https://arm.sputniknews.ru/20210817/hayastani-ev-rd-nerkayacucichner-hargel-en-oshakani-chakatamarti-herosneri-hishatak-28701760.html

Հայաստանի և ՌԴ ներկայացուցիչները հարգել են Օշականի ճակատամարտի հերոսների հիշատակը

Հայաստանի և ՌԴ ներկայացուցիչները հարգել են Օշականի ճակատամարտի հերոսների հիշատակը

Sputnik Արմենիա

Ռուսական բանակն այդ ժամանակ պարտություն չի կրել Կովկասի տարածքում հայկական բնակչության աջակցության և մարտերին մասնակցելու շնորհիվ։ 17.08.2021, Sputnik Արմենիա

2021-08-17T18:52+0400

2021-08-17T18:52+0400

2021-08-17T19:14+0400

հայաստան

հասարակություն

օշականի ճակատամարտ

https://cdn.am.sputniknews.ru/img/07e5/08/11/28694905_0:160:1600:1065_1920x0_80_0_0_e2a0e32208500c25c86e221ef29fa969.jpg

ԵՐԵՎԱՆ, 17 օգոստոսի – Sputnik. Հայաստանում հարգել են ռուս–պարսկական պատերազմի տարիներին Օշականի ճակատամարտում ընկած հայ կամավորների և ռուս զինվորների հիշատակը։Ճակատամարտի 194-ամյակին նվիրված հանդիսավոր միջոցառումը տեղի ունեցավ այսօր Էջմիածնից քիչ հեռու գտնվող «Օշականի հերոսներին» հուշարձանի մոտ։ Ռուսաստանի դեսպանատան, ՀՀ ՊՆ–ի և տեղական ինքնակառավարման մարմինների ներկայացուցիչները ռազմական նվագախմբի նվագի ներքո ծաղիկներ և ծաղկեպսակներ դրեցին հուշարձանի մոտ։Հայաստանի և ՌԴ ներկայացուցիչները հարգել են Օշականի ճակատամարտի հերոսների հիշատակը «1827 թվականին այս օրը քաջարի գեներալ Աֆանասի Կրասովսկու հրամանատարության տակ գտնվող հայ–ռուսական ջոկատը, անկախ այն հանգամանքից, որ հակառակորդը տասնապատիկ շատ էր, ճեղքեց պարսից բանակի արգելափակիչ սահմանապահ ջոկատներն ու ստիպեց թշնամուն վերացնել Էջմիածնի վանքի պաշարումը», – ասաց Հայաստանում Ռուսաստանի գործերի ժամանակավոր հավատարմատար Ալեքսեյ Սինեգուբովը։Հայաստանում Ռուսաստանի գործերի ժամանակավոր հավատարմատար Ալեքսեյ Սինեգուբով 1826-1828 թվականների ռուս–պարսկական պատերազմի առանցքային իրադարձությունը, ըստ նրա, հերթական անգամ ցույց տվեց արտաքին սպառնալիքին դիմակայելու երկու ժողովուրդների կարողությունը, նրանց բնորոշ տոկունությամբ և ընդհանուր շահերի համար սեձական անձը զոհաբերելու հերոսությամբ։Ինչպես նշեց Սինեգուբովը` Հայրենական մեծ պատերազմի տարիներին մեր ընդհանուր նախնիների գործած սխրանքների նման, Օշականի ճակատամարտի հերոսների օրինակով կարելի է համարձակորեն երիտասարդներին հայրենասիրության դասեր տալ, սովորեցնել պահպանել ազգային և մարդկային արժեքները։ Նա ընդգծեց, որ Էջմիածնի պաշտպանները ցույց տվեցին, թե ինչ է կատարյալ եղբայրությունն ու միասնականությունը թշնամու դեմ։ՀՀ ԶՈւ ԳՇ պետի տեղակալ Անդրանիկ Մակարյանն իր հերթին հիշեցրեց գրող Խաչատուր Աբովյանի խոսքերը. «Օրհնվի էն սհաթը, երբ ռսի օրհնած ոտը Հայոց լիս աշխարհը մտավ…»։«Այդ օրվանից շատ ժամանակ է անցել։ Ռուսական Կովկասյան բանակը Կովկասի տարածքում