ԵՐԵՎԱՆ, 2 հուլիսի - Sputnik. Ռուսաստանի փոխարտգործնախարար Անդրեյ Ռուդենկոն ղարաբաղյան թեման է քննարկել Եվրոպական արտաքին-քաղաքական ծառայության գլխավոր քարտուղարի քաղաքական հարցերով տեղակալ Էնրիկե Մորոյի հետ։ Այս մասին տեղեկացնում է ՌԴ արտաքին քաղաքական գերատեսչությունը։
«Կայացել է ԱՊՀ տարածքի իրավիճակի առարկայական քննարկում, ներառյալ ղարաբաղյան հակամարտության կարգավորման խնդիրներն ու Անդրկովկասի անվտանգության վերաբերյալ ժնևյան միջազգային քննարկումների քայլերը»,-նշված է հաղորդագրության մեջ։
Ռուսաստանյան կողմից ընդգծվել է հակաօրինական ցանկացած գործողությունների անթույլատրելիությունը՝ ինքնիշխան պետությունների ներքին գործերին միջամտելու ու նրանց սահմանադրական-իրավական կարգը սասանելու ուղղությամբ։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։
2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցինլ ռազմական գործողությունների դադարեցման վերաբերյալ։
15 մլն դոլար` Ռուսաստանից. Ռուդենկոն ասել է` քանի անգամ են խոսել Փաշինյանն ու Պուտինը
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
