ԵՐԵՎԱՆ, 3 հուլիսի - Sputnik․ Սուսերամարտի օլիմպիական կրկնակի չեմպիոն Յանա Եգորյանը Instagram-ում լուսանկար է հրապարակել արևոտ Սոչիից որդու՝ Լուկասի հետ:
Նա հայտնել է, որ հուլիսի 3-ին փոքրիկը դառնում է երկու ամսական։
«Մաղթում ենք բոլորին լինել երջանիկ ու առողջ` ինչպես մենք ենք»,- լուսանկարի նկարագրությունում գրել է մարզուհին։
Լուսանկարում գեղեցկացած Յանան շատ երջանիկ է, իսկ տղան կարծես թե գոհ է ու իրեն վստահ է զգում մայրիկի գրկում։
««Ի՜նչ համով երեխա է», «Թող Լուկասը մեծանա, երջանիկ տղա լինի և ուրախացնի ձեզ», «Շնորհավորում եմ, իսկական արև է»»,–
մեկնաբանություններում մայրիկին և տղային ուղղված բազմաթիվ հաճոյախոսություններ են շռայլել մարզուհու երկրպագուները։
View this post on Instagram
Յանա Եգորյանը ծնվել է 1993թ. դեկտեմբերի 20–ին Թբիլիսիում՝ Մարինա Եգորյանի և Կարապետ Ալավերդյանի ընտանիքում։ Վերջինս հայ հայտնի դերասան և օպերային երգիչ Հենրիկ Ալավերդյանի որդին է:
Մինչև վեց տարեկանը Յանան ապրել է Երևանում, որից հետո մոր հետ տեղափոխվել է մերձմոսկովյան Խիմկի քաղաք։ Այնտեղ 10 տարեկանում աղջիկը սկսել է սուսերամարտով զբաղվել։
Եգորյանը Ռիո դե Ժանեյրոյում 2016-ի Օլիմպիական խաղերի ոսկե մեդալ է նվաճել սուսերամարտի անհատական և թիմային մրցումներում: Մարզուհու նվաճումների շարքում են աշխարհի առաջնությունների երկու ոսկե մեդալներ, ինչպես նաև վեց հաղթանակ Եվրոպայի առաջնություններում:
2018-ի հունվարին նա դարձավ նախագահ Վլադիմիր Պուտինի վստահված անձը նախագահական ընտրություններում:
«Կովկասի գերուհին» կամ սուսերամարտիկ Եգորյանը հանգիստն անցկացնում է Հայաստանում
