https://arm.sputniknews.ru/20210808/MMA--K1-hayastan-sport-28600851.html

ՀՀ–ում անցկացվեց MMA և K1 մարզաձևերի միջազգային մրցաշար․ հայ մարզիկները փայլուն ներկայացան

ՀՀ–ում անցկացվեց MMA և K1 մարզաձևերի միջազգային մրցաշար․ հայ մարզիկները փայլուն ներկայացան

Sputnik Արմենիա

Sputnik Արմենիայի նկարահանող խումբը եղել է «Դինամո» մարզադահլիճում և նկարահանել MMA և K1 սպորտաձևերի մենամարտերի ամենաթեժ կադրերը, ինչպես նաև զրուցել հայ... 08.08.2021, Sputnik Արմենիա

2021-08-08T16:09+0400

2021-08-08T16:09+0400

2021-08-09T17:47+0400

հայաստան

սպորտ

մրցաշար

մարզիկ

https://cdn.am.sputniknews.ru/img/07e5/08/07/28597007_0:85:1600:985_1920x0_80_0_0_da2ccec5df02ce21eb6ced2fa632b573.jpg

ԵՐԵՎԱՆ, 8 օգոստոսի - Sputnik. Հայաստանի «Դինամո» մարզադահլիճում կայացավ MMA և K1 սպորտաձևերի միջազգային մրցաշար, որին մասնակցում էին մարզիկներ Հայաստանից, Իրանից, Ռուսաստանից և Վրաստանից։Մրցաշարը 2016 թվականից անցկացնում է Հայաստանում K1 ֆեդերացիայի նախագահ, «Ղուլինյան մենեջմենթ» սպորտ կենտրոնի նախագահ, WKU վարկածով աշխարհի չեմպիոն Ռազմիկ Ղուլինյանը:Նշենք, որ նա 16 տարի է, ինչ զբաղվում է սպորտով և տիրապետում է մի շարք մարտարվեստների։2016 թվականից սկսած Հայաստանն աշխարհի տարբեր երկրներից մարզիկներ է հյուրընկալել այս մրցաշարին մասնակցելու համար։Հիմնականում մարզիկներ են գալիս Իրանից, Ռուսաստանից և Վրաստանից, իսկ ավելի մեծ մրցաշարերին հրավերներ են ուղարկում եվրոպական երկրներ, ԱՄՆ։ՀՀ–ում անցկացվեց MMA և K1 մարզաձևերի միջազգային մրցաշար Այս տարիներին մեր մարզիկները միջազգային մրցաշարերի են մասնակցել Իսպանիայում, Պորտուգալիայում, Ռուսաստանում, Վրաստանում, իսկ այժմ պլանավորում են գնալ Իրանի Իսլամական Հանրապետություն, որտեղ նույն մրցաշարն է կազմակերպվելու։ Իրանցիները հայերին խնդրել են մրցաշարի կազմակերպչական հարցերում օգնել իրենց։Հայ տղամարդկանց դիտարժան մարտերից հետո պայքարի մեջ մտան հայ աղջիկները։K1 մարզաձևի 54 կգ քաշային կարգում հանդես եկող Տաթևիկ Խաչատրյանը ջախջախիչ պարտության մատնեց Իրանը ներկայացնող մրցակցին՝ Ֆաթիմ Սագվանդին։Իսկ 60 կգ քաշային կարգում հանդես եկող Հասմիկ Ասատրյանը 2-րդ ռաունդում տեխնիկական նոկաուտի ենթարկեց Իրանը ներկայացնող Սառա Թաջմիրին։Մենամարտից առաջ Հասմիկը բավականին հանգիստ էր, վստահ իր ուժերի վրա։ Sputnik Արմենիայի հետ զրույցում 19-ամյա մարզիկը նշեց, որ MMA և Kichboxing մարզաձևերով զբաղվում է արդեն 7 տարի։Հասմիկ Ասատրյան «Մրցաշարին պատրաստվել եմ շատ լավ։ Հակառակորդս ներկայացնում է Իրանի Իսլամական Հանրապետությունը։ Ուսումնասիրել եմ նրան, բավականին հետաքրքիր հակառակորդ է, բայց չենք ընկճվում ու գնում ենք դեպի հաղթանակ»,- ասել էր նա։Իրանցի մարզիկը Հասմիկի հետ թեժ պայքարում վնասեց ձեռքն ու ավարտեց մրցաշարը պարտությամբ։Հավելենք, որ «Դինամո» մարզադահլիճում օգոստոսի 8-ին և 9-ին կանցկացվեն սիրողական մակարդակի մենամարտեր, որոնց մասնակիցների թիվը մոտ 400 է։ Մարզասերների համար մուտքն ազատ է։Սպորտային մենեջմենթը Հայաստանում նոր ֆորմատ է, որը կազմակերպում է մրցաշարեր MMA և K1-ի կանոններով` համագործակցելով խոշոր կազմակերպությունների հետ, փորձելով հովանավորներ ներգրավել, որպեսզի հայ մարզիկների համար ճանապարհ բացվի դեպի արտերկիր, դեպի ավելի մեծ մենամարտեր, որտեղ նրանք կարող են նաև գումար վաստակել։Բաչկովը վերցրեց օլիմպիական բրոնզը. հայ բռնցքամարտիկի պարգևատրումը` լուսանկարներում

2021

Լուրեր

am_HY

հայաստան, սպորտ , մրցաշար, մարզիկ