ԵՐԵՎԱՆ, 27 հունիսի - Sputnik. Աշխարհի նախկին առաջին ռակետ Սերենա Ուիլյամսը բաց կթողնի Տոկիոյի Օլիմպիական խաղերը:
«Ես մասնակիցների ցուցակում չեմ: Իսկ եթե կամ, ապա չպետք է լինեի», - Սերենա Ուիլյամսի խոսքերը Twitter- ում մեջբերում է լրագրող Թումաինի Կարայոն:
Սերենա Ուիլյամսն իր կարիերայի ընթացքում հաղթող է ճանաչվել «Մեծ սաղավարտի» 23 մրցաշարերում:
Serena Williams is not playing the Olympics. “I’m actually not on the Olympic list. If I am, I shouldn’t be on it.”
— Tumaini Carayol (@tumcarayol) June 27, 2021
Ընդհանուր առմամբ, նա WTA մրցաշարերում 72 անգամ տիտղոսակիր է դարձել: 2012 թվականի Լոնդոնի օլիմպիական խաղերում նվաճել էր ոսկե մեդալներ ինչպես մենախաղերում, այնպես էլ զուգախաղերում: Այս պահին նա աշխարհի լավագույն թենիսիստուհիների վարկանիշում զբաղեցնում է տասներորդ տեղը:
«Մեծ սաղավարտի» ամենաերիտասարդ հաղթողը. Ալեքսիս Օհանյանը դստեր հետ լուսանկար է հրապարակել
Հիշեցնենք, որ Սերենա Ուիլյամսն ամուսնացած է ամերիկացի միլիոնատեր, Reddit կայքի հիմնադիր Ալեքսիս Օհանյանի հետ: 2017-ի սեպտեմբերին «Մեծ սաղավարտի» 23-ակի հաղթողն ու հայտնի գործարարը դուստր էին ունեցել : Երեխային անվանակոչել են ի պատիվ Ալեքսիսի` Ալեքսիս-Օլիմպիա Օհանյան: Այս տարվա աշնանը Օհանյանը կրկին եկել էր Երևան և ելույթ ունեցել Տեղեկատվական տեխնոլոգիաների համաշխարհային կոնգրեսում (WCIT):
