ԵՐԵՎԱՆ, 28 հունիսի – Sputnik. Գերմանիայի և Ֆրանսիայի առաջարկած Ռուսաստան-Եվրամիություն գագաթնաժողովի չեղարկման պատճառը եվրոպական փոքրամասնության ռուսատյաց տրամադրություններն են։ «Կոմերսանտ» թերթում և «Ռուսաստանը գլոբալ քաղաքականության մեջ» ամսագրում հրապարակած իր հոդվածում այսպես է բացատրել ՌԴ արտաքին գործերի նախարար Սերգեյ Լավրովը:
Ինչո՞ւ ԵՄ-ն «թաղեց» ՌԴ-ի հետ գագաթնաժողովի գաղափարը
«Վլադիմիր Պուտինի հետ հանդիպում անցկացնելու մասին Անգելա Մերկելի և ԷմանուելՄակրոնի նախաձեռնությունը թաղվեց՝ չհասցնելով ծնվել»,-գրում է Լավրովը։
Հունիսի 16-ին ՌԴ-ի և ԱՄՆ-ի նախագահների բանակցություններից անմիջապես հետո ԵՄ-ի և ՆԱՏՕ-ի ղեկավարները շտապեցին հայտարարություններ անել այն մասին, որ Ռուսաստանի նկատմամբ իրենց մոտեցումներում ոչինչ չի փոխվել: Ավելին՝ նրանք, իբր, պատրաստ են նույնիսկ Մոսկվայի հետ հարաբերությունների վատթարացմանը։
«Մեկնաբանները նկատեցին, որ Ժնևում ռուս-ամերիկյան գագաթնաժողովի անցկացման բուն փաստով կարծես կանաչ լույս վառվեց այդ նախաձեռնության համար, բայց մերձբալթյան երկրներն ու լեհերը կանգնեցրին Բեռլինի և Փարիզի «ինքնագործունեությունը» (իսկ Ուկրաինայում Գերմանիայի և Ֆրանսիայի դեսպաններին հրավիրեցին երկրի ԱԳՆ՝ բացատրություն տալու այդ «ինքնագործունեության» վերաբերյալ)։ Բրյուսելում կայացած բանավեճերի արդյունքը դարձավ Եվրահանձնաժողովին և Եվրոպական արտաքին քաղաքական ծառայությանը տրված հանձնարարականը՝ Մոսկվայի դեմ նոր պատժամիջոցներ մշակելու վերաբերյալ»,-գրում է Լավրովը։
Ընդ որում, Լավրովն ընդգծել է, որ Մոսկվայի կոնկրետ «մեղքերը» դեռ չեն նշվում։ Ըստ երևույթին, «ցանկության դեպքում ինչ-որ բան կմոգոնեն»։
Արևմտյան աշխարհակարգն ու «խառը 90-ականները»
Ռուսաստանի արտաքին գործերի նախարար Սերգեյ Լավրովը արտահայտիչ է բնութագրել «աշխարհակարգի» արևմտյան հայեցակարգը և այն համեմատել «խառը 90-ականներին» Ռուսաստանում գործող չգրված օրենքների հետ:
«ՆԱՏՕ-ի և G7-ի՝ հունիսին անցկացված գագաթնաժողովներին այնպես էին նախապատրաստվում, որ որևէ կասկած չի մնում»,-նշվում է նախարարի հոդվածում
Նրա խոսքով՝ Արևմուտքը ցանկանում էր, որ բոլորը հասկանան, թե այն առավել քան երբևէ միասնական է և միջազգային գործերում կանի միայն այն, ինչ ճիշտ է համարում։ Ընդ որում, բոլոր մյուսները, առաջին հերթին՝ Ռուսաստանն ու Չինաստանը, պարտավոր են հետևել նրանց ընտրած կուրսին։
Եվրոպան շուտով կփլուզվի ներսից. մտածում են` ինչպես պատժեն Ռուսաստանին
