https://arm.sputniknews.ru/20210802/ishxanutyuny-daser-chi-qaxel-qaxaqagety-nor-aj-i-u-robert-qocharyani-deri-masin-28525463.html

Իշխանությունը դասեր չի քաղել. քաղաքագետը` նոր ԱԺ–ի ու Ռոբերտ Քոչարյանի դերի մասին

Իշխանությունը դասեր չի քաղել. քաղաքագետը` նոր ԱԺ–ի ու Ռոբերտ Քոչարյանի դերի մասին

Sputnik Արմենիա

Քաղաքագետ Նորայր Դունամալյանը Sputnik Արմենիայի հետ զրույցում անդրադարձել է 8-րդ գումարման Ազգային ժողովի անդրանիկ նստաշրջանի առաջին նիստին, իշխանության և... 02.08.2021, Sputnik Արմենիա

2021-08-02T21:02+0400

2021-08-02T21:02+0400

2021-08-02T21:12+0400

տեսանյութեր

մուլտիմեդիա

աժ (ազգային ժողով)

նորայր դունամալյան

sputnik զրույց

https://cdn.am.sputniknews.ru/img/07e5/08/02/28524178_6:-1:1280:720_1920x0_80_0_0_96d7aaa32ebb1b7f1dfe1306e8c9642a.jpg

Նոր գումարման խորհրդարանի առաջին օրը ցույց տվեց, որ օրենսդիր մարմնում կար երկու զուգահեռ իրականություն` ընդդիմադիր և իշխանական, որոնք այդպես էլ չհատվեցին։ Sputnik Արմենիայի հետ զրույցում նման կարծիք հայտնեց Նորայր Դունամալյանը։Նրա խոսքով` իշխանությունը դասեր չի քաղել գործընթացներից, իսկ ընդդիմությունը եթե կարծում է, որ ԱԺ–ում նստած են դավաճաններ, ապա նրանց հետ ոչ մի կառուցողական գործելաոճ չի կարող ստեղծել, հետևաբար հաշվի առնելով առճակատումը` ԱԺ–ի առջև դեռ շատ խնդիրներ են բացվելու։«Իշխող ուժին թվում է, թե իշխանության է եկել 2018 թվականի պես, բայցևայնպես ընդդիմության պարագայում չի բացառվում, որ ՔՊ–ի հետ խորհրդարանում համագործակցությունն իրականացվի հենց օպորտունիստական դիրքորոշման ներքո։ Չափազանց կարևոր է, թե հատկապես Ռոբերտ Քոչարյանն ինչպիսի ներգրավվածություն կունենա ԱԺ աշխատանքներում և ինչպես կղեկավարի «Հայաստան» դաշինքը։ Մի բան պարզ է, որ Նիկոլ Փաշինյանն ընդդիմության վրա ազդելու իրավական լծակից բացի որևէ այլ միջոց չունի, հետևաբար պողպատե մանդատը դառնում են իրավապահ մարմինները»,– ասաց քաղաքագետը։Անդրադառնալով կալանավորված պատգամավորների խնդրին` Դունամալյանն ընդգծեց, որ թեև ընդդիմությունն ԱԺ–ում իրականացրեց մտածված ակցիա, սակայն խնդրին լուծում պետք է տար ՀՀ գլխավոր դատախազը` համապատասխան միջնորդությամբ, որպեսզի Արթուր Սարգսյանին և Մխիթար Զաքարյանին զրկեին անձեռմխելիությունից կամ ապահովեին նրանց ներկայությունը խորհրդարանի նիստին, սակայն գլխավոր դատախազությունը բավարարվել է միայն «Հայաստան» դաշինքի նամակին պատասխանելով։Դունամալյանի խոսքով` իշխող ուժը հետայսու ձգտելու է միակողմանիորեն ներկայացնել օրինագծերն ու ճնշել ընդդիմությանը պարզ մեծամասնական քվեարկություններով, իսկ ընդդիմությունն արդեն իսկ փողոցից Ազգային ժողով է բերել խոսույթն ու մարտավարությունը։Հիշեցնենք` ութերորդ գումարման Ազգային ժողովն այսօր առաջին նիստն անցկացրեց, որի ընթացքում ընդդիմությունը` «Հայաստան» և «Պատիվ ունեմ» դաշինքների ներկայացուցիչները, ցուցադրաբար լքեցին Ազգային ժողովի նիստերի դահլիճը, երբ ՔՊ–ն պետք է ներկայացներ ԱԺ նախագահի թեկնածու Ալեն Սիմոնյանին։Մինչ այդ «Հայաստան» դաշինքը ներկայացրել էր ԱԺ նախագահի իր թեկնածուին` Մխիթար Զաքարյանին (Մեղրիի նախկին համայնքապետ), որն այս պահին կալանքի տակ է։ Իսկ «Պատիվ ունեմ» դաշինքը ներկայացրել էր ԱԺ նախագահի իր թեկնածուին` Արթուր Սարգսյանին (Սիսիանի նախկին համայնքապետ), որը նույնպես կալանավորված է։ Երբ ՔՊ–ն պետք է ներկայացներ Ալեն Սիմոնյանին, «Հայաստան» դաշինքի ներկայացուցիչները հայտարարեցին, որ ուզում են իրենց 2 պատգամավորները` Սարգսյանն ու Զաքարյանը, ներկա լինեն նիստին։Ավելի ուշ Սիմոնյանն ընտրվեց Ազգային ժողովի նախագահ։

https://arm.sputniknews.ru/20210802/tigran-avinyany-xostovanum-e-naxyntrakan-cucaki-het-kapvats-taradzaynutyunner-e-unecel-28525356.html

https://arm.sputniknews.ru/20210802/xorhrdaran-konflikt-qeryan-qaxaqaget-28524164.html

2021

Լուրեր

am_HY

տեսանյութեր, մուլտիմեդիա , աժ (ազգային ժողով), նորայր դունամալյան, sputnik զրույց