Ահարոն Սահակյանի խոսքով` Կոտայքի մարզն ունի տնտեսական մեծ պոտենցիալ, որն անհրաժեշտ է ճիշտ օգտագործել։ Այժմ հիմնական խնդիրներից մեկը կապված է ենթակառուցվածքների ներկա վիճակի հետ, որոնց արդիականացումը կխթանի միաժամանակ բոլոր ոլորտների զարգացումը։
«Պատահական չէ, որ իրավիճակը շահեկանորեն փոխելու առումով իրականացվում են մեծաքանակ սուբվենցիոն ծրագրեր։ Ներկայացված 104 ծրագրերից 89-ն արդեն իսկ հաստատվել են, որոնց լիարժեք իրականացման համար անհրաժեշտ է ծախսել մոտ վեց միլիարդ դրամ։ Այն համայնքները, որոնք ֆինանսական պրոբլեմների պատճառով դուրս են մնացել նշված ծրագրերից, մյուս տարի անպայման կներգրավվեն դրանցում»,– նշեց Կոտայքի նորանշանակ մարզպետը։
Սահակյանի տեղեկացմամբ` մարզը շարունակում է մնալ ամենազբոսաշրջայինը, որտեղ մեծ ուշադրություն է դարձվում պատմամշակութային կոթողների և հուշարձանների պահպանմանը, դրանց հարևանությամբ ապօրինի կառույցների շինաշխատանքների արգելմանը։ Ըստ նրա` մարզն ունի նաև գյուղատնտեսական մեծ պոտենցիալ, ու թեև այժմ ամենամեծ խնդիրը կապված է ոռոգման հետ, բայց մշակվող հողատարածքների լիարժեք օգտագործման դեպքում կարձանագրվեն զգալի դրական արդյունքներ։
Անդրադառնալով այն հարցին, որ Կոտայքի մարզը տարիներ շարունակ եղել է քաղաքական ազդեցությունների ներքո, մարզպետն ընդգծեց, որ այդ հարցն այլևս հանված է օրակարգից, որովհետև վերջին ընտրությունների միջոցով ժողովուրդն, ըստ Սահակյանի, այդ հարցը կարգավորեց, այսինքն` բոլորին ցույց տվեց, թե ով որտեղ և ինչով պետք է զբաղվի։
Սպանություն՝ Կոտայքի մարզում. 41–ամյա տղամարդը հիվանդանոցում մահացել է
