https://arm.sputniknews.ru/20210825/dzery-hanelu-huysy-lombardn-e-gyuxacib-stipvac-e-vacharel-kendaninerin-28781336.html

«Ձմեռը հանելու հույսը լոմբարդն է». խոտը թանկ է, գյուղացին ստիպված է վաճառել կենդանիներին

«Ձմեռը հանելու հույսը լոմբարդն է». խոտը թանկ է, գյուղացին ստիպված է վաճառել կենդանիներին

Sputnik Արմենիա

Գյուղացիները հումոր են անում` այս տարի խոտի գինը ոսկու գնին անցել է։ Անասնակերի խնդրի առաջ կանգնած գյուղացիները չգիտեն` ինչով են ողջ ձմեռ կերակրելու... 25.08.2021, Sputnik Արմենիա

2021-08-25T21:19+0400

2021-08-25T21:19+0400

2022-02-07T16:43+0400

տնտեսություն

հայաստան

գյուղ

անասնակեր

գյուղացի

երաշտ

https://cdn.am.sputniknews.ru/img/07e5/08/18/28767245_0:0:1600:901_1920x0_80_0_0_4d97beaa4b4dbc41fe774b8ff300e375.jpg

ԵՐԵՎԱՆ, 25 օգոստոսի – Sputnik. Այս տարի հանրապետությունում անասնակերի խնդիր կա. ջրի պակասի պատճառով խոտի քանակը բավարար չէ, ինչն էլ խոտի գնի բարձրացման է բերել։ Արմավիրի մարզի Վանանդ համայնքի բնակիչ Այլաս Սլոյանը նշում է` 40-50 գլուխ խոշոր եղջերավոր անասուն ունի, որոնց «ձեռքը կրակն է ընկել»։ Վանանդը ոռոգման ջուր է ստանում Ախուրյանի ջրամբարից, որը, տեղի բնակիչների խոսքով, նախորդ տարվա համեմատ այս տարի 40 տոկոսով ավելի քիչ ջուր է կուտակել։Ու քանի որ գյուղացիները հիմա կենդանիներին պահել չեն կարողանում, փորձում են վաճառել դրանք։ Սակայն հարցն այն է, որ այժմ «մոմի լույսով» են գնորդ փնտրում` պահանջարկ չկա։ Սլոյանն արդեն երկար ժամանակ է` փորձում է վաճառել կենդանիների մի մասը, սակայն այդպես էլ գնորդ չի գտնում։«Անասունն էլ մեղք է` հո սոված չի մնալու։ Ստացվում է` կենդանի պահելը ձեռնտու չէ, մյուս կողմից էլ, եթե ծախենք` հնարավոր է, որ հետո չկարողանանք գնել։ Դեռ մի բան էլ կա` մսի գինն է շատ իջել, և եթե անցած տարի 2500 դրամով խնդրում էին, ապա այս տարի 2000-ով էլ չենք գտնում գնորդ։ Հիմա չգիտեմ էլ` ձմռանն ինչ եմ անելու»,–ասում է Սլոյանն ու հավելում` միակ ելքն այն է, որ սառցարան գնեն ու անասունները մորթեն, միսն ինչ–որ առիթների բաժանեն ծանոթներին։Գյուղացիները նշում են` այս օրերին ձմռան խոտի պաշարն արդեն պատրաստ էր լինում։ Վանանդի բնակիչներից Թոռնիկ Գալոյանի խոսքով` նախորդ տարիներին ձմռան համար 3000-4000 հակ խոտ էր գնած լինում կենդանիների համար, իսկ այս տարի դեռ «ոտքը կախ է գցում»։ Նրա խոսքով` կաթը ջրի գին է դարձել, այսինքն`խանութում վաճառվող ջրից ավելի մատչելի գնով են այն իրենցից վերցնում։ Այս տարվա խոտի գինն էլ հաշվի առնելով, կենդանի պահելուց պետք է «ձեռ քաշել»։Նա, ի դեպ, 70 գլուխ խոշոր եղջերավոր կենդանի ունի, որոնց դեռ չի ուզում սարերից իջեցնել, քանի որ խոտ չունի ամբարած։ Գալոյանն ասում է, որ մսի պահանջարկ չկա, քանի որ սպառողի համար մսի գինն այդպես էլ չի իջել, և միայն գյուղացուց են ավելի էժան գնով ուզում գնել այն։Վանանդ համայնքի ղեկավարի տեղակալը` Շմավոն Եղիազարյանը, նշում է, որ եթե գյուղացին նախկինում մեկ հեկտարից ստանում էր 380-400 հակ խոտ, հիմա քիչ ջրելու պայմաններում 250 հակ է դուրս գալիս։ Նրա խոսքով` ջրի խնդիրն այնքան լուրջ է, որ գյուղում միշտ 500 հեկտար ցորեն էին ցանում, իսկ այս տարի 5 հեկտար էլ չեն ցանել։«Մենք 15-20 օրը մեկ ենք ջրում, բայց մարդիկ համբերատար սպասում են` գիտեն, որ ջրի հարցը մեծամասամբ բնությունից է կախված։ Չնայած, մյուս կողմից, մեր ունեցած ջրամբարները գնալով տղմակալում են, և սովետից այս կողմ նորմալ չեն էլ մաքրվում, քանի որ ձեռնտու չէ»,–ասում է Եղիազարյանը։Նա հավելում է, որ կաթիլային ոռոգման անցնելը ձեռնտու է պտուղների դեպքում, սակայն եգիպտացորենի, հացահատիկի համար ձեռնտու չէ, քանի որ ջրի հոսք է պետք ապահովել այս դեպքում։«Ճգնաժամային շրջանը հաղթահարված է». Արմավիրի մարզպետը` ոռոգման խնդրի մասինԵղազարյանը նշում է նաև, որ եղած պայմաններում ոռոգման ջրի գինը` 11 դրամ/խմ–ի համար, արդեն իսկ թանկ է գյուղացու համար, և կան մարդիկ, որոնք նախընտրում են ոչ թե խոտը ջրել, հետո հնձել, հակ կապել տալ, այլ պարզապես գնել։Հավելենք, որ Հայաստանը հյուսիսարևմտյան սահմանի այս մասում Թուրքիայի հետ կիսում է Ախուրյանի ջրամբարը։ Վանանդի բնակիչներն ասում են նաև` եթե անգամ Թուրքիային պետք չլինի ջրամբարում կուտակված ջուրը, ապա կասկածներ ունեն, որ հնարավոր է` ջրամբարի` նրանց բաժին ջուրն ուղղակի բաց են թողնում, որպեսզի մեզ չմնա։Ի դեպ, Գեղարքունիքի և Շիրակի մարզերի գյուղերի բնակիչները նույնպես կանգնած են անասնակերի խնդրի առաջ։Ինչու է Արմավիրում պարբերաբար սրվում ոռոգման ջրի խնդիրը. մեկնաբանում է մարզպետը

2021

Լուրեր

am_HY

տնտեսություն, հայաստան, գյուղ, անասնակեր, գյուղացի, երաշտ