ԵՐԵՎԱՆ, 26 հուլիսի – Sputnik. Ազգային ժողովի մամուլի ծառայությունը հրապարակել է առաջին նստաշրջանի օրակարգը։
Ավելի վաղ հայտնել էինք, որ նորընտիր խորհրդարանի առաջին նստաշրջանը մեկնարկելու է օգոստոսի 2-ին` ժամը 10:00-ին։
Այսօր տարածած հաղորդագրության համաձայն` օրակարգում 7 հարց է ընդգրկված։
- հաշվիչ հանձնախմբի ստեղծում,
- Ազգային ժողովի նախագահի ընտրություն,
- Ազգային ժողովի նախագահի երեք տեղակալների ընտրություններ,
- մշտական հանձնաժողովների ստեղծում,
- մշտական հանձնաժողովների նախագահների ընտրություններ,
- կառավարության առաջարկությամբ՝ կառավարության կառուցվածքի փոփոխության վերաբերյալ օրենքի նախագծի քննարկում,
- կառավարության ծրագրին հավանություն տալու հարց։
Փաշինյանի պատժելու մեթոդները, կամ ինչպես տխուր երևույթը տհաճ անցյալից տեղափոխվեց մեր օրեր
Հիշեցնենք` Կենտրոնական ընտրական հանձնաժողովը հուլիսի 22-ին ամփոփեց Ազգային ժողովի ընտրությունների վերջնական արդյունքները, որոնց համաձայն` ութերորդ գումարման խորհրդարանում 107 պատգամավոր կլինի։ Իշխող «Քաղաքացիական պայմանագիր» կուսակցությունը կունենա 71 մանդատ, «Հայաստան» դաշինքը` 29, «Պատիվ ունեմ» դաշինքը` 7։
Ո՞վ կստանա ԱԺ փոխնախագահի` ընդդիմության աթոռը. «Հայաստան» դաշինքում հարցը որոշված է
