https://arm.sputniknews.ru/20210810/es-tesnumem-vor-aysor-sahman-chka-zasy-pashinyani-het-xosele-stexcvac-iravijaki-masin-28628800.html

Ես տեսնում եմ, որ այսօր սահման չկա. Զասը Փաշինյանի հետ խոսել է ստեղծված իրավիճակի մասին

Ես տեսնում եմ, որ այսօր սահման չկա. Զասը Փաշինյանի հետ խոսել է ստեղծված իրավիճակի մասին

Sputnik Արմենիա

Վարչապետն ընդգծել է, որ ՀԱՊԿ-ը Հայաստանի անվտանգության համակարգի առանցքային տարրերից մեկն է, հիշեցրել է, որ ՀԱՊԿ-ում կոնկրետ իրավիճակներում նախատեսված են նաև... 10.08.2021, Sputnik Արմենիա

2021-08-10T21:43+0400

2021-08-10T21:43+0400

2021-08-10T21:51+0400

հայաստան

ստանիսլավ զաս

սահման

դեմարկացիա

սահմանապահ

դելիմիտացիա

նիկոլ փաշինյան

ադրբեջան

հայաստան և հապկ

հավաքական անվտանգության պայմանագիր կազմակերպություն (հապկ)

https://cdn.am.sputniknews.ru/img/07e5/08/0a/28628437_0:0:1601:901_1920x0_80_0_0_7c3e030d6e05dc9a4453c30a01e96783.jpg

