Թայֆունը սլանում է դեպի Շանհայ. 360 հազար մարդ են տեղահանել, քաղաքում կյանքը կաթվածահար է

ԵՐԵՎԱՆ, 25 հուլիսի – Sputnik․ Չինաստանի Շանհայ քաղաքում 360 հազար մարդ են տեղահանել թայֆունի հետևանքով, տեղեկացնում է ՌԻԱ Նովոստին։
Ինֆա (հրավառություն) անունով թայֆունը Չինաստանի հարավարևելյան Չժեցզյան նահանգի ափերին հասել է այսօր կեսօրին:

View this post on Instagram

A post shared by Cherry Chan (@cherrychan622)

Օդերևութաբանների տվյալներով՝ թայֆունը հյուսիս-արևմուտք է շարժվում ժամում 10 կիլոմետր արագությամբ և այս երեկո կհասնի Շանհայ:

Քաղաքի իշխանությունները նախազգուշացման նախավերջին՝ նարնջագույն մակարդակ են հայտարարել։

Սինհուա գործակալության տվյալներով՝ Շանհայը արդեն ցիկլոնի ազդեցության տակ է, քաղաքում քամու պոռթկումները հասնում են յոթ միավորի, արմատախիլ է եղել մոտ հազար ծառ, պոկվել են գովազդային վահանակներ, կոտրվել շենքերի ապակիներ: Սպասվում է, որ գիշերը քամին ու անձրևը կուժեղանան: Այս պահին տուժածներ չկան։

Քաղաքի երկու միջազգային օդանավակայաններում չեղյալ են հայտարարվել բոլոր ուղևորատար չվերթերը, փակվել է մետրոն, ինչպես նաև ամբողջությամբ դադարեցվել է արագընթաց գնացքների երթևեկությունը մինչև վաղը։

Ֆիլիպիններում մոլեգնած թայֆունը ահռելի վնասներ է հասցրել․ տեսանյութ