ԵՐԵՎԱՆ, 27 հունիսի - Sputnik. Տարիներ առաջ կյանքից հեռացած երգչուհի Վարդուհի Վարդանյանի ծննդյան օրն է այսօր։
Երգչուհի Զարուհի Բաբայանն այս առիթով Instagram–ում հրապարակում է արել։
«Մի ողջ կյանք քեզ հետ։ Մի ողջ կյանք առանց քեզ»,– գրել է Բաբայանն ու լուսանկարներ հրապարակել Վարդուհի Վարդանյանի հետ։
Զարուհի Բաբայանը Վարդուհի Վարդանյանի հետ լուսանկարներ է հրապարակել
© Photo : Instagram / Zaruhi Babayan
Լուսանկարներից մեկում Զարուհին ու Վարդուհին են պատանեկան տարիքում, երբ միասին երգում էին Աշոտ Բզնունու երաժշտական խմբում։ Մեկ այլ լուսանկարում երկու երգչուհիները` իրենց գործընկերուհի Ալլա Լևոնյանի հետ են, մեկ այլ տեղ` Արսեն Սաֆարյանի ու Արսեն Գրիգորյանի հետ։
Վարդուհի Վարդանյանը ծնվել է 1976թ–ի հունիսի 27-ին, մահացել` 2006թ–ին` 30 տարեկանում, Երևան–Սևան ավտոճանապարհին տեղի ունեցած ավտովթարի հետևանքով։
Վարդուհի Վարդանյանն այսօր կդառնար 45 տարեկան։
