ԵՐԵՎԱՆ, 8 հուլիսի – Sputnik. Արարատի մարզում արտակարգ դեպք է տեղի ունեցել։ Ազատի ջրամբարում ու հարակից տարածքում մեծ թվով մարդկային գանգեր ու ոսկորներ են հայտնաբերվել։
Ինչպես հայտնում է shamshyan.com կայքը, հուլիսի 7-ի երեկոյան Արտակարգ իրավիճակների նախարարության փրկարար ծառայությունն ահազանգ է ստացել, որ Ազատի ջրամբարում դի կա։ Դեպքի վայր ժամանած ոստիկանները, փրկարարներն ու ջրասուզակները ողջ գիշեր որոնողական աշխատանքներ են կատարել, սակայն մթության ու անբարենպաստ եղանակի պատճառով ստիպված են եղել կեսգիշերն անց դադարեցնել աշխատանքները։
Դրանք շարունակվել են արդեն հուլիսի 8-ին։ Փրկարարներն ու ոստիկանները ջրամբարի տարածքում և դրա հարակից վայրերում հայտնաբերել են մեծ թվով մարդկային գանգեր ու մարմնի ոսկորներ։
Նախնական տեղեկություններով՝ դրանք ջրի մեջ ու առափնյա տարածքներում են հայտնվել, երբ ջրի մակարդակի բարձրացման պատճառով մոտակայքում գտնվող հին գերեզմաններում փլուզում է տեղի ունեցել։
