ԵՐԵՎԱՆ, 1 հուլիսի – Sputnik. Արցախի պետնախարար Արտակ Բեգլարյանը կարծիքով` Հադրութի շրջանի Խծաբերդ և Հին Թաղեր գյուղերը եռակողմ հայտարարությունից հետո Ադրբեջանի վերահսկողության տակ են անցել երկու տարբերակներից մեկով:
«Ես անձամբ դրա հետ կապված շատ հարցեր ունեմ և որոշ դեպքերում դրանց պատասխանները չունեմ», - ասել է պետնախարարը:
Նրա ներկայացրած առաջին վարկածի համաձայն ՝ գյուղերն անցել են Ադրբեջանի վերահսկողության տակ եռակողմ համաձայնագրի «կողմերի ստորագրած քարտեզներով», որոնցով Խծաբերդը և Հին Թաղերը չէին մնում հայկական վերահսկողության տակ։
«Երկրորդ վարկածի համաձայն` ադրբեջանական կողմն օգտվել է այդ տարածքում ռուս խաղաղապահների բացակայությունից և շարունակել է մարտական գործողությունները ՝ բռնազավթելով այն պատառիկը, որը մնացել էր, որը կարողացել էինք պահել պատերազմի ժամանակ», - ասաց Բեգլարյանը:
Քաղաքական գործիչը հավելեց, որ չի մասնակցել բանակցություններին և չի կարող կոնկրետ տեղեկատվություն ներկայացնել: Հետևաբար, չի կարող ասել, թե այդ վարկածներից որն է ավելի ճիշտ։
Արցախում ռուս խաղաղապահները երկար են մնալու. Արտակ Բեգլարյան
Հիշեցնենք` 2020-ի դեկտեմբերի 11-ին և 12-ին բախումներ տեղի ունեցան Հին Թաղեր և Խծաբերդ գյուղերի մերձակայքում, որոնք դադարեցրին ռուս խաղաղապահները: Այս երկու բնակավայրերը նախ մտել էին ռուս խաղաղապահների վերահսկողության գոտի, բայց որոշ ժամանակ անց անցել են Ադրբեջանի վերահսկողության տակ։ 72 հայ զինծառայողներ գերեվարվել են Հին Թաղեր և Խծաբերդ գյուղերի մոտակայքում։
Արցախի իշխանությունները նախատեսում են մի քանի ջրամբարներ կառուցել
