https://arm.sputniknews.ru/20210827/hima-aravel-karevore-hay-rusakan-kapery-xoratsnely-mirzoyann-yndunele-kopirkinin-28805786.html
Հիմա առավել կարևոր է հայ-ռուսական կապերը խորացնելը. Միրզոյանն ընդունել է Կոպիրկինին
Հիմա առավել կարևոր է հայ-ռուսական կապերը խորացնելը. Միրզոյանն ընդունել է Կոպիրկինին
Sputnik Արմենիա
Արարատ Միրզոյանն ու Սերգեյ Կոպիրկինը քննարկել են նաև Սյունիքում ստեղծված իրավիճակն ու ՀԱՊԿ շրջանակներում համագործակցությունը: 27.08.2021, Sputnik Արմենիա
2021-08-27T18:10+0400
2021-08-27T18:10+0400
2021-08-27T18:15+0400
հայաստան
արարատ միրզոյան
սերգեյ կոպիրկին
դեսպան
սյունիք
հավաքական անվտանգության պայմանագիր կազմակերպություն (հապկ)
ռուսաստան
աշխարհ
https://cdn.am.sputniknews.ru/img/07e5/08/1b/28805750_0:0:1001:563_1920x0_80_0_0_e4ff13c414b298ae0b97a0075dcbe560.jpg
ԵՐԵՎԱՆ, 27 օգոստոսի – Sputnik. ՀՀ արտաքին գործերի նախարար Արարատ Միրզոյանն այսօր ընդունել է Հայաստանում ՌԴ դեսպան Սերգեյ Կոպիրկինին: Տեղեկությունը հայտնում է ՀՀ ԱԳՆ մամուլի ծառայությունը։Արարատ Միրզոյանը նշել է, որ Հայաստանը շարունակելու է խորացնել և ընդլայնել դաշնակցային հարաբերությունները Ռուսաստանի հետ միջպետական օրակարգի բոլոր ուղղություններով, ինչն արձանագրված է նաև երեկ ընդունված կառավարության ծրագրում:Նշվել է, որ տարածաշրջանային և միջազգային մակարդակներում իրադարձությունների զարգացման դինամիկան առավել կարևոր է դարձնում հայ-ռուսական հարաբերություններին նոր խթան հաղորդելու անհրաժեշտությունը:ՀՀ արտաքին քաղաքական գերատեսչության ղեկավարը գոհունակություն է հայտնել Ռուսաստանի ջանքերի կապակցությամբ՝ ուղղված 2020թ. նոյեմբերի 9-ի եռակողմ հայտարարության պայմանավորվածությունների իրականացմանը:Անդրադառնալով վերջին օրերին Ադրբեջանի կողմից իրականացվող սադրանքներին, այդ թվում՝ Գորիս-Կապան ավտոճանապարհի փակմանը, Արարատ Միրզոյանն ընդգծել է, որ ադրբեջանական կողմն այդպիսով խաթարում է Հայաստանի ջանքերը՝ ուղղված իրավիճակի լիցքաթափմանը և տարածաշրջանում խաղաղության հաստատմանը:Զրուցակիցները նաև քննարկել են ՀԱՊԿ շրջանակներում համագործակցությունը: Արարատ Միրզոյանը շեշտել է, որ ՀԱՊԿ-ում Հայաստանի գալիք նախագահությունն ակտիվ ջանքեր կգործադրի` ուղղված կազմակերպության զարգացմանն ու ներուժի ամրապնդմանը:Գորիս-Կապան մայրուղու շուրջ բանակցությունները բարդացել են. ո՞րն է խնդիրըՆշենք, որ օգոստոսի 25-ից ադրբեջանցի զինվորականները փակել են Կապան-Գորիս ավտոմայրուղու Կարմրաքար-Շուռնուխ հատվածի երթևեկությունը: Տեղում են հայ և ռուս սահմանապահները, ընթանում են բանակցություններ։
https://arm.sputniknews.ru/20210827/adrbejanciner-xramatner-en-porel-goris-kapan-chanaparhi-mot-inch-en-asum-syuneciner-28805111.html
սյունիք
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արարատ միրզոյան, սերգեյ կոպիրկին, դեսպան, սյունիք, հավաքական անվտանգության պայմանագիր կազմակերպություն (հապկ), ռուսաստան, աշխարհ
հայաստան, արարատ միրզոյան, սերգեյ կոպիրկին, դեսպան, սյունիք, հավաքական անվտանգության պայմանագիր կազմակերպություն (հապկ), ռուսաստան, աշխարհ
Հիմա առավել կարևոր է հայ-ռուսական կապերը խորացնելը. Միրզոյանն ընդունել է Կոպիրկինին
18:10 27.08.2021 (Թարմացված է: 18:15 27.08.2021) Արարատ Միրզոյանն ու Սերգեյ Կոպիրկինը քննարկել են նաև Սյունիքում ստեղծված իրավիճակն ու ՀԱՊԿ շրջանակներում համագործակցությունը:
ԵՐԵՎԱՆ, 27 օգոստոսի – Sputnik. ՀՀ արտաքին գործերի նախարար Արարատ Միրզոյանն այսօր ընդունել է Հայաստանում ՌԴ դեսպան Սերգեյ Կոպիրկինին: Տեղեկությունը
հայտնում է ՀՀ ԱԳՆ մամուլի ծառայությունը։
Արարատ Միրզոյանը նշել է, որ
Հայաստանը շարունակելու է խորացնել և ընդլայնել դաշնակցային հարաբերությունները Ռուսաստանի հետ միջպետական օրակարգի բոլոր ուղղություններով, ինչն արձանագրված է նաև երեկ ընդունված կառավարության ծրագրում:
Նշվել է, որ տարածաշրջանային և միջազգային մակարդակներում իրադարձությունների զարգացման դինամիկան առավել կարևոր է դարձնում հայ-ռուսական հարաբերություններին նոր խթան հաղորդելու անհրաժեշտությունը:
ՀՀ արտաքին քաղաքական գերատեսչության ղեկավարը գոհունակություն է հայտնել Ռուսաստանի ջանքերի կապակցությամբ՝ ուղղված 2020թ. նոյեմբերի 9-ի եռակողմ հայտարարության պայմանավորվածությունների իրականացմանը:
Անդրադառնալով վերջին օրերին Ադրբեջանի կողմից իրականացվող սադրանքներին, այդ թվում՝ Գորիս-Կապան ավտոճանապարհի փակմանը, Արարատ Միրզոյանն ընդգծել է, որ ադրբեջանական կողմն այդպիսով խաթարում է Հայաստանի ջանքերը՝ ուղղված իրավիճակի լիցքաթափմանը և տարածաշրջանում խաղաղության հաստատմանը:
Զրուցակիցները նաև քննարկել են ՀԱՊԿ շրջանակներում համագործակցությունը: Արարատ Միրզոյանը շեշտել է, որ ՀԱՊԿ-ում Հայաստանի գալիք նախագահությունն ակտիվ ջանքեր կգործադրի` ուղղված կազմակերպության զարգացմանն ու ներուժի ամրապնդմանը:
Նշենք, որ օգոստոսի 25-ից ադրբեջանցի զինվորականները փակել են Կապան-Գորիս ավտոմայրուղու Կարմրաքար-Շուռնուխ հատվածի երթևեկությունը: Տեղում են հայ և ռուս սահմանապահները, ընթանում են բանակցություններ։