պարտություններ չի ունեցել շնորհիվ հայ բնակչության աջակցության և բոլոր պատերազմներին ու հակամարտություններին նրա մասնակցության», – ասաց Մակարյանը։ՀՀ ԶՈւ ԳՇ պետի տեղակալ Անդրանիկ Մակարյան Ռուսական բանակի շարքերում հայկական ծագում ունեցող գեներալների պակաս չի եղել։ Հազարավոր հայեր պատերազմում էին Առաջին համաշխարհային պատերազմի տարիներին, Հայրենական մեծ պատերազմի ժամանակ 6 ազգային դիվիզիա էր ձևավորվել։Նրա խոսքով` այսօր 102-րդ բազայի ռուս զինվորականները, ինչպես նաև սահմանապահներն ու խաղաղապահները անում են ամեն բան Հայաստանի պաշտպանության համար։Արմավիրի փոխմարզպետ Արգիշտի Մեխակյանը Օշակյանի ճակատամարտն անվանեց հայ–ռուսական ռազմական համագործակցության պատմության փառապանծ էջերից մեկը։Արմավիրի փոխմարզպետ Արգիշտի Մեխակյան «Մենք հպարտությամբ ենք նշում, որ Օշականի ճակատամարտն ավարտվել է հայ–ռուսական զորքի հաղթանակով։ Արդյունքում հնարավոր եղավ փրկել ավերումից Էջմիածինը», – ասաց Մեխակյանը։Այդ ճակատամարտը վճռորոշ նշանակություն ունեցավ պարսից լծից Արևելյան Հայաստանն ազատագրելու և այն Ռուսաստանի կազմի մեջ ներառելու համար։ Ինչպես նշեց փոխմարզպետը` գրեթե 2 դար անց Հայաստանը հիշում է հայկական հողի վրա ցուցաբերած ռուս զինվորների հերոսությունը և հարգում նրանց հիշատակը։ՀՀ կրթության, գիտության, մշակույթի և սպորտի փոխնախարար Արթուր Մարտիրոսյանն իր հերթին նշեց, որ երկու ժողովուրդների բարեկամությունը շարունակվում է մինչ օրս։Նա վստահություն հայտնեց, որ հայ–ռուսական միությունը մշտական է լինելու։Միջոցառման ընթացքում հանդես եկավ նաև Էջմիածնի քաղաքապետ Դիանա Գասպարյանը` հույս հայտնելով, որ Հայաստանի և Ռուսաստանի ռազմավարական համագործակցությունը հետագա զարգացում կունենա։Էջմիածնի քաղաքապետ Դիանա Գասպարյան Վերջում Հայ Առաքելական և Ռուս Ուղղափառ եկեղեցիների ներկայացուցիչները հոգեհանգստյան պատարագ մատուցեցին։Նշենք, որ միջոցառմանը մասնակցեցին ՀՀ ԶՈւ պատվո պահակախմբի վաշտն ու Հայաստանում ՌԴ ԱԴԾ սահմանապահ վարչության աշխատակիցները։Օշականի ճակատամարտը տեղի է ունեցել հայ-ռուսական և պարսկական զորքերի միջև 1827 թվականի օգոստոսի 17-ին, 1826-1828 թվականների ռուս-պարսկական պատերազմի ընթացքում, Պարսկաստանի գահի ժառանգորդ Աբբաս-Միրզայի բանակի և ռուս գեներալ-լեյտենանտ Աֆանասի Կրասովսկու ջոկատի միջև։ Ճակատամարտն ավարտվեց հայ-ռուսական զորքերի հաղթանակով։Պարսիկների կորուստներն այդ ճակատամարտում կազմեցին 3 հազար սպանված և վիրավոր, ռուսական զորքինը` 1150։1834 թվականին Էջմիածնի մոտ Օշականի ճակատամարտում ընկած ռուս զինվորների հիշատակին հուշարձան կանգնեցվեց։ Ինժեներ Կոմպանևսկու նախագծով, Եփրեմ Զորագեղցու և արքեպիսկոպոս Ներսես Աշտարակեցու նախաձեռնությամբ կանգնեցված հուշարձանը պատրաստված է հայկական տուֆից։

2021

Լուրեր

am_HY

հայաստան, հասարակություն , օշականի ճակատամարտ