https://arm.sputniknews.ru/20210826/joxovurdin-molorecnum-eq-vazgen-sargsyani-exbayr-patasxanel-e-xachatur-suqiasyanin-28797894.html

Ժողովրդին մոլորեցնում եք․ Վազգեն Սարգսյանի եղբայրը պատասխանել է Խաչատուր Սուքիասյանին

Ժողովրդին մոլորեցնում եք․ Վազգեն Սարգսյանի եղբայրը պատասխանել է Խաչատուր Սուքիասյանին

Sputnik Արմենիա

Սուքիասյանը նշել էր, որ Վազգեն Սարգսյանի արված հեղաշրջումը սկիզբ է դրել բազմաթիվ պետական խնդիրների, ընդհուպ մինչև Օնիկ Գասպարյանի քայլերը։ 26.08.2021, Sputnik Արմենիա

2021-08-26T22:20+0400

2021-08-26T22:20+0400

2021-08-26T22:20+0400

հայաստան

հասարակություն

արամ սարգսյան

վազգեն սարգսյան

խաչատուր սուքիասյան

https://cdn.am.sputniknews.ru/img/07e4/0b/0b/25283499_0:46:1400:834_1920x0_80_0_0_1f4ae243522269033df1b03d1c321e95.jpg

ԵՐԵՎԱՆ, 26 օգոստոսի - Sputnik. Հայաստանի նախկին վարչապետ, ՊՆ ղեկավար Վազգեն Սարգսյանի եղբայր Արամ Սարգսյանը պատասխանել է «Քաղաքացիական պայմանագիր» խմբակցության պատգամավոր Խաչատուր Սուքիասյանի երեկվա ելույթներին, որոնք վերաբերում էին իր եղբորը։Սուքիասյանը ԱԺ ամբիոնից ասել էր, որ «Վազգեն Սարգսյանը շատ վատ բան է արել Հայաստանի նկատմամբ»՝ նկատի ունենալով 1998-ի իշխանափոխությունը։«Ուժային համակարգն ի՞նչ գործ ունի կանգնի քաղաքական ղեկավարությանն ասի՝ սխալ եք, ո՞վ է նա, բայց նրան քաղաքական ուժերը պաշտպանեցի՞ն, երկրում եղավ հեղաշրջում։ Շփվել եմ Վազգեն Սարգսյանի, Սերժ Սարգսյանի, Ռոբերտ Քոչարյանի հետ. շատ վատ համակարգ են ստեղծել, ստրկացրել էին հասարակությանը»,- ասել էր Սուքիասյանը։Սարգսյանը սրան ի պատասխան գրել է Facebook-ում, թե «ազատամարտիկներին համախմբած ու զրոյից բանակ ստեղծած, տարածքներ ազատագրած և հաղթանակներ կերտած ՊՆ նախարարը» Արցախում տարածքներ հանձնելու հարցում տեսակետ հայտնելու իրավունք ուներ։Սուքիասյանը իր ելույթից հետո լրագրողների հետ զրույցում նշել էր, որ եթե Վազգեն Սարգսյանին «ճիշտ գնահատական տված լինեինք, Օնիկ Գասպարյանն ըտենց բաներ չէր անի»՝ նկատի ունենալով Գլխավոր շտաբի նախկին հրամանատարի՝ վարչապետ Նիկոլ Փաշինյանի հրաժարականը պահանջելը։Վազգեն Սարգսյան. «Ամենակատարյալ ստեղծագործությունն ազատագրված հողն է»«Անլուրջ կվերաբերվեի և հարկ չէի համարի անդրադառնալ տվյալ անհատին, եթե հիմքում սուտ չլիներ. 1998-ին ՀՀ ՊՆ-ն հայտարարություն չի տարածել ու չի պահանջել նախագահի հրաժարականը, ուստի Օնիկ Գասպարյանի արարքի հետ համեմատությունը կամ անտեղյակություն է ու ոչ կոմպետենտություն, կամ ժողովրդին մոլորեցնելու պարզունակ միտում», - գրել է Սարգսյանը։Վազգեն Սարգսյանի եղբայրն ամփոփել է միտքն ասելով, որ անցյալում անելիք չկա, «անողը արել է», այժմ պետք է զբաղվել ապագայով։

https://arm.sputniknews.ru/20210524/pashinyan-paylun-irakanacrel-e-vazgen-sargsyani-erku-patviranner-levon-ter-petrosyan-27659271.html

2021

Լուրեր

am_HY

հայաստան, հասարակություն , արամ սարգսյան, վազգեն սարգսյան, խաչատուր սուքիասյան