https://arm.sputniknews.ru/20210813/adrbejann-ir-sadranqnerov-harvacum-e-naev-rd-xaxaxapah-araqelutyan-davit-babayan-28665948.html

Ադրբեջանն իր սադրանքներով հարվածում է նաև ՌԴ խաղաղապահ առաքելությանը. Դավիթ Բաբայան

Ադրբեջանն իր սադրանքներով հարվածում է նաև ՌԴ խաղաղապահ առաքելությանը. Դավիթ Բաբայան

Sputnik Արմենիա

Արցախի Հանրապետության արտգործնախարար Դավիթ Բաբայանը Sputnik Արմենիայի եթերում անդրադարձել է վերջին օրերին արցախյան շփման գծում ադրբեջանցիների կողմից... 13.08.2021, Sputnik Արմենիա

2021-08-13T20:47+0400

2021-08-13T20:47+0400

2021-08-13T20:41+0400

ռադիո

ադրբեջան

դավիթ բաբայան

խաղաղապահ

https://cdn.am.sputniknews.ru/img/07e5/05/09/27478866_0:0:1600:901_1920x0_80_0_0_20e4e8f8202ab200eef8366f2a2a4f93.jpg

Ադրբեջանցիների սադրանքներն ունեն քաղաքական և հոգեբանական ենթատեքստ, այսինքն` ռազմավարական գերնպատակն աշխարհաքաղաքական է, իսկ դրան հասնելու մեխանիզմն այս պահին հիմնականում հոգեբանական բնույթ է կրում։ Բաքվում շատ լավ հասկանում են, որ քանի դեռ Արցախում տեղակայված է ռուսական խաղաղապահ առաքելությունը, ուժի միջոցով հակամարտության կարգավորումը պարզապես անհնար է, հետևաբար անցել են հոգեբանական ճնշումների, Sputnik Արմենիայի հետ զրույցում նման կարծիք հայտնեց Դավիթ Բաբայանը։«Նույնիսկ եթե օգտագործում են մեծ տրամաչափի զինտեխնիկա և անօդաչու թռչող սարքեր, դրանից խնդրի էությունը չի փոխվում, առավել ևս, որ շփման գծում որևէ փոփոխություն չկա։ Բայց և այնպես ադրբեջանցիները ձգտում են ամեն կերպ հոգեբանորեն ճնշել Արցախի բնակիչներին, որպեսզի նրանց մոտ առաջանա վհատություն, վաղվա օրվա հանդեպ հավատը խարխլվի, և մարդիկ սկսեն դուրս գալ Արցախից, իսկ նրանք, ովքեր ցանկանում են վերադառնալ, մտափոխվեն»,– նշեց Արցախի արտգործնախարարը։Բաբայանի դիտարկմամբ` Ադրբեջանը ցանկանում է, որ Արցախում խաթարվեն տնտեսական կապերը, ներդրումներ չլինեն, և այս ամենի հետ մեկտեղ ադրբեջանական կողմի քայլերն ուղղված են նաև ռուս խաղաղապահների դեմ, որովհետև ցանկանում են ցույց տալ, թե իբր խաղաղապահներն ի զորու չեն իրավիճակը կայուն պահել։ Ըստ նրա` Ադրբեջանի գերնպատակը մնում է Արցախի հայաթափումը։«Ուշագրավ է, որ ադրբեջանցիները սկսեցին Արցախում խախտել հրադադարը, երբ ՀԱՊԿ–ի գլխավոր քարտուղարը ժամանեց Երևան, իսկ Մոսկվայում կայացավ ՀՀ և ՌԴ պաշտպանության նախարարների հանդիպումը, ուստի ադրբեջանական կողմի վարքագիծն ուղղակի մարտահրավեր է ու անհարգալից վերաբերմունք Ռուսաստանի նկատմամբ, ինչն արտացոլվեց համապատասխան հայտարարությունների մեջ»,– ասաց Արցախի արտգործնախարարը։Ադրբեջանական սադրանքների թիվն Արցախում կարող է աճել, կարծում է ռազմական փորձագետըԲաբայանի խոսքով` պետք է պահպանել սառնասրտությունը, վարել ճիշտ քաղաքականություն`չտրվելով զգացմունքներին։ Ըստ նրա` արցախցիների մոտ ընկճվածություն չկա, նրանք ապրում են հանապազօրյա հոգսերով, արցախցիները համառ են, 12 հազար տարի ապրում են իրենց հողում, տեսել են շատ նվաճողների, որոնցից շատերն արդեն չկան, հետևաբար կանգնելու են մինչև վերջ։Հիշեցնենք, որ օգոստոսի 11-ին՝ ժամը 08:29-ի և 08:58-ի սահմաններում հակառակորդը հարվածային անօդաչու թռչող սարքեր էր կիրառել Պաշտպանության բանակի մարտական դիրքերի ուղղությամբ: Այդ փաստն արձանագրել են նաև ՌԴ խաղաղապահները։Իսկ օգոստոսի 12-ի գիշերը Ադրբեջանի ԶՈւ ստորաբաժանումները Արցախի Հանրապետության արևմտյան հատվածում փորձել են հատել արցախա-ադրբեջանական հակամարտ զորքերի շփման գիծը։ Հակառակորդը ետ է շպրտվել ելման դիրքեր։

https://arm.sputniknews.ru/20210813/arcaxi-pb-zincarayoxner-krak-chen-bacel-adrbejanakan-dirqeri-uxxutyamb-pbn-herqum-e-28658431.html

ադրբեջան

2021

Լուրեր

am_HY

ադրբեջան, դավիթ բաբայան, խաղաղապահ