«Իր «կանոնների» վերածնումից Արևմուտքը խնամքով խուսափում է, ինչպես և հարցերից, թե ինչի համար են դրանք պետք, եթե միջազգային իրավունքի հազարավոր գործիքներ կան, որոնց տակ բոլորը ստորագրել են, որոնք պարունակում են պետությունների հստակ պարտավորություններն ու դրանց կատարման ստուգման թափանցիկ մեխանիզմները։ Արևմտյան կանոնների «հմայքը» հենց հստակության բացակայությունն է․ երբ որևէ մեկը Արևմուտքի կամքին հակառակ է վարվում, այն ակնթարթորեն մերկապարանոց հայտարարություն է անում «կանոնների խախտման մասին (փաստեր չի ներկայացնում) և հայտարարում է խախտողին «պատժելու իր իրավունքի» մասին»,-նշում է Լավրովը։»
Լավրովը հրավիրում է ընթերցողի ուշադրությունը․որքան հստակությունը քիչ է, այնքան «ձեռքերն ազատ են կամայականություններ անելու համար»։ Դա առաջին հերթին արվում է մրցակիցներին անմաքուր մեթոդներով զսպելու համար։
««Խառը 90-ականների» Ռուսաստանում դա կոչվում էր «պանյատներով շարժվել»,-ամփոփում է Լավրովը։
ԱՄՆ-ի տարօրինակ դիրքորոշումը՝ Ժնևում կայացած գագաթնաժողովից հետո
Լավրովը ընդգծում է, որ Ժնևում Ռուսաստանի և ԱՄՆ-ի նախագահների գագաթնաժողովից հետո Վաշինգտոնից ստացվող հայտարարություններն այնքան էլ չեն համապատասխանում այն դիրքորոշմանը, որն ամերիկյան կողմը հայտնում էր երկու պետությունների ղեկավարների բուն հանդիպման ժամանակ։
Հունիսի 16-ի գագաթնաժողովն ավարտվել է ռազմավարական կայունության մասին առարկայական երկխոսություն սկսելու շուրջ պայմանավորվածությամբ, մյուս արդյունքներից են կիբեռանվտանգության հարցերի, երկու երկրների՝ դատապարտված քաղաքացիների ճակատագրի, ինչպես նաև տարածաշրջանային հակամարտությունների խնդրի շուրջ խորհրդակցությունների անցկացումը:
Ընդ որում՝ Պուտինը հստակ նշել է, որ յուրաքանչյուր ուղղությամբ արդյունքի հնարավոր է հասնել միայն «շահերի փոխընդունելի հավասարակշռություն» գտնելով՝ խիստ պարիտետային հիմունքներով։
«Սակայն դրանց ավարտից գրեթե անմիջապես հետո ԱՄՆ-ի պաշտոնական անձինք, ներառյալ Ժնևի հանդիպման մասնակիցները, սկսեցին համառորեն շեշտել նախկին դիրքորոշումները․ թե՝ մենք Մոսկվային «ցույց տվեցին, հստակ նախազգուշացրինք, նշեցինք մեր պահանջները»։ Ընդ որում՝ այդ բոլոր սկսեցին սպառնալիքներով ուղեկցվել․եթե Մոսկվան «մի քանի ամսվա ընթացքում» չընդունի Ժնևում իրեն ներկայացված «խաղի կանոնները», ապա նոր ճնշման կենթարկվի»,-գրել է Լավրովը։
ԱՄՆ–ն փորձում է ակտիվանալ արցախյան բանակցային գործընթացում․ Սաֆրաստյան
Նախարարի կարծիքով՝ ամերիկյան պաշտոնյաներին երկրորդող եվրոպական երկրների դիրքորոշումները կարող էին մշակվել դեռևս ռուս-ամերիկյան հանդիպումից առաջ կայացած հանդիպումների ընթացքում։ Խոսքը Քորնուոլում կայացած G7-ի և Բրյուսելում կայացած ՆԱՏՕ-ի գագաթնաժողովների մասին է, ինչպես նաև Բայդենի զրույցի մասին Եվրոպական խորհրդի նախագահ Շառլ Միշելի և Եվրահանձնաժողովի նախագահ Ուրսուլա ֆոն դեր Լյայենի հետ։
