Շոգերով պայմանավորված` շտապօգնության կանչերի թիվը չի ավելացել։ Sputnik Արմենիայի հետ զրույցում տեղեկությունը հայտնեց «Շտապօգնություն» ՓԲԸ–ի տնօրեն Թագուհի Ստեփանյանը։
Նրա խոսքով` ամառային տապը կարող է բացասաբար անդրադառնալ յուրաքանչյուրի վրա` անկախ տարիքից։ Ինչ խոսք`առավել խոցելի են հատկապես մեծահասակները և խրոնիկ հիվանդություններով տառապող մարդիկ, հետևաբար, տհաճ իրավիճակում չհայտնվելու համար մասնագետը հորդորում է ցերեկային ժամերին տնից դուրս չգալ։
«Ավելի վտանգավոր է, երբ մարդիկ դուրս են գալիս առավոտյան 11։00-ից մինչև 17։00-ը։ Դա կարող է նպաստել վիճակի վատացմանը։ Պետք է այնպես անել, որ այդ ժամերին չգտնվեն արևի ուղիղ ճառագայթների տակ»,- ասաց նա։
Խրոնիկական հիվանդություններ ունեցողները, որոնք տանը հովացման համակարգ չունեն, կարող են օրվա ընթացքում ժամանակ առ ժամանակ սառը թրջոցներ դնել մարմինը հովացնելու համար։ Շոգ եղանակին պետք է նաև շատ ջուր խմել։
Բաց մաշկ ունեցողներն արևի տակ կարող են մնալ 18-22, թուխերը՝ 35-39 րոպե. Սուրենյան
Հիշեցնենք, որ ՀՀ ԱԻՆ մամուլի ծառայությունը հայտնել է, որ մինչև հուլիսի 7-ը Արարատյան դաշտում և նրա նախալեռներում, Վայոց Ձորի նախալեռներում, Սյունիքի հովտային գոտում և Երևանում սպասվում է բարձր կարգի հրդեհավտանգ իրավիճակ:
Օդի ջերմաստիճանն առաջիկա օրերին կհասնի մինչև +40 աստիճանի։
Օդերևութաբանության պատմության մեջ ամենատաքը. Սուրենյանը խոսեց հունիսի մասին
