ԵՐԵՎԱՆ, 1 հուլիսի – Sputnik. ՀՀ կառավարությունը վերանայում է 2021թ–ին ՀՀ պետական բյուջեով նախատեսված տնտեսական աճի ցուցանիշը։ Այս մասին այսօր կառավարության հերթական նիստում հայտարարեց ՀՀ վարչապետի պաշտոնակատար Նիկոլ Փաշինյանը։
«Ինչպես գիտեք` 2021թ–ի համար բյուջեի նախագծով նախատեսվում էր 3.2 տոկոս տնտեսական աճ։ Բայց գոհունակությամբ պիտի նշեմ, որ հընթացս տնտեսական աճի կանխատեսումները վերանայվում են դեպի վերև, և հիմա 2021թ–ի համար կանխատեսվում է 6 տոկոս տնտեսական աճ»,– ասաց Փաշինյանը։
Վարչապետի պաշտոնակատարը հատկապես կարևորեց անցած կիսամյակի ընթացքում հարկային եկամուտների հավաքագրման ցուցանիշի գերակատարման փաստը։
Ինչպես կառավարության նիստում զեկուցեց ՀՀ ՊԵԿ նախագահ Էդվարդ Հովհաննիսյանը՝ 2021թ–ի առաջին 6 ամիսներին հավաքագրվել է 750.2 մլրդ դրամի հարկային եկամուտ` բյուջեով նախատեսված 683 մլրդ դրամի փոխարեն։
Վարակն ու պատերազմը անկառավարելի իրավիճակ չառաջացրին. ԱԺ–ն քննարկեց բյուջեի կատարողականը
