Աշտարակի քրեական հետախույզներն օպերատիվ տվյալներ էին ստացել Ոսկեհատ գյուղում հակակարկտային կայանից մարտկոց գողանալու հետ կապված։
Ոստիկանները բերման ենթարկեցին Էջմիածին քաղաքի Վազգեն Առաջինի փողոցի իր բնակարանից 27-ամյա երիտասարդին: Նա խոստովանեց, որ մարտ ամսին Ոսկեհատ համայնքի վարչական տարածքում տեղակայված հակակարկտային մի կայանից փորձել էր գողանալ մարտկոցը. դուռը բացել էր, բայց հանցագործությունն ավարտին չէր հասցրել ու դիմել էր փախուստի: Մի քանի օր անց կրկնել էր փորձը և այս անգամ` հաջող:
Նույն բախտին էր արժանացրել նաև նույն համայնքի տարածքում տեղակայված հակակարկտային մեկ կայան ևս` հանել-տարել էր սրա մարտկոցն էլ:
Ձեռնարկվում են միջոցառումներ՝ գողոնը հայտնաբերելու ուղղությամբ: Հանգամանքները պարզվում են:
