ԵՐԵՎԱՆ, 30 հունիսի – Sputnik. Լեռնային Ղարաբաղում Կարմիր խաչի միջազգային կոմիտեի (ԿԽՄԿ) ֆինանսավորման բյուջեն այս պահին մոտ 4-5 անգամ ավելի է, քան նախորդ 27 տարիների ընթացքում։
Տեղեկությունը «Իզվեստիա» թերթին հայտնել է Կարմիր խաչի միջազգային կոմիտեի նախագահ Պետեր Մաուրերը։
«Անցյալում մեր բյուջեն կազմում էր մոտ 10-11 մլն դոլար, իսկ այժմ մոտ 50 մլն դոլար, բացի այդ մենք զգալի ավելացրել ենք մեր ներկայությունը տարածաշրջանում», - հայտնել է Մաուրերը:
Նրա խոսքով՝ ԿԽՄԿ-ն օգնում է տեղահանվածներին, այն մարդկանց, ովքեր վերադառնում են Արցախ։
Մաուրերը շեշտել է, որ ԿԽՄԿ-ի համար ոչ պակաս կարևոր է նաև պատերազմի ընթացքում ձերբակալվածներին այցելելն ու նրանց մասին տեղեկատվությունը հարազատներին փոխանցելը։
Ինչպես հայտնել Է Մաուրերը, եթե անհրաժեշտություն առաջանա և հնարավորություն ընձեռվի, ապա ԿԽՄԿ-ն, հավանաբար, կշարունակի ավելացնել իր ներկայությունը Ղարաբաղում, բայց ավելի դանդաղ տեմպերով, քանի որ շատ դժվար է ֆինանսավորում ստանալ այդ գործողությունների համար:
