ԱԺ խոսնակ Ալեն Սիմոնյանն ու նրա երկու տեղակալները` Ռուբեն Ռուբենյանն ու Հակոբ Արշակյանը, ընտրվեցին միանգամից։
Իսկ ահա ընդդիմության թեկնածուն` Իշխան Սաղաթեկյանը, փոխխոսնակ ընտրվեց միայն երրորդ քվեարկությունից հետո։
Նշենք, որ «Քաղաքացիական պայմանագիր» իշխող խմբակցությունը խորհրդարանում ունի 71 մանդատ, «Հայաստան» ընդդիմադիր դաշինքը ստացել է 29 մանդատ: Երրորդ տեղում «Պատիվ ունեմ» դաշինքն է՝ 7 մանդատով։
Հիշեցնենք` հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են «Քաղաքացիական պայմանագիր» կուսակցությունը (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան անցավ իրավունքի ուժով՝ որպես երրորդ ամենաշատ ձայներ ստացած քաղաքական ուժ։
Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է
