ԵՐԵՎԱՆ, 20 հունիսի - Sputnik․ «Քաղաքացու որոշում» կուսակցությունը գլխավորող Սուրեն Սահակյանին ոստիկանությունը բերման է ենթարկել։ Այս մասին տեղեկանում ենք Facebook-ում Սահակյանի ուղիղ հեռարձակումից։
Սուրեն Սահակյանը պատմում է, որ իրեն «Պատիվ ունեմ» դաշինքի ներկայացուցիչը ներս չի թողել 6/18 ընտրատեղամաս, ինչի հետևանքով վեճ է բռնկվել նրա, Սահակյանի և մի քանի հոգու միջև ևս։ Դրանից հետո ոստիկանությունը խառնվել է վեճին և որոշել բերման ենթարկել Սուրեն Սահակյանին և «ՔՈ»–ի վստահված անձին։
«Քան թե ինձ ընտրատեղամաս չթողնողին բերման ենթարկեք, ինձ եք բերման ենթարկում»,–վերջում ասում է Սահակյանը ոստիկանին։
Նշենք, որ համաձայն ընտրական օրենսգրքի` կուսակցության ցուցակներում ներառված թեկնածուները կարող են ցանկացած ընտրատեղամասում ներկա լինել ձայների հաշվարկին։
Փորձել են քվեարկել 1-ից ավելի անգամ կամ ուրիշի փոխարեն․ ՔԿ
Հիշեցնենք` այսօր` հունիսի 20–ին, ժ. 08։00–20։00–ն Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։
Խորհրդարանական ընտրություններին մասնակցում են 21 կուսակցություն և 4 դաշինք։
Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։
Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է
