ԵՐԵՎԱՆ, 23 հունիսի – Sputnik. Ռուս խաղաղապահները ԼՂՀ Մարտունու շրջանում ապահովում են տեղի բնակիչների անվտանգությունը հացահատիկի բերքահավաքի ընթացքում։ Այս մասին հայտնում է ՌԴ ՊՆ մամուլի ծառայությունը։
«Մարտունու շրջանի Մարտունի բնակավայրի` այսինքն սահմանազատման գծի մոտ, ապահովում ենք գյուղատնտեսական աշխատանքների անվտանգությունը», – հայտնել է խաղաղապահ զորակազմի ներկայացուցիչ Ալեքսանդր Զայցևը։
Մարտունու շրջանի գյուղատնտեսական առաջատար ճյուղերի թվում գերակշռում են խաղողագործությունը, անասնապահությունն ու հողագործությունը։ Այս ճյուղերն աշխատանքով են ապահովում տեղի բնակչությանը։
«Շնորհակալ ենք խաղաղապահներին Մարտունու շրջանի տարածքում գյուղատնտեսական աշխատանքների անցկացման անվտանգությունն ապահովելու համար», – ասել է Մարտունու շրջանի վարչակազմի ղեկավարի տեղակալ Մասիս Զագորյանը։
Նշվում է, որ տեղի բնակիչները հակահրդեհային գոտիներ են ստեղծում` նպատակ ունենալով կանխել խոտի այրումը, ինչպես նաև պաշտանել դաշտերն ու բնակավայրերը հրդեհներից:
Ռուս սակրավորները նախապես էին ստուգել տեղի դաշտերում պայթյունավտանգ առարկաների և չպայթած ռազմամթերքի առկայությունը։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։
2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցինլ ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
