https://arm.sputniknews.ru/20210817/baqvi-ishxanutyunner-patasxanatvutyun-en-krum-2-hay-zincarayoxi-spanelu-hamar-mip-28694436.html

Բաքվի իշխանությունները պատասխանատվություն են կրում 2 հայ զինծառայողի սպանելու համար. ՄԻՊ

Բաքվի իշխանությունները պատասխանատվություն են կրում 2 հայ զինծառայողի սպանելու համար. ՄԻՊ

Sputnik Արմենիա

Ադրբեջանցիները հրահրում են հրաձգություններ, որոնք դադարում են միայն ՀՀ զինված ուժերի կանխարգելիչ միջոցների արդյունքում: 17.08.2021, Sputnik Արմենիա

2021-08-17T12:45+0400

2021-08-17T12:45+0400

2021-08-17T12:49+0400

հայաստան

քաղաքականություն

ադրբեջան

արման թաթոյան

սահմանային խախտումներ. իրադրությունը սյունիքում և գեղարքունիքում

https://cdn.am.sputniknews.ru/img/07e5/06/0c/27905431_0:84:1601:984_1920x0_80_0_0_859e9f0ddcd576617a851f6666a05ff1.jpg

ԵՐԵՎԱՆ, 17 օգոստոսի - Sputnik. Ադրբեջանական իշխանություններն ի սկզբանե գործում են միջազգային կանոնների բացահայտ խախտումներով և պատասխանատվություն են կրում օգոստոսի 16-ին Երասխում և Գեղարքունիքում ՀՀ 2 զինծառայողի սպանելու, նրանց կյանքի իրավունքը խախտելու համար: Այս մասին հայտարարել է ՀՀ մարդու իրավունքների պաշտպան Արման Թաթոյանը։ՀՀ ՄԻՊ-ը շեշտում է, որ ադրբեջանական զինված ուժերը՝1. ներխուժել են և անօրինական տեղակայվել ՀՀ ինքնիշխան տարածքում՝ Գեղարքունիքում և Սյունիքում.2. 2020թ. նոյեմբերի 9-ից հետո ֆիզիկապես ներկա են այն տարածքներում, որոնք օրինական փաստաթղթերով սեփականության իրավունքով պատկանում են ՀՀ բնակիչների կամ համայնքային սեփականություն են (տներ, խոտհարքեր, վարելահողեր արոտավայրեր).3. պարբերաբար կրակում են գյուղերի ուղղությամբ և իրական վտանգ ստեղծում քաղաքացիական բնակիչների կյանքին և առողջությանը, վնաս են պատճառում մարդկանց գույքին և կենդանիներին.4. զբաղված են քաղաքացիական բնակիչների նկատմամբ հանցավոր արարքներով՝ կենդանիների գողություններ, մարդկանց անօրինական ազատությունից զրկելու փորձեր, հրազենով սպառնալիքներ քաղաքացիական բնակիչներին, խոչընդոտներ գյուղատնտեսական աշխատանքներին և այլն.Ադրբեջանական զինված ուժերը կրակոցներ են արձակել Արավուս գյուղի ուղղությամբ. ՄԻՊ5. գյուղերի անմիջական հարևանությամբ և համայնքների միջև ճանապարհների նրանց ներկայության պատճառով սահմանափակվել է մարդկանց ազատ տեղաշարժը.6 հրահրում են հրաձգություններ, որոնք դադարում են միայն ՀՀ զինված ուժերի կանխարգելիչ միջոցների արդյունքում: Այսինքն՝ ՀՀ զինված ուժերը պաշտպանում են մեր բնակիչների իրավունքները, կյանքն ու խաղաղությունը:«Այս ամենին գումարվում է այն, որ, ինչպես պաշտոնապես հայտարարում են ադրբեջանական իշխանությունները, նրանց զինված հարձակումները, պատերազմի սպառնալիքներն ուղղված են սահմանների դելիեմիտացիայի և դեմարկացիայի գործընթացների վրա միջազգային իրավունքով արգելված ազդեցություն գործադրելուն: Այս փաստերն ու հիմնավորումները կուղարկվեն միջազգային կառույցներին»,-նշված է Արման Թաթոյանի գրառման մեջ:Հիշեցնենք` ՀՀ պաշտպանության նախարարությունը երեկ հայտարարեց, որ ժամը 18:10-ի սահմանում ադրբեջանական ԶՈւ ստորաբաժանումները հերթական անգամ դիմել են սադրանքի հայ-ադրբեջանական սահմանի Գեղարքունիքի հատվածում։ Հակառակորդի կրակոցից մահացու հրազենային վիրավորում է ստացել ՀՀ ԶՈւ N զորամասի զինծառայող, 2002թ. ծնված, շարքային Արման Հովհաննեսի Հակոբյանը:Նույն օրը` ժամը 09:50-ի սահմանում, հակառակորդի դիպուկահարի արձակած կրակոցից Երասխի հատվածում մահացու հրազենային վիրավորում էր ստացել նաև ՀՀ ԶՈւ N զորամասի զինծառյող, 1975թ. ծնված, ավագ ենթասպա Վահան Դիմիկի Թաթոսյանը։ Ինչպես արդեն հայտնել էինք, օգոստոսի 16-ի գիշերն ադրբեջանական ԶՈւ ստորաբաժանումները սադրանքի են դիմել հայ-ադրբեջանական սահմանի Սյունիքի մարզի, մասնավորապես` Սև լճի հատվածում` փորձելով դիրքային առաջխաղացում ապահովել։

https://arm.sputniknews.ru/20210816/adrbeajanakan-zinvats-ujern-ays-pahin-krakum-en-kut-ev-norabak-gyuxeri-vra-28690670.html

https://arm.sputniknews.ru/20210810/adrbejanakan-henaketery-petq-e-heracven-bnakavayreri-motic-arcaxi-mip-y-sparnaliqi-masin-28620747.html

ադրբեջան

2021

Լուրեր

am_HY

հայաստան, քաղաքականություն, ադրբեջան, արման թաթոյան, սահմանային խախտումներ. իրադրությունը սյունիքում և գեղարքունիքում