https://arm.sputniknews.ru/20210810/haykakan-armatnerov-fransiacin-jorkayf-28628949.html
Հայկական արմատներով ֆրանսիացին. Ջորկաեֆը՝ Հայաստանի հավաքականի դարպասը գրավելու մասին
Հայկական արմատներով ֆրանսիացին. Ջորկաեֆը՝ Հայաստանի հավաքականի դարպասը գրավելու մասին
Sputnik Արմենիա
Ֆուտբոլիստը պատմել է, թե ինչպես է ձեռքբերել «Օձ» մականունն ու հիշել իր հայաստանյան առաջին այցը։ 10.08.2021, Sputnik Արմենիա
2021-08-10T22:20+0400
2021-08-10T22:20+0400
2021-08-10T22:25+0400
սպորտ
հայաստան
աշխարհ
ֆրանսիա
ֆրանսիացի
հայ
յուրի ջորկաեֆ
ֆուտբոլ
ֆուտբոլիստ
գոլ
https://cdn.am.sputniknews.ru/img/2067/63/20676340_0:0:1600:901_1920x0_80_0_0_3cccd89cf85552984f5efb52130805be.jpg
ԵՐԵՎԱՆ, 10 օգոստոսի – Sputnik. Աշխարհահռչակ ֆրանսահայ ֆուտբոլիստ Յուրի Ջորկաեֆը խոստովանում է, որ իր հայկական արմատներն ավելի խորը բացահայտեց այն ժամանակ, երբ իրենց ընտանիքը Լիոն տեղափոխվեց, որտեղ բնակվում էին մորական տատիկն ու պապիկը, երկուսն էլ՝ հայ։ Իր հայկական արմատների, անցած ճանապարհի մասին Ջորկաեֆը պատմել է Հայաստանի ֆուտբոլի ֆեդերացիայի մամուլի ծառայությանը։«Մայրական տատիկս ու պապիկս հայ են, իսկ հայրական պապիկս կալմիկ է, տատիկս՝ լեհ, չնայած ես և ծնողներս ծնվել ենք Ֆրանսիայում, բայց մորական տատիկիս ու պապիկիս հետ ապրելը փոխանցում էր հայկականը»,- նշում է Ջորկաեֆը։Հարցազրույցում լեգենդար ֆուտոբլիստը բացահայտել է, թե ինչու էին իրեն «Օձ» մականունով կնքել։ Ասում է՝ պատմությունը սկսվեց «Մոնակո» թիմում։ Ամեն մարզումից հետո մնում էր դաշտում ու շարունակում անհատական մարզումները, նպատակ էր դնում հարվածել դարպասի աջ կամ ձախ անկյունին։ Պահեստային դարպասապահը, որն իր հետ դաշտում էր, գնդակի հետագիծը նմանեցնում էր օձի շարժման հետագծին։ Այդպես էլ ֆուտբոլիստին սկսեցին օձ անվանել։Ջորկաեֆը խոստովանում է՝ իր համար մեծ իրադարձություն էր «Եվրո 2000»-ին ընդառաջ Հայաստան գալը, քանի որ դա իր առաջին այցն էր Հայաստան։«Հայաստանը գոլ էր խփել, դա հրաշալի էր, մարզադաշտը լեցուն էր, բոլորը կանչում էին՝ Յուրի, Յուրի, վերցրի գլխարկն ու այլևս չմտածեցի անցյալի մասին՝ ծնողներիս, տատիկիս, պապիկիս, Հայաստանի, մտածում էի՝ ես ինչ պետք է անեմ, իսկ ես պետք է գոլ խփեի, որովհետև ամբողջ մարզադաշտը դա էր ուզում, ամբողջ Հայաստանը կամենում էր, որ ես գոլ խփեմ»,- պատմում է Ջորկաեֆը։Ասում է, որ Ֆրանսիայի ամբողջ հավաքականը տպավորված էր Հայաստանով, հայերի ընդունելությամբ ու ջերմությամբ։ Իսկ իր համար այդ այցը շատ հուզական էր։«Տատս ու պապս մեկնել էին այստեղից՝ ոչինչ չունենալով, իսկ ես եկել էի Հայաստան՝ աշխարհի գավաթ հաղթած Ֆրանսիայի հավաքականի հետ։ Դա հպարտություն էր ինձ համար և մեծ ուղերձ ուներ»,- ասում է Ջորկաեֆը։ Ավելացնում է՝ դա չի նշանակում, թե բոլորը կարող են աշխարհի չեմպիոն լինել, բայց դա նշանակում է երբեք չհանձնվել։«Ես չեմ ծնվել Հայաստանում, սակայն ես ունեմ ամուր հայկական արմատներ և կուզեի ասել, որ մենք կարող ենք հաջողության հասնել, դա դժվար է, բայց հնարավոր է։ Այսօր շատ հպարտ եմ լինել հայկական արմատներով ֆրանսիացի՝ աշխարհի գավաթը ձեռքիս»։Փաշինյանն ընդունել է Ջորկաեֆներին. եղբայրներն ասել են` ինչու են եկել ՀայաստանՀիշեցնենք, որ Յուրի Ջորկաեֆն ու եղբայրը՝ Դենին, Արցախյան 44-օրյա պատերազմից հետո միացել են Ֆրանսիայից Հայաստան մարդասիրական օգնության հավաքագրմանը։ Ջորկաեֆ եղբայրները նաև անձամբ Հայաստան եկան՝ օգնության հերթական խմբաքանակը բերելով։
