ԵՐԵՎԱՆ, 12 հուլիսի – Sputnik. Թուրքիայի նախագահ Ռեջեփ Թայիփ Էրդողանը սադրանք է անվանել Ստամբուլի Քադըքյոյ թաղամասում հայկական Սուրբ Թագավոր եկեղեցու պատին պարեր կազմակերպած տղամարդկանց հետ կապված միջադեպը:
«Կրոնի նկատմամբ անհարգալից վերաբերմունքը, որը դրսևորվել է Քադըքյոյի եկեղեցու (Սուրբ Թագավոր,–խմբ.) մոտ, ես գնահատում եմ որպես սադրանք՝ ուղղված մեր միասնության դեմ», - ասել Է Էրդողանը Twitter-ում հրապարակված տեսաաուղերձում։
Kabine Toplantısı Sonrası Millete Sesleniş https://t.co/daljrZb4fH
— Recep Tayyip Erdoğan (@RTErdogan) July 12, 2021
Ավելի վաղ թուրքական ԶԼՄ-ները հայտնել էին, որ հուլիսի 11–ի լույս 12–ի գիշերը մի խումբ երիտասարդներ պարել են եկեղեցու պատերին: Խաչի ֆոնին պարող հարբած տղամարդկանց հետ տեղի ունեցած միջադեպի տեսանյութը տարածվել է սոցցանցերում։
Sn. @DIBAliErbas , bu şiddeti durdurmak için yardımınıza ihtiyacımız var. Siz söylerseniz etkili olacaktır. Herkesin kutsalının eşit saygıyı hak ettiğini toplumumuza anlatmak için destek olun lütfen. Çünkü Allah adaleti emreder. https://t.co/Ev88Pwc4Bk
— Ֆաթմա Եավուզ (@fatmayavuz08) July 12, 2021
Ստամբուլի վարչակազմը հայտնել է միջադեպի մասնակիցների ձերբակալության մասին, նրանց համար խափանման միջոց է ընտրվել տնային կալանքը։
Այցելություն Շուշի առանց «Գորշ գայլերի». արդյոք «Ստամբուլն» Էրդողանի համար գերեզման կդառնա
