ԵՐԵՎԱՆ, 23 հունիսի – Sputnik. Ադրբեջանն ու Թուրքիան մարտավարական զորավարժություններ են անցկացնում Նախիջևանում։ Տեղեկությունը հայտնում են ռուսական ԶԼՄ–ները` հղում անելով Ադրբեջանի պաշտպանության նախարարության մամուլի ծառայությանը։
«Հունիսի 21-ից 23-ն ընկած ժամանակահատվածում հատուկ մարտավարական զորավարժություններ են անցկացվում, որոնց մասնակցում են Նախիջևանի կայազորի զորքերը և Թուրքիայի ԶՈւ կառավարման մարմինները», – ասված է հաղորդագրության մեջ։
3-րդ զորամիավորման զորամասերից մեկում մարտավարական զորավարժություն է անցկացվել. լուսանկար
Գերատեսչությունից հայտնել են նաև, որ զորավարժությունների ընթացքում զինվորականները մշակում են կապի միասնական համակարգի օգնությամբ գործողությունների համակարգումը, շտաբների միջև տվյալների փոխանակման ապահովումը, ինչպես նաև ԱԹՍ–ների օգնությամբ ստացված տվյալների ինտեգրումը մարտերի կառավարման միասնական համակարգում:
Ադրբեջանի և Թուրքիայի զինված ուժերը կրկին համատեղ զորավարժություններ են անցկացրել
Զորավարժություններին ներգրավված անձնակազմի և տեխնիկայի թվաքանակի վերաբերյալ տվյալներ չեն հայտնում։
Միաժամանակ, զորավարժությունների լեգենդի համաձայն, պայմանական հակառակորդի հրետանային մարտկոցը հարված է հասցրել ադրբեջանական զորքերի առաջապահ դիրքերին։ Իսկ մարտկոցի տեղաշարժը իհարկե վերահսկվել է Bayraktar-TB2 ԱԹՍ–ի օգնությամբ։
Հայաստանում հատուկ նշանակության վարժանքներ են անցկացվել. լուսանկարներ
