում են HeadHunter ընկերության տվյալները։
Հատկապես աճել է տաքսիների վարորդների եկամուտը՝ 60%-ով, այժմ նրանք ստանում են ամսական ավելի քան 80 հազար ռուբլի։ Առաքիչների եկամուտն աճել է 25%-ով, տնային օգնականներինը՝ 18%-ով։
Եկամուտների աճը հաստատում է նաև ԿԲ-ի վիճակագրությունը. հունիսին Ռուսաստանից ԱՊՀ երկրներ դրամական փոխանցումների համակարգի միջոցով փոխանցվել է 720 մլն դոլար: Սա առավելագույն ցուցանիշն է երեք տարվա ընթացքում:
Ինչ վերաբերում է Հայաստանին, ապա, Ռուսաստանի բանկի տվյալներով, 2021 թ․-ի առաջին եռամսյակում ՌԴ-ից մեր երկիր է փոխանցվել 151 մլն դոլար, փոխանցման միջին գումարը կազմել է 252 դոլար: Երկու տարի առաջ՝ 2019 թ․-ի առաջին եռամսյակում, փոխանցումների ծավալն ավելի փոքր էր (105,5 մլն), սակայն մեկ փոխանցման միջին գումարը ավելի մեծ էր՝ 335 դոլար։
Այնուամենայնիվ, ընդհանուր առմամբ, միգրանտների եկամուտներն աճել են։ Այն բանից հետո, երբ նրանց հոսքը Ռուսաստան կրճատվել է (11,2 մլն-ից 2019 թ.-ին մինչև 5,66 մլն․՝ 2021 թ.-ի սկզբին), աշխատուժի համար մրցակցությունն աճել է, ուստի նրանց սկսել են ավելի շատ վճարել։
ԱՊՀ երկրներից ավելի քան 700 հազար միգրանտներ ապօրինի են գտնվում Ռուսաստանում․ ՆԳՆ
Բացի այդ, աշխատանքային միգրանտների համար նոր ճակատ է բացվել՝ շինարարության և ենթակառուցվածքների խոշոր պետական նախագծերը:
