ԵՐԵՎԱՆ, 21 հուլիսի - Sputnik. Հայաստանի մարդու իրավունքների պաշտպան Արման Թաթոյանի գլխավորած խումբը հուլիսի 20-ին փաստահավաք աշխատանքներ է իրականացրել ՀՀ Արարատի մարզի Երասխ գյուղում։
Ինչպես հայտնում է Թաթոյանը Facebook-ում կատարած գրառման մեջ՝ այցի արդյունքների հիման վրա այժմ ամփոփվում է պաշտպանի արտահերթ զեկույցը՝ անգլերենով և ապացույցներով հիմնավորված:
Մարդու իրավունքների պաշտպանը ևս մեկ անգամ հատուկ արձանագրում է, որ Երասխի հարևանությամբ ադրբեջանական կրակոցները հանցավոր բնույթի են, կատարվում են քաղաքացիական բնակչության կյանքի և առողջության, այլ կենսական իրավունքների համար իրական վտանգավոր եղանակով։ Դրանք ոտնահարում են քաղաքացիական բնակիչների անդորրն ու խաղաղ կյանքը:
Հիշեցնենք, որ հուլիսի 19-ին ադրբեջանական զինված ուժերը մի քանի ժամ շարունակ տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի Երասխի հատվածում տեղակայված հայկական դիրքերը: Պարբերաբար կիրառվել են նաև ականանետներ։
Երասխի դիրքերում հակառակորդի արձակած կրակոցից ուսի հատվածում վնասվածք է ստացել Երասխ համայնքի ղեկավար Ռադիկ Օղիկյանը:
![Ադրբեջանական դիրք Երասխի մոտ Ադրբեջանական դիրք Երասխի մոտ - Sputnik Արմենիա](https://cdn.am.sputniknews.ru/img/07e5/07/15/28375980_0:0:1601:1067_600x0_80_0_0_dc38323cb6d45560b63219a7d66890f4.jpg)
![Ադրբեջանական դիրք Երասխի մոտ Ադրբեջանական դիրք Երասխի մոտ - Sputnik Արմենիա](https://cdn.am.sputniknews.ru/img/07e5/07/15/28375975_0:0:1601:1067_600x0_80_0_0_3c90ba2b2b7e017e79fdf4234b3ebc6b.jpg)
![Երասխ գյուղի տարեց բնակիչը Երասխ գյուղի տարեց բնակիչը - Sputnik Արմենիա](https://cdn.am.sputniknews.ru/img/07e5/07/15/28375959_0:0:1600:1067_600x0_80_0_0_074318bcb3ac283358c250411dda481b.jpg)
![Արման Թաթոյանն այցելել է Երասխ Արման Թաթոյանն այցելել է Երասխ - Sputnik Արմենիա](https://cdn.am.sputniknews.ru/img/07e5/07/15/28375954_0:0:1600:1067_600x0_80_0_0_6da4ab2ecdf6b803867886acc0e6b0d6.jpg)
![Արման Թաթոյանն այցելել է Երասխ Արման Թաթոյանն այցելել է Երասխ - Sputnik Արմենիա](https://cdn.am.sputniknews.ru/img/07e5/07/15/28376335_0:0:1601:1067_600x0_80_0_0_96cc1099b6e03fe3c0d07cdafb568403.jpg)
Հուլիսի 14-ին հայ-ադրբեջանական սահմանի այս հատվածում ադրբեջանական ԶՈւ ստորաբաժանումները մարտական դիրքերի առաջխաղացման նպատակով փորձել էին ինժեներական տեխնիկայի կիրառմամբ ամրաշինական աշխատանքներ իրականացնել: Հայկական կողմի՝ նշված աշխատանքները դադարեցնելուն միտված հակազդող գործողություններից հետո ադրբեջանցի զինծառայողները նշանառու կրակ էին բացել հայկական դիրքերի ուղղությամբ: Ծավալված փոխհրաձգության հետևանքով ՀՀ ԶՈւ զինծառայող էր մահացել:
Ադրբեջանի զինված ուժերը Երասխի հայկական դիրքերի ուղղությամբ կրակ էին բացել նաև հուլիսի 16-ին և 17-ին։