ԵՐԵՎԱՆ, 23 հունիսի – Sputnik. ՀՀ կենդանիների Կարմիր գրքում գրանցված մուֆլոնները հայտնվել են տեսախցիկների ուշադրության կենտրոնում։ «Զանգեզուրյան բնաշխարհ» ֆեյսբուքյան էջում մուֆլոնների լուսանկարներն են հրապարակվել։
Լուսանկարներում երևում է` ինչպես են մուֆլոնները նախ նայում տեսախցիկներին, ապա մեծ ու բարձր ցատկերով հեռանում։
«Սա էլ մեր մուֆլոնները, որոնց արձանագրեցինք Բնության համաշխարհային հիմնադրամի (WWF) Հայաստանյան մասնաճյուղի հետ համատեղ իրականացվող մշտադիտարկման աշխատանքների արդյունքում»,– գրված է լուսանկարներին կից։
Ուշադրություն, նկարում են․ բեզոարյան այծերի ֆոտոսեսիան` հայոց լեռներում
Նշենք, որ Հայաստանում մուֆլոնն ապրում է մշտապես` ձմռանը չքոչելով, իսկ տարվա տաք եղանակներին դիտվում է արուների ներհոսք։ Մուֆլոնը պարբերաբար կատարում է ուղղահայաց միգրացիաներ. ձմռանը` դեպի նախալեռներ, ամռանը` դեպի բարձունքներ։
Մուֆլոնների հիմնական մասն ապրում է Բարգուշատի և Զանգեզուրի լեռնաշղթաներում։