ԵՐԵՎԱՆ, 10 օգոստոսի - Sputnik. ՀՀ վարչապետ Նիկոլ Փաշինյանն այսօր ընդունել է Հավաքական անվտանգության պայմանագրի կազմակերպության գլխավոր քարտուղար Ստանսիլավ Զասին: Տեղեկությունը հայտնում է վարչապետի մամուլի ծառայությունը։Փաշինյանը նշել է, որ մեր երկիրը բարձր է գնահատում անդամությունը ՀԱՊԿ-ում:  Ընդգծել է՝ ՀԱՊԿ-ը Հայաստանի անվտանգության համակարգի առանցքային տարրերից մեկն է, որը պատասխանատվության լայն գոտի ունի:Փաշինյանի խոսքով՝ շատ վայրերում լարվածությունը մեծանում է, ուստի Հայաստանը շատ լրջորեն պատրաստվում է կազմակերպությունում նախագահության ստանձնմանը։ Հստակեցրել է՝ խոսքը ոչ միայն այն մարտահրավերների մասին է, որոնք ի հայտ են եկել վերջին ժամանակներում ՀՀ անվտանգության իմաստով, այլև ավելի լայն իմաստով:Ըստ նրա՝ ՀԱՊԿ պատասխանատվության գոտում հայտնված մարտահրավերները պետք է պատվով հաղթահարենք և լուծենք խնդիրները:Փաշինյանն ուշադրություն է հրավիրել այն հանգամանքին, որ թեպետ ՀԱՊԿ-ը ռազմաքաղաքական կառույց է, բայց անհրաժեշտ է առավելագույն ջանքեր ներդնել, որպեսզի տարաձայնությունները և մարտահրավերները լուծվեն քաղաքական մեթոդներով:  Նա վստահ է, որ կազմակերպությունը դրա համար մեծ հնարավորություններ ունի: Հիշեցրել է նաև, որ «կոնկրետ իրավիճակներում նախատեսված են նաև գործողության շատ կոնկրետ մեխանիզմներ»:«Դուք գիտեք, որ արդեն 2-3 ամիս է Հայաստանի սահմաններում ճգնաժամային իրավիճակ է, որը կոնկրետ սպառնալիք է պարունակում Հայաստանի Հանրապետության անվտանգության համար: Ցավոք, Ադրբեջանի զինված ուժերն արդեն մի քանի ամիս անօրինականորեն գտնվում են մեր տարածքում: Իհարկե, այդ իրավիճակին ՀԱՊԿ-ի արձագանքի վերաբերյալ շատ քննարկումներ կան: Պետք է ասեմ, որ փաստացիորեն առաջին անգամ ՀԱՊԿ-ում մենք բախվում ենք կոնկրետ նման իրավիճակի հետ և պետք է շատ ուշադիր ուսումնասիրենք իրավիճակը, որպեսզի հետագայում բարձրացնենք ՀԱՊԿ մեխանիզմների արդյունավետությունը»,- շեշտել է Փաշինյանը։Ըստ նրա՝ անհրաժեշտ է՝ ինչպես հարկն է կիրառել այն մեխանիզմները, որոնք գոյություն ունեն ՀԱՊԿ-ում, միաժամանակ Հայաստանի դիրքորոշումը տարածաշրջանային օրակարգի վերաբերյալ կառուցողական է: Մեր երկիրը հավատարիմ է նոյեմբերի 9-ի և հունվարի 11-ի հայտարարություններին:«Մեզ համար շատ կարևոր է ստեղծել անհրաժեշտ պայմաններ և գալ կոնկրետ լուծումների՝ տարածաշրջանային կոմունիկացիաների բացման հարցում: Մեզ համար շատ կարևոր է, որպեսզի իսկապես սկսենք Ադրբեջանի հետ սահմանի դեմարկացիայի և դելիմիտացիայի գործընթացը: Իհարկե, դրա համար պետք է կոնկրետ պայմաններ ստեղծել»,- հավելել է Փաշինյանը։ՀԱՊԿ գլխավոր քարտուղար Ստանիսլավ Զասը համաձայնել է՝ խնդիրներ կան ու ոչ միայն Հայաստանում։Ինչ վերաբերում է հայ-ադրբեջանական սահմանային իրավիճակին, Զասը նշել է, որ, ըստ էության, հիմա սահման չկա։«Եթե անկեղծ, ես տեսնում եմ, որ այժմ սահման չկա, դա փաստացի զինված բախումների շփման գիծ է, դիմակայության գիծ և պարբերաբար այնտեղ բռնկվում են բախումներ, փոխհրաձգություններ: Իհարկե, այդպես չպետք է լինի: Պետք է ամեն ինչ անել`յուրաքանչյուրն իր առաջնագծով այդ իրավիճակը, ճգնաժամը հաղթահարելու համար»,- ընդգծել է Զասը։ՀԱՊԿ գլխավոր քարտուղարն ընդգծել է, որ կառավարության մշակվող գործունեության ծրագրում դա պետք է լինի կառավարության առաջնային, գլոբալ խնդիրներից մեկը՝ հաղթահարելու այդ ճգնաժամը՝ սահմանին անվտանգության ապահովման համար։Սահմանին տեղի ունեցող միջադեպերը սպառնալիք են ՀԱՊԿ անդամ Հայաստանի անվտանգությանը. ԶասՀիշեցնենք` Ստանիսլավ Զասը Հայաստան է ժամանել երեկ` օգոստոսի 9-ին։ Նա այսօր նաև այցելել էհանրապետության հարավ-արևմտյան սահմանագոտի։Նշենք, որ Հայաստանը ՀԱՊԿ նախագահությունը ստանձնում է այս տարվա սեպտեմբերի 16-ին։ 

https://arm.sputniknews.ru/20210810/stanislav-zasn-aycelel-e-erablur-tesanyut-28624219.html

https://arm.sputniknews.ru/20210809/zasn-u-hh-pashtpanutyan-naxarary-qnnarkel-en-hapaki-hamar-nor-zenq-matakarareli-harcy-28612585.html

ադրբեջան

2021

Լուրեր

am_HY

հայաստան, ստանիսլավ զաս, սահման, դեմարկացիա, սահմանապահ, դելիմիտացիա, նիկոլ փաշինյան, ադրբեջան, հայաստան և հապկ, հավաքական անվտանգության պայմանագիր կազմակերպություն (հապկ)