ԵՐԵՎԱՆ, 1 հուլիսի – Sputnik. Ռուսաստանի Դաշնության նախագահ Վլադիմիր Պուտինը օրենք է ստորագրել ԽՍՀՄ–ի և նացիստական Գերմանիայի դերը Համաշխարհային երկրորդ պատերազմում հանրորեն հավասարեցնելու արգելքի մասին։ Համապատասխան փաստաթուղթը հրապարակվել է իրավական տեղեկատվության պաշտոնական պորտալում։
Փոփոխությունները մտցվել են «1941-1945 թվականների Հայրենական մեծ պատերազմում խորհրդային ժողովրդի հաղթանակը հավերժացնելու մասին» օրենքում։
Պետդումայում նախաձեռնության հեղինակներն են Պետդումայի մշակույթի կոմիտեի ղեկավար Ելենա Յամպոլսկայան, ստորին պալատի առաջին փոխխոսնակ Ալեքսանդր Ժուկովը, ինչպես նաև սենատոր Ալեքսեյ Պուշկովը։ Նախագիծը նախապատրաստվել է մշակույթի և արվեստի գծով նախագահական խորհրդի նիստի արդյունքներով` ՌԴ նախագահ Վլադիմիր Պուտինի հանձնարարականների ցանկի համաձայն։
«Կտրականապես անթույլատրելի ենք համարում հայրենիքի պաշտպանների գործողությունների խառնումն ու (կամ) հավասարեցումը, նրանց գործողություններին, ովքեր իրենց կյանքն են զոհել նրա ազատության և անկախության համար պայքարում, ազատագրող զինվորների գործողությունները ժողովուրդների վերացմանն ուղղված օկուպանտ զինվորների գործողությունների հետ, այն անձանց, որոնք մեղավոր են ճանաչվել հանցագործությունների կատարման մեջ` Նյուրնբերգյան տրիբունալի եվրոպական երկրների գլխավոր ռազմական հանցագործների պատժի և դատավարության համար Միջազգային ռազմական տրիբունալի վճռի համաձայն», – ավելի վաղ նշում էին նախաձեռնության հեղինակները։
«Ավելի լավ է անոտ, քան անգլուխ». ովքեր են Մեծ հայրենականի հայ մարշալները
Նրանք նաև վստահություն են հայտնել «մեր պապերի և նախապապերի հասցեին ակնհայտ վիրավորանքների, մեր հաղթանակի վերաբերյալ նողկալի շահարկումների նկատմամբ օրենսդրական արգելք դնելու» անհրաժեշտության հարցում։ Ինչպես նշվում էր ավելի վաղ` օրենքը կօգնի «թույլ չտալ քաղաքական կապիտալ վաստակել մեր նախնիներին պարսավելու վրա` միևնույն ժամանակ տեղ թողնելով պատմական ուսումնասիրությունների, գիտական բանավեճերի համար, այդ թվում կոնկրետ անձանց կոնկրետ գործողությունների և արարքների քննարկման մասով»։
