Անցնող շաբաթվա ընթացքում լրահոսում, ցավոք, կրկին զինվորների մահվան մասին գրվեց։ Մեկը զոհվեց հայ-ադրբեջանական սահմանին, երեքի սպանության մեջ կասկածվում է ծառայակիցը։Երկրի քաղաքական կյանքում համեմատաբար խաղաղ է. արտգործնախարարի պաշտոնակատար Արմեն Գրիգորյանը, մինչև հին պաշտոնում վերանշանակվելը, հասցրեց դիմավորել ու ճանապարհել Ուրուգվայի ԱԳ նախարարի գլխավորած պատվիրակությանը։Անցնող շաբաթվա ընթացքում ավարտվեց կառավարության կազմի ձևավորումը. Արմեն Գրիգորյանը կրկին Անվտանգության խորհրդի քարտուղար նշանակվեց, իսկ ԱԺ նախկին նախագահ Արարատ Միրզոյանը՝ ԱԳ նախարար։Այս շաբաթ մեր երկիրը մի քանի տասնյակ զինվորականների է հյուրընկալում՝ աշխարհի հինգ երկրներից։ Ռուսաստանի, Բելառուսի, Ղազախստանի, Հունաստանի և Կատարի պատվիրակությունները Դիլիջանում են «Բանակային միջազգային խաղեր» մրցույթի շրջանակներում անցկացվող «Խաղաղության մարտիկ» մրցափուլին մասնակցելու համար։Պատերազմի միջով անցած ու տեսողությունը կորցրած Վրեժի ու Քրիստինեի սերը հաղթել է մեր պարտված պատերազմին։ Նրանց սերը թևեր է տալիս դիմացինին ու համոզում` երբեմն նաև կարող ենք թռչել, եթե սիրելիի հետ ենք...Sputnik Արմենիան այցելել էր երիտասարդ զույգին ու ներկայացրել նրանց հուզիչ պատմությունը։Շաբաթվա այլ հետաքրքիր դրվագները՝ Sputnik Արմենիայի լուսանկարիչների աչքերով։
լուսանկարներ, մուլտիմեդիա , անվտանգության խորհրդի քարտուղար, արմեն գրիգորյան, արարատ միրզոյան, հհ արտաքին գործերի նախարարություն. ագն, զինվոր, ամուսնություն, լուսանկար
լուսանկարներ, մուլտիմեդիա , անվտանգության խորհրդի քարտուղար, արմեն գրիգորյան, արարատ միրզոյան, հհ արտաքին գործերի նախարարություն. ագն, զինվոր, ամուսնություն, լուսանկար
Ձևավորված կառավարություն, զինվորի ամուսնություն և այլն. անցնող շաբաթը՝ լուսանկարներով
Sputnik Արմենիայի ֆոտոշարքը ներկայացնում է անցնող շաբաթվա հետաքրքիր դեպքերն ու իրադարձությունները։
Անցնող շաբաթվա ընթացքում լրահոսում, ցավոք, կրկին զինվորների մահվան մասին գրվեց։ Մեկը զոհվեց հայ-ադրբեջանական սահմանին, երեքի սպանության մեջ կասկածվում է ծառայակիցը։
Երկրի քաղաքական կյանքում համեմատաբար խաղաղ է. արտգործնախարարի պաշտոնակատար Արմեն Գրիգորյանը, մինչև հին պաշտոնում վերանշանակվելը, հասցրեց դիմավորել ու ճանապարհել Ուրուգվայի ԱԳ նախարարի գլխավորած պատվիրակությանը։
Անցնող շաբաթվա ընթացքում ավարտվեց կառավարության կազմի ձևավորումը. Արմեն Գրիգորյանը կրկին Անվտանգության խորհրդի քարտուղար նշանակվեց, իսկ ԱԺ նախկին նախագահ Արարատ Միրզոյանը՝ ԱԳ նախարար։
Այս շաբաթ մեր երկիրը մի քանի տասնյակ զինվորականների է հյուրընկալում՝ աշխարհի հինգ երկրներից։ Ռուսաստանի, Բելառուսի, Ղազախստանի, Հունաստանի և Կատարի պատվիրակությունները Դիլիջանում են «Բանակային միջազգային խաղեր» մրցույթի շրջանակներում անցկացվող «Խաղաղության մարտիկ» մրցափուլին մասնակցելու համար։
Պատերազմի միջով անցած ու տեսողությունը կորցրած Վրեժի ու Քրիստինեի սերը հաղթել է մեր պարտված պատերազմին։ Նրանց սերը թևեր է տալիս դիմացինին ու համոզում` երբեմն նաև կարող ենք թռչել, եթե սիրելիի հետ ենք...Sputnik Արմենիան այցելել էր երիտասարդ զույգին ու ներկայացրել նրանց հուզիչ պատմությունը։
Շաբաթվա այլ հետաքրքիր դրվագները՝ Sputnik Արմենիայի լուսանկարիչների աչքերով։
ՀՀ արտգործնախարարի պաշտոնակատար Արմեն Գրիգորյանը վերադառնում է նախարարություն՝ ուրուգվայցի գործընկերոջը ճանապարհելուց հետո։ Օգոստոսի 16-ին Հայաստան էր ժամանել Ուրուգվայի արտաքին գործերի նախարար Ֆրանսիսկո Բուստիլյոյի գլխավորած պատվիրակությունը:
ՀՀ ԶՈւ գլխավոր շտաբի պետի տեղակալ Անդրանիկ Մակարյանը մասնակցել է Օշականի ճակատամարտի տարեդարձին նվիրված միջոցառմանը: Օգոստոսի 17-ին հանդիսավորությամբ նշվել է ռուս-պարսկական պատերազմի Օշականի ճակատամարտի 194-րդ տարեդարձը։
Օշականի ճակատամարտի տարեդարձին նվիրված հանդիսավոր միջոցառում. ՀՀ պաշտպանության նախարարության, Ռուսաստանի Դաշնության դեսպանության և տեղական ինքնակառավարման մարմինների ներկայացուցիչները զինվորական նվագախմբի հնչյունների ներքո ծաղիկներ և ծաղկեպսակներ են դրել հուշարձանին:
Արցախյան պատերազմի ժամանակ ծանր վիրավորված Վրեժ Բադալյանը՝ կնոջ ՝ Քրիստինայի հետ: Sputnik Արմենիայի թղթակիցներն այցելել են Բադալյանների տուն, պատմել Վրեժի ապրած դժոխքի, վերականգնման ու սիրո զարմանալի պատմության մասին։
Օգոստոսի 22-ին Դիլիջանում տեղի ունեցավ «Խաղաղության մարտիկ» մրցույթի հանդիսավոր բացումը։ «Խաղաղության մարտիկ» մրցափուլն ընթանում է «Բանակային միջազգային խաղերի» շրջանակներում՝ արդեն 6-րդ անգամ:
