https://arm.sputniknews.ru/20210805/irani-islamakan-hanrapetutyun-pashinyan-rayisy-28560358.html
«Իրանի համար կարևոր է խաղաղության պահպանումը». Փաշինյանը հանդիպել է Ռայիսիի հետ
«Իրանի համար կարևոր է խաղաղության պահպանումը». Փաշինյանը հանդիպել է Ռայիսիի հետ
Sputnik Արմենիա
Հայաստանի և Իրանի ղեկավարները քննարկել են տարբեր ոլորտներում երկու երկրների համագործակցության շրջանակներն ընդլայնելու հարցը։ 05.08.2021, Sputnik Արմենիա
2021-08-05T11:49+0400
2021-08-05T11:49+0400
2021-08-05T13:10+0400
հայաստան
աշխարհ
իրանի իսլամական հանրապետություն
նիկոլ փաշինյան
էբրահիմ ռայիսի
https://cdn.am.sputniknews.ru/img/07e5/08/05/28559975_0:35:1601:939_1920x0_80_0_0_14f22d97502d564ffaa6e20e2dc24cb4.jpg
ԵՐԵՎԱՆ, 5 օգոստոսի – Sputnik. Իրանի համար առանցքային նշանակություն ունի տարածաշրջանում խաղաղության պահպանումը։ ԻԻՀ մայրաքաղաք Թեհրանում վարչապետ Նիկոլ Փաշինյանի հետ հանդիպման ժամանակ այս մասին ասել է է ԻԻՀ նորընտիր նախագահ Էբրահիմ Ռայիսին, տեղեկանում ենք ՀՀ վարչապետի պաշտոնական կայքից։Նշենք, որ Փաշինյանն աշխատանքային այցով Իրանում է։Ռայիսիի խոսքով` իրանական կողմը անհրաժեշտ է համարում սահմանային բոլոր հարցերը երկխոսության միջոցով կարգավորելը։ Բացի այդ, նա նշել է, որ Իրանը կարևորում է բարեկամ Հայաստանի հետ քաղաքական, տնտեսական և հումանիտար ոլորտներում հարաբերությունների շարունակական զարգացումը։Երկու երկրների ղեկավարները քննարկել են նաև առևտրատնտեսական կապերի ամրապնդմանը վերաբերող հարցերի շրջանակ։Մասնավորապես կարևորվել է Մեղրիի ազատ տնտեսական գոտու ակտիվ գործունեության ապահովումն ու ԵԱՏՄ-ի հետ Իրանի ազատ առևտրի ռեժիմի կիրառման հնարավորությունը։ Նրանք առաջնային են համարել տարածաշրջանային կապուղիների զարգացումը, որտեղ առանցքային նշանակություն կունենա Պարսից ծոցից Սև ծով տրանսպորտային և մալուխային կապի զարգացումը։Փաշինյանը ողջունել է իրանական կողմի հետաքրքրվածությունը Հյուսիս-հարավ ավտոմայրուղու կառուցման ծրագրի շուրջ և հավելել, որ ՀՀ կառավարությունը պատրաստ է քննարկել Իրանի շինարարական ընկերությունների մասնակցությունը ծրագրի՝ Սիսիան-Մեղրի հատվածի համար հայտարարվելիք միջազգային տենդերին։Նիկոլ Փաշինյանը և Էբրահիմ Ռայիսին անդրադարձել են նաև էներգետիկայի ոլորտում համագործակցության զարգացման հնարավորություններին։Մասնավորապես, կողմերը քննարկել են Իրան-Հայաստան 400 կՎ էլեկտրահաղորդման գծի շինարարությունը սկսելու ուղղությամբ իրականացվող քայլերի ընթացքը, կարևորել գազ-էլեկտրաէներգիա փոխանակման ծրագրի ժամկետի երկարաձգումը, 3-րդ բարձրավոլտ գծի շահագործումից հետո գազ-էլեկտրաէներգիա փոխանակման ծավալների մեծացումը։Հայ-ադրբեջանական սահմանն ու Իրանը, կամ արտաքին ուժերը խաղում են փխրուն խաղաղության վրաՆիկոլ Փաշինյանը Իրանի նախագահին հրավիրել է Հայաստան, ինչը սիրով ընդունվել է։Հիշեցնենք, որ այսօր երեկոյան Նիկոլ Փաշինյանը կմասնակցի ԻԻՀ նախագահի երդմնակալության պաշտոնական արարողությանը։
https://arm.sputniknews.ru/20210802/iran-azdecutyun-taracashrjan-hayastan-28526157.html
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, աշխարհ, իրանի իսլամական հանրապետություն, նիկոլ փաշինյան, էբրահիմ ռայիսի
հայաստան, աշխարհ, իրանի իսլամական հանրապետություն, նիկոլ փաշինյան, էբրահիմ ռայիսի
«Իրանի համար կարևոր է խաղաղության պահպանումը». Փաշինյանը հանդիպել է Ռայիսիի հետ
11:49 05.08.2021 (Թարմացված է: 13:10 05.08.2021) Հայաստանի և Իրանի ղեկավարները քննարկել են տարբեր ոլորտներում երկու երկրների համագործակցության շրջանակներն ընդլայնելու հարցը։
ԵՐԵՎԱՆ, 5 օգոստոսի – Sputnik. Իրանի համար առանցքային նշանակություն ունի տարածաշրջանում խաղաղության պահպանումը։ ԻԻՀ մայրաքաղաք Թեհրանում վարչապետ Նիկոլ Փաշինյանի հետ հանդիպման ժամանակ այս մասին ասել է է ԻԻՀ նորընտիր նախագահ Էբրահիմ Ռայիսին, տեղեկանում ենք
ՀՀ վարչապետի պաշտոնական կայքից։
Նշենք, որ Փաշինյանն աշխատանքային այցով Իրանում է։
Ռայիսիի խոսքով` իրանական կողմը անհրաժեշտ է համարում սահմանային բոլոր հարցերը երկխոսության միջոցով կարգավորելը։ Բացի այդ, նա նշել է, որ Իրանը կարևորում է բարեկամ Հայաստանի հետ քաղաքական, տնտեսական և հումանիտար ոլորտներում հարաբերությունների շարունակական զարգացումը։
«Մենք պատրաստակամ ենք համատեղ ջանքերով շարունակելու մեր երկխոսությունը և առավել հարստացնելու երկկողմ համագործակցության օրակարգը։ Այն, որ այսօր ես այստեղ եմ, վկայում է Հայաստանի և ԻԻՀ-ի միջև ամենաբարձր մակարդակով հարաբերությունները խորացնելու, համագործակցությունն ամրապնդելու մեր հանձնառությունը»,- իր հերթին նշել է Փաշինյանը։
Երկու երկրների ղեկավարները քննարկել են նաև առևտրատնտեսական կապերի ամրապնդմանը վերաբերող հարցերի շրջանակ։
Մասնավորապես կարևորվել է Մեղրիի ազատ տնտեսական գոտու ակտիվ գործունեության ապահովումն ու ԵԱՏՄ-ի հետ Իրանի ազատ առևտրի ռեժիմի կիրառման հնարավորությունը։ Նրանք առաջնային են համարել տարածաշրջանային կապուղիների զարգացումը, որտեղ առանցքային նշանակություն կունենա Պարսից ծոցից Սև ծով տրանսպորտային և մալուխային կապի զարգացումը։
Փաշինյանը ողջունել է իրանական կողմի հետաքրքրվածությունը Հյուսիս-հարավ ավտոմայրուղու կառուցման ծրագրի շուրջ և հավելել, որ ՀՀ կառավարությունը պատրաստ է քննարկել Իրանի շինարարական ընկերությունների մասնակցությունը ծրագրի՝ Սիսիան-Մեղրի հատվածի համար հայտարարվելիք միջազգային տենդերին։
Նիկոլ Փաշինյանը և Էբրահիմ Ռայիսին անդրադարձել են նաև էներգետիկայի ոլորտում համագործակցության զարգացման հնարավորություններին։
Մասնավորապես, կողմերը քննարկել են Իրան-Հայաստան 400 կՎ էլեկտրահաղորդման գծի շինարարությունը սկսելու ուղղությամբ իրականացվող քայլերի ընթացքը, կարևորել գազ-էլեկտրաէներգիա փոխանակման ծրագրի ժամկետի երկարաձգումը, 3-րդ բարձրավոլտ գծի շահագործումից հետո գազ-էլեկտրաէներգիա փոխանակման ծավալների մեծացումը։
Նիկոլ Փաշինյանը Իրանի նախագահին հրավիրել է
Հայաստան, ինչը սիրով ընդունվել է։
Հիշեցնենք, որ այսօր երեկոյան Նիկոլ Փաշինյանը կմասնակցի ԻԻՀ նախագահի երդմնակալության պաշտոնական արարողությանը։