https://arm.sputniknews.ru/20201201/yuri-jorkaefy-hayastani-azgain-havaqakani-marzashapik-e-nver-stacel-25574566.html
ֆրանսիա
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սպորտ , հայաստան, աշխարհ, ֆրանսիա, ֆրանսիացի, հայ, յուրի ջորկաեֆ, ֆուտբոլ, ֆուտբոլիստ, գոլ
սպորտ , հայաստան, աշխարհ, ֆրանսիա, ֆրանսիացի, հայ, յուրի ջորկաեֆ, ֆուտբոլ, ֆուտբոլիստ, գոլ
Հայկական արմատներով ֆրանսիացին. Ջորկաեֆը՝ Հայաստանի հավաքականի դարպասը գրավելու մասին
22:20 10.08.2021 (Թարմացված է: 22:25 10.08.2021) Ֆուտբոլիստը պատմել է, թե ինչպես է ձեռքբերել «Օձ» մականունն ու հիշել իր հայաստանյան առաջին այցը։
ԵՐԵՎԱՆ, 10 օգոստոսի – Sputnik. Աշխարհահռչակ ֆրանսահայ ֆուտբոլիստ Յուրի Ջորկաեֆը խոստովանում է, որ իր հայկական արմատներն ավելի խորը բացահայտեց այն ժամանակ, երբ իրենց ընտանիքը Լիոն տեղափոխվեց, որտեղ բնակվում էին մորական տատիկն ու պապիկը, երկուսն էլ՝ հայ։ Իր հայկական արմատների, անցած ճանապարհի մասին Ջորկաեֆը պատմել է
Հայաստանի ֆուտբոլի ֆեդերացիայի
մամուլի ծառայությանը։
«Մայրական տատիկս ու պապիկս հայ են, իսկ հայրական պապիկս կալմիկ է, տատիկս՝ լեհ, չնայած ես և ծնողներս ծնվել ենք Ֆրանսիայում, բայց մորական տատիկիս ու պապիկիս հետ ապրելը փոխանցում էր հայկականը»,- նշում է Ջորկաեֆը։
Հարցազրույցում լեգենդար ֆուտոբլիստը բացահայտել է, թե ինչու էին իրեն «Օձ» մականունով կնքել։ Ասում է՝ պատմությունը սկսվեց «Մոնակո» թիմում։ Ամեն մարզումից հետո մնում էր դաշտում ու շարունակում անհատական մարզումները, նպատակ էր դնում հարվածել դարպասի աջ կամ ձախ անկյունին։ Պահեստային դարպասապահը, որն իր հետ դաշտում էր, գնդակի հետագիծը նմանեցնում էր օձի շարժման հետագծին։ Այդպես էլ ֆուտբոլիստին սկսեցին օձ անվանել։
Ջորկաեֆը խոստովանում է՝ իր համար մեծ իրադարձություն էր «Եվրո 2000»-ին ընդառաջ Հայաստան գալը, քանի որ դա իր առաջին այցն էր Հայաստան։
«Հայաստանը գոլ էր խփել, դա հրաշալի էր, մարզադաշտը լեցուն էր, բոլորը կանչում էին՝ Յուրի, Յուրի, վերցրի գլխարկն ու այլևս չմտածեցի անցյալի մասին՝ ծնողներիս, տատիկիս, պապիկիս, Հայաստանի, մտածում էի՝ ես ինչ պետք է անեմ, իսկ ես պետք է գոլ խփեի, որովհետև ամբողջ մարզադաշտը դա էր ուզում, ամբողջ Հայաստանը կամենում էր, որ ես գոլ խփեմ»,- պատմում է Ջորկաեֆը։
Ասում է, որ Ֆրանսիայի ամբողջ հավաքականը տպավորված էր Հայաստանով, հայերի ընդունելությամբ ու ջերմությամբ։ Իսկ իր համար այդ այցը շատ հուզական էր։
«Տատս ու պապս մեկնել էին այստեղից՝ ոչինչ չունենալով, իսկ ես եկել էի Հայաստան՝ աշխարհի գավաթ հաղթած Ֆրանսիայի հավաքականի հետ։ Դա հպարտություն էր ինձ համար և մեծ ուղերձ ուներ»,- ասում է Ջորկաեֆը։ Ավելացնում է՝ դա չի նշանակում, թե բոլորը կարող են աշխարհի չեմպիոն լինել, բայց դա նշանակում է երբեք չհանձնվել։
«Ես չեմ ծնվել Հայաստանում, սակայն ես ունեմ ամուր հայկական արմատներ և կուզեի ասել, որ մենք կարող ենք հաջողության հասնել, դա դժվար է, բայց հնարավոր է։ Այսօր շատ հպարտ եմ լինել հայկական արմատներով ֆրանսիացի՝ աշխարհի գավաթը ձեռքիս»։
Հիշեցնենք, որ Յուրի Ջորկաեֆն ու եղբայրը՝ Դենին, Արցախյան 44-օրյա պատերազմից հետո միացել են Ֆրանսիայից Հայաստան մարդասիրական օգնության հավաքագրմանը։ Ջորկաեֆ եղբայրները նաև անձամբ Հայաստան եկան՝ օգնության հերթական խմբաքանակը բերելով։
