ԵՐԵՎԱՆ, 18 հուլիսի – Sputnik. Ռուս-ուկրաինական երգչուհի Անի Լորակը վերանայել է իր հայացքները տղամարդկանց մասին. եթե նրան նախկինում կարող էր գրավել արտաքինը, ապա այժմ նա կարծում է, որ երջանկությունը տղամարդու քաշի, տարիքի և տեսքի մեջ չէ։ Լորակն այս մասին հայտնել է 7Дней.ru–ի հետ հարցազրույցում։
Նշենք, որ երկու տարի առաջ Լորակը բաժանվեց գործարար Մուրատ Նալչաջօղլուի ՝ նրան բռնելով դավաճանության մեջ։ Լորակը բազմիցս խոստովանել է, որ բաժանումն իր համար շատ դժվար էր:
Երգչուհու խոսքով՝ նախկինում նա կարծում էր, որ ընտրյալի արտաքինը ամենակարևորն է։ Նա նույնիսկ իր համար չափանիշներ էր սահմանել, թե ինչ տեսք պետք է ունենա տղամարդը։ Սակայն տարիքի հետ ու սեփական փորձից ելնելով` երգչուհին վերանայել է ամեն ինչ։
«Ես հասկացա, որ սիրո և երջանկության իրական զգացումը կախված չէ մարդու քաշից, տարիքից և տեսքից: Պարզվում է, որ կարելի է սիրահարվել նաև մի փոքր գեր ու ճաղատ տղամարդու։ Թվում է`նման տեսքով անձը հեռու է քո պատկերացրածից, բայց նա այնքան հարուստ ներքին աշխարհ կարող է ունենալ, որ նրա հետ քեզ հետաքրքիր լինի»,–ասել է երգչուհին։
Նա հավելել է, որ իրական «գանձերը» մարդու ներսում են, և իր համար կարևոր է ուժը, արժանապատվությունը, բարությունը, առատաձեռնությունն ու խելացիությունը։ Ի դեպ, երգչուհին վստահ է` խելացի լինելը նաև սեքսուալ է։
Անի Լորակն իր տարօրինակ պարով վախեցրել է հանդիսատեսին. տեսանյութ
