https://arm.sputniknews.ru/20210825/brnutyun-lragrox-azgayin-zoxov-hk-28778193.html

Լրագրողների աշխատանքը խոչընդոտել են ու բռնություն կիրառել. ՀԿ–ների հայտարարությունը

Լրագրողների աշխատանքը խոչընդոտել են ու բռնություն կիրառել. ՀԿ–ների հայտարարությունը

Sputnik Արմենիա

Անվտանգության աշխատակիցները թույլ չէին տվել, որ լրագրողները նկարահանեն այն, ինչ այդ պահին տեղի էր ունենում ԱԺ նիստերի դահլիճում։ Այդ նպատակով նրանք... 25.08.2021, Sputnik Արմենիա

2021-08-25T15:02+0400

2021-08-25T15:02+0400

2021-08-25T15:14+0400

հայաստան

աժ (ազգային ժողով)

լրագրող

https://cdn.am.sputniknews.ru/img/07e5/08/19/28776787_0:84:1601:984_1920x0_80_0_0_62f53865afdc5a95e7388cff714e6098.jpg

ԵՐԵՎԱՆ, 25 օգոստոսի - Sputnik․ Հասարակական մի շարք կազմակերպություններ, այդ թվում` լրագրողների իրավունքների պաշտպանությամբ զբաղվող ՀԿ–ներ, հանդես են եկել հայտարարությամբ, որում իրենց մտահգությունն են հայտնել ՀՀ Ազգային ժողովում պետական պահպանության ծառայության աշխատակիցների կողմից լրագրողների աշխատանքը սահմանափակելու կապակցությամբ:Սահմանափակումների արդյունքում, ըստ հայտարարության հեղինակների, լրագրողները չեն կարողանում ազատ շրջել խորհրդարանի շենքի միջանցքներում, լուսանկարել անվտանգության աշխատակիցներին, իսկ ԱԺ հանձնաժողովների նիստերին կարող են ներկա գտնվել միայն հանձնաժողովների նախագահների հայեցողությամբ:ՀԿ–ներն առավել մտահոգիչ են համարում լրագրողներին հեռացնելու և նրանց նկատմամբ ուժ կիրառելու մասին պատգամավորներից մեկի հարցին վարչապետ Նիկոլ Փաշինյանի տված պատասխանը, որով վարչապետը քաջալերել է ԱԱԾ ծառայողների պահվածքը ու այն, ըստ էության, գնահատել է իրավաչափ:«ԱԱԾ ծառայողների կողմից լրագրողներին ԱԺ նիստերի դահլիճի օթյակից հեռացնելը (առավելևս` բռնության գործադրմամբ) գնահատվում է ոչ այլ կերպ, քան լրագրողների օրինական մասնագիտական գործունեության խոչընդոտում: Այդ դեպքերը պետք է արժանանան քրեաիրավական գնահատականի, նշված արարքը կատարած անձինք, ինչպես նաև նրանց ակնհայտ ապօրինի հրաման տվողները պետք է ենթարկվեն քրեական պատասխանատվության»,– ասված է հայտարարության մեջ:Գեղամ Նազարյանին Ազգային ժողովից շտապօգնության մեքենայով տեղափոխել են հիվանդանոցՀայտարարությունը ստորագրած կազմակերպություններն արձանագրում են, որ լրագրողների աշխատանքի սահմանափակումը հակասում է Սահմանադրության 42-րդ և 51-րդ հոդվածներին, ինչպես նաև Հայաստանի ստանձնած միջազգային պարտավորություններին (այդ թվում՝ Մարդու իրավունքների եվրոպական կոնվենցիայի 10-րդ հոդվածին):«Այդ որոշումը պետք է վերանայվի և ընդունվի այնպիսի որոշում, որով կարևորագույն այս իրավունքի սահմանափակումը չի հատի համաչափության ու ողջամտության սահմանները»,– ասված է հայտարարության մեջ։Հիշեցնենք` այսօր Ազգային ժողովի նիստերի դահլիճում տեղի ունեցած մի քանի միջադեպերի ժամանակ անվտանգության աշխատակիցները հրմշտել էին ԱԺ նիստը լուսաբանող լրագրողներին, ընդ որում` ԱԺ կանոնակարգ օրենքով լրատվամիջոցների աշխատանքի համար հատուկ հատկացված տարածքում` օթյակում։Անվտանգության աշխատակիցները թույլ չէին տվել, որ լրագրողները նկարահանեն այն, ինչ այդ պահին տեղի էր ունենում ԱԺ նիստերի դահլիճում։Այդ նպատակով նրանք լրագրողներին հրմշտելով դուրս էին բերել օթյակից` ստիպելով դադարեցնել նկարահանումներն ու ուղիղ հեռարձակումները։

https://arm.sputniknews.ru/20210825/xmbakcutyan-nist-kanenq-ev-hetaga-taktikan-koroshenq-vahe-hakobyan-28778045.html

https://arm.sputniknews.ru/20210825/aran-du-es-ay-txa-azum-irarancuum-sksvec-28775767.html

2021

Լուրեր

am_HY

հայաստան, աժ (ազգային ժողով), լրագրող