ԱՄՆ-ն պետք է օգտագործի բոլոր միջոցներն Ալիևի ագրեսիան կանխելու համար. Ֆրանկ Փալոնե
10:44 16.08.2021 (Թարմացված է: 15:35 16.08.2021)
Բաժանորդագրվել
ԱՄՆ կոնգրեսականը նշել է, որ անհրաժեշտ է հասցեկան հայտարարություններ անել, այլ ոչ թե երկու կողմերին մեղադրել։
ԵՐԵՎԱՆ, 16 օգոստոսի – Sputnik. ԱՄՆ կոնգրեսական Ֆրանկ Փալոնեն կարծում է, որ ԱՄՆ պետքարտուղարությունը պետք է օգտագործի բոլոր հասանելի գործիքները՝ Ադրբեջանի ագրեսիան կանխելու համար: Փալոնը Twitter-ի իր միկրոբլոգում նման գրառում է արել։
Blaming Armenia is a clear sign of Aliyev's bad faith arguments during & after the war in Artsakh last year. The U.S. shouldn't blame both sides when casting guilt for the bloodshed & instability in the region. @StateDept must use every tool available to stop Aliyev's aggression. https://t.co/YLZ0viupOw
— Rep. Frank Pallone (@FrankPallone) August 16, 2021
«Արցախում պատերազմի ընթացքում և դրանից հետո Հայաստանի հասցեին մեղադրանքներ հնչեցնելն Ալիևի՝ հավատ չներշնչող փաստարկների վառ օրինակն է: ԱՄՆ–ն, երբ դատապարտում է արյունահեղությունն ու տարածաշրջանում անկայունությունը, չպետք է մեղադրի երկու կողմերին»,–գրել է Փալոնենը` ակնարկելով հասցեական մեղադրանքներ հնչեցնելու մասին։
Նա շեշտել է` պետքարտուղարությունը պետք է օգտագործի բոլոր հասանելի գործիքներն Ալիևի ագրեսիան դադարեցնելու համար:
Փալոնեն գրառմանը զուգահեռ մի լուր է տարածել, որտեղ Ադրբեջանի նախագահ Իլհամ Ալիևը հերթական սուտն է հայտարարում` ասելով, որ Ադրբեջանը պատերազմը սկսել է իր պատմական հողերը վերադարձնելու համար։
