ԵՐԵՎԱՆ, 10 հուլիսի - Sputnik. Սանկտ Պետերբուրգում արտակարգ դեպք է տեղի ունեցել. մոտորանավակը բախվել է գետի վրայի կամրջին, կան տուժածներ, այդ թվում` երեխաներ։ Տեղեկությունը հայտնում է EADaily–ն:
Սանկտ Պետերբուրգում մարդատար նավը բախվել է գետի վրայի կամրջին
Միջադեպի հետևանքով 5 մարդ է տուժել, այդ թվում ՝ երեխաներ: Ուղևորներից մեկի վիճակը ծանր է: Նախնական տվյալների համաձայն՝ նավում գտնվող մարդկանցից մի քանիսը հարբած են եղել:
«Ականատեսների վկայությամբ` մոտորանավակում գտնվող բոլոր չափահասները հարբած են եղել, նրանց հետ 2 երեխա է եղել: Մի կին լուրջ կոտրվածքներով հոսպիտալացվել է, մյուսները կապտուկներ են ստացել»,–գրում է կայքը:
© Sputnik
Նշվում է, որ դեպքի վայր են ժամանել փրկարարները, ինչպես նաև Սանկտ Պետերբուրգի տրանսպորտային դատախազության աշխատակիցը։
Վթարի հանգամանքները պարզվում են:
