https://arm.sputniknews.ru/20210823/qaxaqakanacvac-handznajoxov-te-razmakan-tribunal-vorn-aravel-obyektiv-klini-28759624.html

Քաղաքականացված հանձնաժողո՞վ, թե՞ ռազմական տրիբունալ. ո՞րն առավել օբյեկտիվ կլինի

Քաղաքականացված հանձնաժողո՞վ, թե՞ ռազմական տրիբունալ. ո՞րն առավել օբյեկտիվ կլինի

Sputnik Արմենիա

Ռազմական փորձագետի կարծիքով` պատերազմի քննության գործընթացը պետք է վստահել բացառապես ուժային կառույցներին, ստեղծել ռազմական տրիբունալ, որը այդ հարցերից զատ... 23.08.2021, Sputnik Արմենիա

2021-08-23T23:06+0400

2021-08-23T23:06+0400

2021-08-23T23:09+0400

ռադիո

հանձնաժողով

աժ (ազգային ժողով)

արցախյան պատերազմ

https://cdn.am.sputniknews.ru/img/1029/83/10298309_0:0:1601:901_1920x0_80_0_0_c950f8f447f7496b57c3030e653d8160.jpg

2021-2026 թթ. կառավարության ծրագրում 44-օրյա պատերազմի բոլոր հանգամանքների բացահայտման ուղղությամբ գործուն քայլեր ձեռնարկելու և մանրամասն քննություն իրականացնելու մասին շտկումը ոչ այլ ինչ է, քան քաղաքական հակառակորդներին ուղղված մեսիջ։ Sputnik Արմենիայի հետ զրույցում նման կարծիք հայտնեց ռազմական փորձագետ Կարեն Հովհաննիսյանը։Նրա խոսքով` թե՛ քառօրյա, թե՛ քառասունչորսօրյա պատերազմի օբյեկտիվ քննության համար պետք է իրավական հենք ստեղծել, որն իր հերթին կենթադրի իրավական գործընթացներ։«Այդ կառույցը կամ հանձնաժողովը, որ պետք է ստեղծվի, պետք է իրենից ներկայացներ այնպիսի կառույց, որտեղ կներառվեին բոլոր վերլուծությունները, որոնք արվել են ՊՆ-ում, ԶՈւ-ում, կառավարությունում և բոլոր տեսակի շահագրգիռ կազմակերպություններում, և ըստ այդմ էլ տեղի ունենար քննություն։ Թե չէ սա հերթական քայլն է՝ ուղղված քաղաքական հակառակորդներին կամ կողմնակիցներին, ավել ոչինչ»,- ասաց նա։Անդրադառնալով իշխանությունների` 44-օրյա պատերազմի հետևանքները քննող ԱԺ հանձնաժողով ստեղծելու պատրաստակամությանը` Հովհաննիսյանը նշեց, որ ինքը բացարձակապես դեմ է, որ օրենսդիրում նման հանձնաժողովներ ստեղծվեն։«Վերջիվերջո այնտեղ նաև ռազմական գաղտնիքներ կան, որոնց որոշ պատգամավորներ չպետք է տիրապետեն, որովհետև կան պատգամավորներ, որոնք նույնիսկ չեն ծառայել, ուր մնաց` ռազմական գաղտնիքների տիրապետեն»,- նշեց Հովհաննիսյանը։Ռազմական փորձագետի կարծիքով` պատերազմի քննության գործընթացը պետք է վստահել բացառապես ուժային կառույցներին, ստեղծել ռազմական տրիբունալ, որը այդ հարցերից զատ կքննի նաև վերջին օրերին Գեղարքունիքի մարզում, Երասխում տեղի ունեցած դեպքերը և կտա համապատասխան եզրակացություն։Համաներում կլինի պատերազմի ժամանակ դատապարտված և հետախուզման մեջ գտնվող անձանց նկատմամբՆշենք, որ այսօր հայտնի դարձավ, որ կիրակի` օգոստոսի 22-ին, գրավոր ընթացակարգով փոփոխության է ենթարկվել կառավարության 2021-26թթ–ի գործունեության ծրագրի «Պաշտպանության ոլորտ. Զինված ուժերի բարեփոխումներ» հավելվածում. այն վերաբերում է Արցախյան 44-օրյա պատերազմի հանգամանքների քննությանը։Խմբագրված տարբերակում նշվում է, որ կառավարությունը կարևորում է 2020 թվականի 44-օրյա պատերազմի բոլոր հանգամանքների բացահայտումը և գործուն քայլեր է ձեռնարկելու համապարփակ ու մանրամասն քննություն իրականացնելու ուղղությամբ, մինչդեռ կառավարության գործունեության ծրագրի նախնական տարբերակում պատերազմի հանգամանքների քննություն ու բացահայտում չէր նախատեսվում։Ծրագիրն արդեն ներկայացվել է խորհրդարանի քննարկմանն ու հաստատմանը։ Այն նախատեսվում է քննարկել օգոստոսի 24-ի նիստում։ Պատերազմից հետո սա առաջին միջազգային միջոցառումն է. ԳՇ պետը` զինծառայողներին. տեսանյութ

https://arm.sputniknews.ru/20210811/vanadzorum-arcaxyan-44-orya-paterazmi-herosnerin-nvirvac-xachqar-e-otsvel-28630282.html

2021

Լուրեր

am_HY

հանձնաժողով, աժ (ազգային ժողով), արցախյան պատերազմ